M le te ba suinum buui ate ba seba mu la, ayen ka Mi ale Naawen. Ba le chim mi nuruba, ate mi ale chim ba Wen, diila ba le ŋmani mi jigi ale ba suinum meena.
Nɔiyeŋ kaai ate mi le nye ale ba da ŋaai le cheena la ale, mi le pai m sinsaŋŋa a nyo ka ba zuima po, abe m ŋmarisi ŋa nyo ba suiniima po, ate m chim ba Naawen, abe ba mɛ chim mi nuruba.
M le basi ate m nɔiyeŋka a chim nɔiyeŋ kaai ale kaa kpeglim mi ale fi ale fi ŋaaŋbisaŋa suŋsuŋ la. Ka le kasim boro kama ale fi ŋaaŋ sii ale cheen la. M le chim fi Wen ale fi ŋaaŋsaŋa Wen.
Aaya, wanni ale, ba kasim a yaali ale ka ninmuna tɛŋ kaai ale gaam ba tɛŋka la. Daa jigi yoŋ tɛŋzuk de, ka wenŋmazuk ale la. Dila nyiŋla, chivie ka Wen ale ba ale wi wa ayen ba Wen yaa. Dii nyiŋla, Wensie wa sɛ ka yeri te ba.
Ba yaa le seba ayen Mi ale Naawen ba Wenni. M ta ba kama a cheŋ tɛŋ yonsa ate ba boro, m le tigsi ba a ta cheŋ badek tɛŋka. M kan tali waai a basi ŋaaŋ ŋa.
Ni dɛ ni kpanni ŋantaŋa piika po, da paalimu ale kpaamu ale ni duŋsaŋa ale dɛ niŋ a biak biik sii la Naawen dii ale ka ni Wen la niŋ kauk kuui ate wa lueri a te ni ayen ni boro wa yuenni nyiŋla. Dila ale ku basi ate ni a va Naawen dii ale ka ni Wen la nalimnyiini.
