Jeremaya 32:20 - WEN GBAŊKA

²⁰ Fi tom wakinkagla ale wakperikaliisa Ejipiti tɛŋka ale kasim a tom a jam paari jinla, Izirali po ale nurubiik meena suŋsuŋ, a nya yuei dii ale diem ka fi yuei.

Jeremaya 32:20 Iomraidhean Croise

2 Samuel 7:23

Ka wana abe le a nye ase fi nuruma Izirali demma la tɛŋ yeŋ kaai tɛŋka zuk ate Wen nyini ayen wa da tuesi ba a te wadek, abe wa nye yuei a te wadek la? Fi tom wakpiema ale wakinkagla a yiak tɛŋsa ale si wena fi nuruma niŋ.

1 Ŋiak Wie 17:21

Ka wana ale a nye ase fi nuruma Izirali la, tɛŋ yeŋ kaai tɛŋzuk de baai Wen ale jam nyini ayen wa da tuesi nuruba a te wadek la, abe wa nye yuei a te wadek, abe wa nye wakpiema ale kpazinagsuk wakinkagla, a yiak tɛŋsa a basi fi nuruma niŋ, baai ate fi da tuesi a ta nyini Ejipiti la?

Neyemia 9:10

Fi jam tom ka wakinkagla ale wakperikaliisa a siti Faaro ale wa kpaŋŋa ale nuruma meena tɛŋka po, dii nyiŋla fi jam seba kayerinni dii ate Ejipiti demma a jam nye le ba la kama. Fi jam nye ka yuei a te fidek, dii ale boro a paari jinla de la.

Neyemia 9:11

Fi jam labi nyakpiemu buye a te ba, ate dila a te ba suik ate ba cheŋ tɛŋ kosik zuk a taam, alege fi jam basi ate baai ale a vi ba la a wari liuŋku po ase tintain ale lo nyakpiem po diila.

Yiila 135:9

Ejipiti demma, wa basi ate wa wakperikaliisaŋa ale wakinkaglaŋa a jam ni suŋsuŋ. Wa ta chaab ale Faaro ale wa tomteerɔma.

Nyinika 10:2

Ate ni weeni ni bisaŋa ale ni ŋaaŋbisaŋa mi ale nye dii tuotuok ale Ejipiti demma la, ale mi ale tom wakinkagla dii ba suŋsuŋ la, ate ni seba ayen Mi ale Naawen.>>

Nyinika 3:20

Dila nyiŋ m le teeri m nisaŋa a nak Ejipiti demma ale wakinkagla ŋaai ate mi ale tom ba suŋsuŋ la. Kula ŋaaŋnyiŋ wa le te ate ni cheŋ.

Nyinika 7:3

Alege m le basi ate Faaro suinummu a pagra, m le poom basi ate m wakinkaglaŋa ale wakperikaliisaŋa a piisi Ejipiti po,

Nyinika 9:16

Alege mi zak ni a zaani kama kude nyiŋ, ayen m baga a sak ni m pagrimu ate m yuenni mɛ ba mooli ate di cheŋ tɛŋka meena.

Azaya 63:12

Ka wana ale tom wa zula nisim pagrisaŋa ayen si bo ale Moosis juga nisaŋa, ka wana ale lab nyaataŋa ba niŋŋa ayen wa kasim chim wa tɔga taam wuu,

Azaya 63:14

Ase niiga ale siŋ bo viak po la. Naawen Chiika a te ba vuusum kama. Fi ale gani fi nuruma diila ale nna, ayen fi nye zula yuei a te fidek.

Jeremaya 13:11

Ase gbain ale a bobi nuru chiak diila, dila dek ate mi bobi Izirali yenni meena ale Juda meena a te mi dek. Mi nye nna kama ayen ba chim mi nuruba a ta pimpauk ale zula a jam te mi yuenni, alege ba an wom mi.> Naawen ale weeni.

Daniel 6:28

Daniel a jam nya ka niaka diipo ate Darius ale Sairus Persia demma a jam chim nalima la.

Daniel 9:15

<

Tuima 7:36

Wa sum jam dɛ nuruma niŋ kama a ta ba a nyini Ejipiti tɛŋka po a nyini a nye wakperikaliisa ale wie ŋaai ale a sak ayen Wen bo ale wa kama Ejipiti tɛŋka po ale nyakpiemu buui ate ba a wi ayen Nyakpiem Mɔnuŋku la po, ale sagni po ate ku ga paari bena pisinaansi.

Teerika 11:3

ale wakperikaliisaŋa ate wa tom ale wie ŋaai ate wa tom Ejipiti po ale wa le nye Faaro Ejipiti naawa ale wa tɛŋka meena dii,

Teerika 4:34

Bɔgluk kuui a diem baga a tuesi tɛŋ a tara a ta va nyenyaka yaase wakperikaliisa yaase wakinkagla yaase zuaka ale nyeka ase wie ŋaai meena ate Naawen dii ale ka ni Wen la a nye ni nimbie po a te ni diipo ate ni jam bo Ejipiti po la?

Teerika 6:22

Naawen a tom ka wakinkagla ale wakperikaliisa, sii ale zuak a ta va Ejipiti ale Faaro ale wa yenni meena tama nimbie po.

Teerika 7:19

Ni jam nya kama ale dek nina nyenya kpieŋ kaai ale wakperikaliik sii ale wakinkagla ŋaai ate Naawen dii ale ka ni Wen la a tom ale pagrim a ta ni a nyini Ejipiti po a nyini la. Naawen dii ale ka ni Wen la ale nye nuru baai meena ate nama a chali ba yɔgsum la ka dila dekdega.