Jeremaya 27:20 - WEN GBAŊKA

²⁰ ŋan baai ate Babilon naawa Nebukadnezzar an maa pai diipo ate ba ta Jeyoiakim nidoabinni Jekonaya Juda naawa a nyini Jerusalem a cheŋ Babilon ale Juda ale Jerusalem kpaŋŋa la.

Jeremaya 27:20 Iomraidhean Croise

2 Nalima 24:12

Juda naawa Jeyoiachin mawa ale baai ale a nya wa zuk la ale wa nuru kpientaŋa ale wa kpaŋŋa meena a jam siak a te wa kama. Babilon naawa le jam kali wa naamu zuk a paari bena naaniŋ la, wa yaa jam yik Jeyoiachin a lik.

2 Ŋiak Wie 36:10

Yuei ale jo la naab Nebukadnezzar yaa tom wi wa a ta wa jam Babilon po a gum chaab ale ŋan baai ale ta dobrim la a nyini Naawen yenni po a nye Jeyoiachin suoku Zedekia Juda naab ale Jerusalem tɛŋsaŋa po.

2 Ŋiak Wie 36:18

Wa jam ji ŋan baai meena ale jam bo Wen yenni po la a ta cheŋ ka Babilon, ŋan kpienta ale ŋan fiisa meena, ale ligraŋa meena ale jam bo Naawen yenni po la ale naawa ligraŋa ale wa kpaŋŋa.

Azaya 34:12

Ba nuru kpientaŋa a kan ta jaab dula a nak kuusidi ayen ba tɛŋŋa, ate ba nabisaŋa meena ale muriŋ bɛ.

Jeremaya 22:28

Nuruwa de ka Konia waai ale a nye ase samɔniŋ ale mobi la, jaab waai ate nuru a kan yaali? Ka boa ate wa ale wa bisaŋa ba yuk a basi tɛŋ kaai ate ba zɛ po?

Jeremaya 24:1

Babilon naawa Nebukadnezzar a yaa jam ta Jeyoiakim nidoabinni Jekonaya ale jam ka Juda naab la a nyini Jerusalem a cheŋ Babilon ase ligrɔ la, a maa gum Juda niŋdeerɔma ale gobrɔma ale baai ale seba tuima la. Kude ŋaaŋnyiŋ Naawen a yaa jam pai busisa siye ale kinkama a sak mi ate si za Naawen yenni niŋ.

Jeremaya 27:21

Mm, Naawen Dii Ale A Dɛ Tugurik Tɔŋdɔma Niŋ La, Izirali Wenni ale weeni dii a magsi chaab ale ŋan baai ale tali Naawen yenni po ale Juda naawa yenni po ale Jerusalem po la ale nna:

Jeremaya 29:2

Kude ka naab Jekonaya ale naab mawa ale buusa niŋdeerɔma ale Juda ale Jerusalem niŋdeerɔma ale yɔgdɔma ale gobrɔma ale nyini Jerusalem a cheŋ la ŋaaŋnyiŋ.

Jeremaya 35:1

Wanni ale nna a nyini Naawen jigi a jam Jeremaya jigi diipo ate Josia nidoabinni Jeyoiakim a chim naab a nya Juda la.

Daniel 1:2

Nyɔnɔwa a yaa basi ate Nebukadnezzar a nak yik Jeyoiakim ale pai ŋan baai ate ba ta a tom Wen yenni po la gela a ta cheŋ. Ase Naawa ale ŋman cheŋ Sinar la, wa yaa pai ŋantaŋa de a nyo wadek wenni dɔkku po.

Matiu 1:11

Josia jam biak ka Jekonaya ale wa suataŋa. Dila po ate ba jam yik nuruma a ta cheŋ Babilon.

Matiu 1:12

Ba le cheŋ Babilon la ŋaaŋnyiŋ ate Jekonaya jam biak Sealtiel ate Sealtiel a biak Zerubabel.

Matiu 1:17

A nyini Abrayam daaŋa po a ga paari Deevid daaŋa po, kokpieŋsaŋa a jam ka pi ale banaansi. A nyini Deevid daaŋa po a ga paari diipo ate ba yik ba a ta cheŋ Babilon tɛŋka la, kokpieŋsaŋa a jam ka pi ale banaansi. A ŋman nyini diipo ate ba yik ba a ta cheŋ Babilon tɛŋka la a ga paari Kirisitawa, kokpieŋsaŋa a jam ka pi ale banaansi.