Jeremaya 33:18 - WEN GBAŊKA

¹⁸ yaase kaabteerɔma baai ale ka Livaiba la a kan maa kpeeri ale nuru nyaka ate wa zaani mi niŋ a kasim a te juka tiirita abe wa a ju ŋanbie tiirita abe wa a nye kaabsa a te.> >>

Jeremaya 33:18 Iomraidhean Croise

Ezra 3:5

Ku la ŋaaŋnyiŋ, ba jam te ba ale magsi ba te dii a magsi juka kaabka, ale Chiik Paalik kaabka ale kaab weleŋ kaai meena ate ba lueri a te Naawen, ale baai meena ate ba ta jam ase tiirim la a te Naawen.

Azaya 56:7

bade ale m ta a jam m tuilum guuku zuk a te ba masim m puusa yenni po. M le tuesi ba juka tiiritaŋa ale ba kaabka m kuŋkuŋku zuk, diila mi yenni yuei ale puusa yeri a te tɛŋsa meena.

Azaya 61:6

Ate ba ale wi ni ayen Naawen kaabteerɔba, ba le wi ni ayen ti Wenni tuimtomdɔba. Ni ale dɛ tɛŋ kpieŋsaŋa jigsika masim, ate ba jigsika po ate ni ale nak kuusidi.

Jeremaya 33:19

Naawen wanni a yaa jam Jeremaya jigi:

Jeremaya 33:22

M le basi ate m tomteerɔwa Deevid ŋaaŋbisaŋa ale kaabteerɔma ale nyini Livai buuni po la ŋaaŋbisaŋa a piisi ate ku le tua ale ba chiinika ase ku le tua ate fi chiini chiŋmarisaŋa ale bo wenzukku diila yaase fi baga a chiini tintain busuŋ za beli nɔi diila.> >>

Jeremaya 35:19

Dila la, Naawen Dii Ale A Dɛ Tugurik Tɔŋdɔma Niŋ La, Izirali Wenni ale weeni diila ale nna: >>

Ezekiel 44:15

Alege kaabteerɔma, baai ale ka Livaiba a chim Zadok ŋaaŋbisa a jam tom mi boka jigini tuimaŋa ale siaka diipo ate Izirali demma basi mi niŋ. Ba zaani mi niŋ a pa kpaam ale ziim a kaab te mi. Nyɔnɔwa Naawen ale weeni.

Ezekiel 45:5

Peelim buui ale a chim anamagib tusa pisiyopɔi ale bunu (75,000) woglim ate anamagib tusa pisita (30,000) a chim labsim la, Livaima ale a tom yenni po la ale soa ase nitalim la, a chim ba tɛŋsa ate ba a boro.

Chiinika 3:5

Naawen a jam weeni Moosis ayen,

Aroom 1:21

Ba jam seba Wen kama, alege ba an jam a siak ayen ba a nye wa jiam yaase ba a te wa zula. Ba popolaŋa ka betta popola, ŋa daa popola yɔrisima.

Aroom 15:16

ate m chim Kirisita tomteerɔ a tom a te nuru baai ale kan daa Juuba la. Ku a nye ase m ka Wen yenni kpaŋŋa la a yaa a sak nuru baai ale kan daa Juuba la Wen wamaŋsaŋa ate Wen Chiika nye ate ba welema ate m yaa pai ba ase kaab ka la a te Wen ate wa yaa siak a tuesi ba.

Teerika 18:1

Kaabteerɔma, baai ale ka Livaima la an magsi ayen ba ta ba dek tɛŋ Izirali tɛŋka po. Livai dɔkku meena an magsi ba poom ta jaaboa. Ku a magsi ba soa ka ŋan baai ate ba pai a nye juka kaabka a te Naawen la.

Teerika 24:8

Gama tuem a dan boro ni kpesi nidek a nye dii ate kaabteerɔma baai ale ka Livaima a weeni ni la. Ku a magsi kama ayen ni va mi ale weeni diila.

Josua 3:3

a weeni nuruma ayen, <

1 Piita 2:5

Nama abe a nye se ka tintain ŋaai ate Wen a lueri ayen wa sɛ wa yenni la. Yenni de po, ni a nye se ka baai ale jam ka Wen yenni kaabteerɔma la, a pai ni suiniimaŋa ale ni popolaŋa Yeezu Kirisita yuenni nyiŋ a nye kaabka a te Wen.

1 Piita 2:9

Alege nama ka gaŋ ate m lueri ale kaabteerɔba ale tɛŋ weleŋ, nuru baai ate Naawen dek a soa, ate ni baga a mooli wa pimpaukku waai ale wi ni ta nyini legi po a jam bolim po la. (Nyinika 19:6)

Pa Sakka 1:6

alege a bobi ti nalima ale lueri ti ayen ti chim kaabteerɔba ate ti a tom tuima a te wa Kowa Wen. Yeezu a ta zula ale nalim ale pagrim yegayega taam wuu. Ku be nye dila.

Pa Sakka 5:10

Fi ale bobi ba nalima a lueri ba ayen ba chim kaabteerɔma abe ba a tom tuima a te ti Wenni. Ba ale soa tɛŋka meena nuruma.>>