Jeremaya 39:8 - WEN GBAŊKA

⁸ Kaldiya demma a ju naab yenni ale nuruma yeeŋa bolim ale wɛ Jerusalem parisaŋa a lɔnsi.

Jeremaya 39:8 Iomraidhean Croise

2 Nalima 25:8

Chiisa sinuwa daa ŋayopɔiwa danni, Babilon naawa Nebukadnezzar bena pi ale neokku po ate wa dɛ wa naamu la, waai ale a cheŋ ale wa la, ate wa chim Babilon naawa kpagi la, yaa jam Jerusalem.

2 Ŋiak Wie 36:19

Ba jam ju Wen yenni ale ka bolim ale nak Jerusalem parika a lɔnsi, ba jam ju naab yenni ka meena ale kaasi jaab meena ale ta dobrim du la.

Neyemia 1:3

Ba yaa weeni mu ayen, <

Yiila 79:7

Dii nyiŋla, ba ko Jekob, ale kaasi wa tɛŋka meena.

Azaya 5:9

Naawen Dii Ale A Dɛ Tugurik Tɔŋdɔma Niŋ La a weeni kama ate mi a wom wa ayen, <

Jeremaya 17:27

<< >>

Jeremaya 21:10

Mi piika nyiŋ ayen m nye tɛŋka de biem alege daa nalimmoa, Naawen ale weeni. M le pai nyo Babilon naawa nisa po ate wa kaasi ka ale bolim.

Jeremaya 32:29

Kaldiya demma ale a siti tɛŋka de la ale jo a ju ka bolim, ba le ju ka meena ale yie ŋaai ate nuruma a ju ŋan baai nyum ale masa ŋa zuk a te Baal ale kpiiri daam tiirita a te wen yona a nye ate m sui a puuri la.

Jeremaya 34:2

<

Jeremaya 34:22

M boro ayen m te ka suik, Naawen ale weeni, abe m ta ba a ŋman jam tɛŋka de. Ba le kpaliŋ ale ka, a yik ka ale ju ka basi. Ate m yaa basi ate Juda tɛŋsaŋa a doa koruk nuru a kan baga a boro.>>

Jeremaya 37:10

Babilon tugurik tɔŋdɔ baai meena ale a siti la ba nuru baai ale kɔni la a dan poom tali bo ba viitaŋa po ba le nyini a ju tɛŋka de a basi.>>

Jeremaya 38:18

Alege fi dan kan siak a te Babilon naawa kpaŋŋa tɛŋka de, ale jo Kaldiya demma nisa po ate ba ju ka basi, fidek a kan yuli bɛ ba nisima po.> >>

Jeremaya 5:10

<

Jeremaya 7:20

<<

Kumsa 1:10

Dachaasaŋa a pai ka ŋanmaŋsaŋa meena. Ka nya nicham mɛ a jo ka puusaŋa yenni po. Naawen ale weeni ayen nicham kan maara jo ka nuruma tuka jigini.

Kumsa 2:2

Nyɔnɔwa a kaasi Jekob nuruma yeeŋa meena alege an sak jiirimmoa. Wa kaasi Juda jigi pagrisaŋa meena ale suipuurum. Wa yuk ba tɛŋka ale ka nalimaŋa a lɔnsi tɛŋ ate ba an nya zula.

Kumsa 2:7

Nyɔnɔwa a zɛri wa kuŋkuŋku ale basi wa Yenni. Wa pai Jerusalem parisaŋa ale naamu yeeŋa a te dachaasaŋa. Ba nuemka Naawen Yenni po a nye ase ka tigi dai la.

Ezekiel 16:41

Ba le ju fu yeeŋa abe ba namsi fu nipok boari niŋ. M le kpegli fi nidoama bobi goomu ate fi kan ŋman tuni baai ate fi a yaali la.

Ezekiel 23:47

Basi ate nuru boanni a yuk ba ale tana a ko, abe ba che ba ale gebisa a lɔnsi. Basi ate ba ko ba bisaŋa ale ba liema abe ba ju ba yeeŋa.

Ezekiel 33:21

Ba le yik tama a ta cheŋ la bena pi ale ŋayewa po, chiisa piika po ka daa ŋanu danni nuru yaa vari nyini Jerusalem a jam mi jigi a weeni ayen, <>

Amos 2:5

Mi ale basi ate bolim a chɔgsi Juda ate bu kaasi Jerusalem yie pagrisaŋa meena.>>

Maika 3:12

Dila nyiŋ nama nyiŋ, ba ale kpa Zayon ase ka laŋ la. Jerusalem ale nye ase ka guura la, Naawen yenni a chim guuk ate tiisa a chim lik.