Jeremaya 32:41 - WEN GBAŊKA

⁴¹ M le nye wamaŋsa a te ba ale suipeentik abe m basi ate ba kali paari tɛŋka de po ale m suinum meena.

Jeremaya 32:41 Iomraidhean Croise

Yiila 80:8

Fi ta ti nyini Ejipiti po, a yiak nuruba ba tɛŋsa po a basi ale pai tama a kali si po.

Azaya 60:21

Ate ni nuruma meena ale chim wayɔrisima nyam, ate ba ale jam soa tɛŋka taam wuu. Bala ale ŋanbulaŋa ate mi a vuk, ba ka mi nisima tuima, diila ba a sakka m nalimu.

Azaya 62:4

Ba a kan ŋman wi fu ayen Abazerimi yaase ba wi fi tɛŋka ayen Atɛŋkoruwa. Alege ba ale wi fu ayen Yefziba, abe ba wi fi tɛŋka ayen Beula. Diila Naawen sui ale peenti ale fu, ate fi tɛŋka ale yali.

Azaya 62:5

Ase nidoabili ale a faari nipokbili diila dila ate fi nidoabilisaŋa ale faari fu. Ase duerɔ ale a dɛ masim wa nipok fiak zuk diila, dila ate Wen ale dɛ masim fi zuk.

Azaya 65:19

M le naŋ Jerusalem nyiŋ abe m ta suipeentik ale m nuruma. Ba kan ŋman wom kumsa ale kaarik ka po diipo diipo.

Jeremaya 18:9

Ate diipo ŋmana m dan mooli ayen tɛŋ ba sɛ ka yaase naam a zaani,

Jeremaya 24:6

Mi ale kpesi a nya ba kama badek nalim nyiŋ, abe m ta ba a ŋman jam tɛŋka de. M le yik ba ŋmapi m kan te ba lo. M le te ba chiib zaani m kan dari ba a lɔnsi.

Jeremaya 31:28

Ase mi ale a limisi ba ayen ba dari voori abe ba dari lɔnsi abe ba yuk yiak abe ba ta kaasuŋ a jam la, ku ka dila ate m le basi ate ba sɛ abe ba vuk.>> Naawen ale weeni.

Ezekiel 36:36

Ate tɛŋ sii ale tali gilim ni la ale seba ayen ka mi Naawen ale sɛ ŋan baai ale jam kaasi la ale ŋman bori ŋan baai ale jam dua kinla la. Mi Naawen ale biisi, m be le nye.

Yosea 14:5

Mi ale nye ase ka maglim la a te Izirali. Wa ale busum ase puuta la. Ase Lebanon nyunyoŋ la wa tɛŋ naŋsaŋa ale siŋ tɛŋ a feri paari.

Amos 9:15

Mi ale te Izirali demma a kali ba tɛŋka po waai a kan ŋman yiak ba a nyini tɛŋ kaai ate mi a pai a te ba la.>> Ka Naawen fi Wenni ale weeni.

Maika 7:18

Wen dina ale a nye ase fi la, ate fi a vɔŋ fi nuru baai ale tali boro la wabaata ale ba nye kaasuŋ a te ba? Fi sui a kan puuri gaam a taam, dii nyiŋ la fi kasim a yaali ŋmanteka kama.

Zefania 3:17

Naawen, fi Wenni a bo le fu kama, wa zuak kama a vari a basi. Wa le dɛ masim fi nyiŋ, wa le sueri fu ale wa yaalika, wa le dɛ masim fi nyiŋ ale yiila lennika.>>

Teerika 28:63

Ase ku le yɔk Naawen sui ate wa niak ni ale basi ate ni piisi a gum du la, ku le yɔk wa suinni ka dila dekdega ase wa nin kaasi ni. Ba le voori ni kama a ta nyini tɛŋ kaai po ate ni a jo ni tuesi la po.

Teerika 30:9

Naawen dii ale ka ni Wen la ale niak ni wa dii meena ate ni a nye la po. Ni bisaŋa ale piisi abe wa niak ni duŋsaŋa mɛ. Ni tattaŋa ale nye ŋandiinta nalimnyiini. Naawen sui ale peenti ate wa basi ate ni jigsi ase wa le jam a basi ate ni koma a jigsi diila.