Ba pilim ŋmani ka ba kokpieŋsaŋa wabaataŋa po, baai ale jam zɛri an wom mi wieŋa. Ba va ka wen yona a tom a te ŋa. Izirali yenni ale Juda yenni meena a kaasi nɔiyeŋka ate mi a nye ale ba kokpieŋsaŋa la kama.
Mi jam te Izirali le kan siaka la wa basika gbaŋka a basi ate wa cheŋ wa kaboŋsaŋa meena nyiŋ. Alege mi nya wa suoku Juda ate wa ka wensie la a kan chali yɔgsum, wa mɛ nyini a ga nye kaboŋ.
Alege ba an wom ya yaase ba popola a boro, ba goanti va ka badek tuikpanni ale ba popola baataŋa ale a yaali diila. Ba cheŋ ka ŋaaŋnyiŋ alege daa niŋ nyiŋŋa.
Mi ale ta ni jam tɛŋ kaai ate mi puulim ayen mi le te ni la ate ni ga nya guuk woŋtaŋa ale tiisaŋa la ni deri nye kaabka dula. A nye kaab kaai ale basi ate m sui a puuri nna yegayega. Ni pai ŋan baai mɛ nyum ale masa ale daam a kaab.
Le kpagni yuei jam ale Oyola, nwala yuei jam ale Oyoliba. Ka mi ale jam soa ba a biak nidoabilisa ale nipokbilisa. Oyola chim ka Samaria alege Oyoliba a chim Jerusalem.
Ba a kaab ka pinaŋa ale a ju tiirita guutaŋa zuima a bo dapagrisa tiisa ale niak tiisa ale yɔgsum tiisa juijui ate yɔgsummu a masa la. Ate ni liema a pai badek a te taabugni ate ni sampooma a pai badek a te kaboŋsa tuima.
Alege ba an diem a wom ba niŋdeerɔma nɔi ale pai badek a te bɔgluk yoŋta a puusi ti. Ba an jam a nye ase ba koma la, ba deri kpabi pai ba koma suiku a basi kama, suik kuui ale a te Naawen sinsaŋŋa zula la.
