Naawen Dii Ale A Dɛ Tugurik Tɔŋdɔma Niŋ La ale vuk ni la, ale dueni kaasuŋ a magsi ni dii nyiŋla Izirali yenni ale Juda yenni a nye ka biem ale nye ate mi sui a puuri ba le ju ŋan baai nyum ale masa a te Baal la.
Mi ta ni jam ka tɛŋ kaai ale poak la po ayen ni dɛ ka yɔnaŋa ale ka ŋandiin maŋsaŋa ate ka ta la. Alege ni jam taŋ mi tɛŋka ale nye ate mi nitalimu a chim kisuk ŋanta.
Basi ate ti duak tɛŋ ale ti chivieŋa, abe ti basi ate ti kanpiintaŋa a lik ti. Ti tom kaasi Naawen ti Wenni kama, tama ale ti koma meena. A nyini bimbain po a jam paari jinla ti an zuli Naawen ti Wenni.>>
Fi maarɔma meena a baŋ fi wari, ba ka kinla a te fu. Mi nak fu ase ka dachiak ate le wa nye diila ale namsi fu ase nyeka tuem nyɔnɔ ate le wa nye diila, dii nyiŋla fi foolaawa a zuak ka yega ate fi wabaataŋa a piisi.
Ka boa ate ni nye ate m sui a puuri ale ni nisima ale nye ŋan baai la, a ju ŋan baai nyum ale masa a te wen yona Ejipiti po, juijui ate ni jam boro la? Ni le kaasi nidek abe ba nye ni a la abe ba pai ni yuenni a nye kikaasa tɛŋsa meena po.
Mi ale ta ni jam tɛŋ kaai ate mi puulim ayen mi le te ni la ate ni ga nya guuk woŋtaŋa ale tiisaŋa la ni deri nye kaabka dula. A nye kaab kaai ale basi ate m sui a puuri nna yegayega. Ni pai ŋan baai mɛ nyum ale masa ale daam a kaab.
