Jeremaya 33:11 - WEN GBAŊKA

¹¹ masim ale suipeentik nuemka ale nipok ale wa chorɔ lueluta ale baai ale ta jiam tiirita a jam Naawen yenni la a weeni ayen, <> Diila m le nye ate tɛŋka a ŋman nya ka dek ase ka le jam ka diila.> Naawen ale weeni.

Jeremaya 33:11 Iomraidhean Croise

1 Ŋiak Wie 16:34

Ni te Naawen jiam ale wa ka Naawen maŋ, wa ŋmanteka a boro kama taam wuu.

1 Ŋiak Wie 16:8

Te Naawen jiam, a wi wa yuenni basi ate tɛŋsaŋa a seba wa ale nye diila.

2 Ŋiak Wie 20:21

Wa le wom nuruma ale sak wa diila ŋaaŋnyiŋ, Jeyosafat a jam lueri ka nuruba ayen ba lenni yiila a te Naawen abe ba a seni wa zuaka weleŋsaŋa ase ba le jam nyini le wom tugurik tommu kpagni ale weeni ayen, <>

2 Ŋiak Wie 29:31

Azekaya yaa weeni ayen, <> Dila tigsuŋku yaa jam ta kaabka ale jiam tiirita a jam ale baai meena suiniima ale jam a yaali la yaa ta juka tiirita a jam.

2 Ŋiak Wie 5:13

Damun peerisaŋa ale yilendisaŋa a jam gum ka chaab ale lueluk yeŋ ayen ba pak abe ba te Naawen jiam. Ba jam ta ka damunsa ale bagansa ale ŋannagin yonta va, ba jam lak ka ba luelutaŋa ate ti jueli a pak Naawen a lenni yiila ayen, <> Ate chiŋmari yaa jam sueri Naawen yenni,

2 Ŋiak Wie 7:3

Ase Izirali demma meena ale jam nya ale bolimu a siŋ cheena ate Naawen zulaŋa a bo wa yenni zuk la, ba yaa kpi duna tɛŋ dabiaka po ate ba nina a vuk tɛŋka, ba jam a pak ale a te Naawen jiam ayen, <>

Ezra 6:22

Daa ŋayopɔi ba kasim a jam pai a ŋɔbi ka boroborok kuui ate ba an nyo dabinta ku po la tigini, dii nyiŋla Naawen a basi ate ka ba sue a peenti a ta va wa ale tagri Assiria Naawa popolaŋa la, ate wa maari ba ate ba tom Wen yenni Izirali Wenni tuini la.

Neyemia 12:43

Dai dila danni ba jam nye ka kaab kpieŋ, a dɛ masim dii nyiŋla Wen a te ba ka suipeentik nna yegayega. Nipooma ale bimbaansaŋa mɛ a jam dɛ ka masim. Masimu dɛka nuemka Jerusalem po a jam cheŋ ka nna niŋniŋŋa.

Neyemia 8:12

Ate nuruma meena yaa jam cheŋ a ga dɛ ale nyu ale tom ŋandiinta a te ale a dɛ tigini ale mariŋka nna yegayega dii nyiŋla ba yaa miŋ wieŋa ate ba sak ba la kama.

Yiila 106:1

Pak Naawen. Ni te Naawen jiam ale wa ka Naawen maŋ, wa ŋmanteka a boro kama taam wuu.

Yiila 107:1

Pai jiam a te Naawen diila wa nala kama, wa ŋmanteka a boro ka dila cheŋ.

Yiila 107:22

Basi ate ba nye jiam kaabka tiirim a weeni wa tuimaŋa wari ale suipeentik yiila.

Yiila 116:17

M le pai jiam tiirim a kaab a te fu abe m wi Naawen yuei.

Yiila 147:13

diila wa basi kama ate ni nansuiŋtaŋa ku ti biŋŋa a pagra, ale a niak ni nuruma ale bo ale ni la.

Yiila 85:7

Naawen yaa, sak ti fi ŋmanteka, abe fi te ti varibasika.

Azaya 35:10

ate Naawen nuru baai wa da tuesi la a ŋman pilim jam. Ba ale cheŋ ga jo Zayon ale yiila lennika. Taam wuu masim ale chim naam zutɔk a bo ba zuima. Suipeentik ale paari ba, ate niniga ale chivie ale nyini ba jigi.

Azaya 51:11

Naawen ale da tuesi baai a basi la ale ŋman pilim jam. Ba ale jo Zayon ale yiila lennika. Taam wuu masim ale chim naam zutɔk ba zuimaŋa zuk. Suipeentik ale masim ale paari ba ate sui kaasuŋ ale niniga ale cheŋ.

Azaya 51:3

Naawen ale nye ate Zayon sui a yɔk, abe wa pai wa jiirimu a nya wa jigi kaasuŋku meena zuk. Wa ale nye ate wa gɔnni a nye ase Eden la, ate wa tɛŋ koruta a nye nna se Naawen kaduk la. Masim ale suipeentik ale bo ale wa ale jiam teka ale yiila lennika.

Azaya 52:8

Ni wom de, fi limisidɔma a lak ka ba luelutaŋa. Ba gum ka chaab a nuem ale masim. Ase Naawen a dan ŋman pilim jam Zayon. Badek nina ale nya ku.

Azaya 52:9

Ni gum chaab a lɔnsi masim yiila, nama Jerusalem ale chim guura la, diila Naawen a yɔk wa nuruma sue kama ale da Jerusalem a tuesi.

Jeremaya 16:9

Naawen Dii Ale A Dɛ Tugurik Tɔŋdɔma Niŋ La, Izirali Wenni ale weeni diila ale nna: Ni nimbie po ale ni daaŋa po m le ta ni masim ale suipeentik nuemka a jam kpeglimka jigi ale nipok fiak ale duerɔ nuemka dela jigini.

Jeremaya 17:26

Nuruba ale nyini Juda tɛŋsaŋa ale tɛŋ kpaŋsaŋa ale gilim Jerusalem, ba le nyini Benjamin tɛŋbanni po ale yeniŋ guutaŋa, ale tɛŋ kaai ale ta guutaŋa la ale Negev a ta juka tiirita ale kaabsa ale ŋanbie tiirita ale ŋan baai nyum ale masa ale jiam teka tiirita a jam Naawen yenni po.

Jeremaya 25:10

M le basi ate ba kan ŋman nye suipeentik nuemka abe nipok fiak ale wa chorɔ a kan ŋman de masimmoa. Ba kan ta kpaam a magsi ba zeuŋtaŋa abe ŋanbie boro a num.

Jeremaya 29:14

Ni le nya mu, Naawen ale weeni ate m le ta ni a nyini yɔntini po a ŋmani.>> Mi Naawen ale weeni ayen, <> Naawen ale weeni. <>

Jeremaya 30:19

Nuru baai ale bo ka po la ale siak pimpauk yiila, ba le nuem ale suipeentik. Mi niauŋku nyiŋ ba le piisi. Mi niauŋku ale ta zula a jam ba jigi.

Jeremaya 30:3

Naawen ale weeni. Naawen ale weeni.>>

Jeremaya 32:44

Nuruba ale da laŋsa ate ba ŋmarisi yue gbaŋsa po a lik si ale seerɔba. Kude ale nye ka Benjamin tɛŋka ale tɛŋ kpaŋsaŋa ale gilim Jerusalem la, ale Juda tɛŋsaŋa po, ale tɛŋ sii ale bo guuku zuk la ale guuku chiak la ale Juda yeseok geŋ. M le ta nuruma a ŋman jam ba tɛŋka. Naawen ale weeni.>>

Jeremaya 33:26

Ase mi ale sum nye nna la, m le ta m nɔiyeŋka ale Jekob ŋaaŋbisaŋa ale mi tomteerɔwa Deevid. M le lueri Deevid ŋaaŋbisaŋa ate ba a nya Abrayam ale Aizik ale Jekob ŋaaŋbisaŋa zuk. M le ta jiirim ale m nuruma abe m basi ate ba ŋman nya badek.> >>

Jeremaya 33:7

M le ta Juda ale Izirali a nyini ba likka jigini a jam abe m ŋman sɛ si ase si ni jam ka diila.

Jeremaya 7:34

M le ta masim ale suipeentik nuemka a jam kpeglimka jigi. Nipok ale wa chorɔ lueluta Juda tɛŋsaŋa ale Jerusalem suitaŋa po ale nye diki, diila tɛŋka ale chim tɛŋ koruk.

Amos 9:14

M nuruma Izirali demma ale bo tɛŋ yoŋ po la, m le ŋman ta ba a jam badek tɛŋka po. Ba tɛŋsaŋa ale kaasi la mi ale pilim a sɛ si ate ba ale bo si po. Ba ale nya daam a nyu a nyini yɔna ti sii ate ba vuk la po. Ba ale kpa ŋan baai la ale ta ŋandiinta a jam te ba.

Jona 2:9

Alege mi, ale pai ka yiila a nye kaabka a te fu. M le puulim ayen mi le nye diila, mi le nye ate ku nala. Varibasika a nyini ka Naawen jigi.>>

Nayum 1:7

Naawen a nala ale a lik wa nuruma daanika po. Baai ale pilim a jam wa jigi la wa a nya ba zuk kama.

Zefania 3:14

A leni yiila Zayon Lie, Izirali na ate ku jueli basi ate fi sui a peenti abe fi a dɛ masim ale fi suinum meena Jerusalem Lie.

Zakaria 10:7

Ɛfraim demma ale nye ase ka nidoa kpienta la, ate ba suiniima ale peenti ase ba nyu daam la. Ba bisaŋa ale nya ate ku te ba masim. Ba suiniimaŋa ale dɛ masim Naawen po.

Zakaria 8:19

Ka Naawen Dii Ale A Dɛ Tugurik Tɔŋdɔma Niŋ La ale weeni diila ale nna. <>

Zakaria 9:17

Ba nalimu nyiŋ nuruba ale yaali ayen ba a nya. Nidoabili paalisaŋa ale dɛ ŋanbie a nya pagrim ale nyiŋyɔgsa, ate nipokbili paalisaŋa ale nyu da paalib.

Jɔɔn 3:29

Nuru waai a dan faari nipok, ka wala dek ale soa wa. Mi a nye ase ka nipok fiaka nyɔnɔwa doa la. Mi sui a peenti kama ayen mi moata wa ale a wom wa lueluku. Nuruma a dan basi mi ale ge cheŋ Yeezu jigi ayen wa te ba soka, kula a peenti mi sui ka nna yegayega a gaam ku le poom ka diila.

Yiburu 13:15

Dila nyiŋla, ni basi ate ti kasim pai pimpauk ase tama mɛ kaabka la a ta va Yeezu jigi a te Wen. Pimpaukku de, ti pai ka ti noa a weeni ate ku a nyini peelim ayen wa ka ti Nyɔnɔ Yeezu Kirisita.

Pa Sakka 18:23

Waai a kan nya zeuŋ toati ka tɛŋ kala po yaase nipok faarik wari du. Tɛŋ kala geruŋdɔma ale jam pagra tɛŋka meena zuk ate ka nuruma a tom kperisa tuima a paasi tɛŋka zuk nuruma meena.