Jeyoiakim naamu vaaŋa po, ate Babilon naawa Nebukadnezzar a jam vari jo tɛŋka, ate Jeyoiakim a chim wa tomteerɔ a paari bena ŋata. Alege wa jam tagri wa popola kama a jam zɛri Nebukadnezzar nɔi.
Ben dii ate Persia naawa Sairus a dɛ naam la, ale ge jigi ate Jeremaya ale jam biisi Naawen wanni a sum nye la, Naawen jam nye kama ate Persia naawa suinum a choa ate wa mooli wa naamu po meena ale ŋmarisi ayen,
Babilon, tɛŋ kaai ale nala a gaam tɛŋsa meena la, Kaldiya demma zulaŋa ate ba a ta kanjanta ŋa nyiŋla, Naawen ale tuesi a nyini ba jigi ase Sodom ale Gomora tɛŋsaŋa ate wa jam a nye diila.
Ku le toa a te fi kaasirɔwa, fi waai ate ba an kaasi la. Ku le toa a te fu bumbobrɔwa, fi waai ate ba an bobri fi wari la. Ase fi a dan basi kaasika, ba ale kaasi fu, ase fi a dan basi bobrika, ba ale bobri fi wie.
Bel wenni a kpi ka duna, ate Nebo wenni a koori tɛŋ. Ba bɔgtaŋa a chim ka jibta a te duŋsa. Ŋanmɛɛntaŋa ate ba ji la a chim ka daanika ale jibta a te baai ale jiak la.
Tɛŋsa meena ale tom te wa ale wa nidoabinni ale wa ŋaaŋka ate ku paari diipo ate wadek tɛŋka a lo la. Ate wa tɛŋka yaa tom te tɛŋ pagrisa ale nalim kpiema.
Bein dii ate wa piilim dɛ naamu la, mi Daniel a miŋ chak kama ayen Naawen wanni ate wa pai a te biisiteerɔwa Jeremaya ayen Jerusalem tɛŋka ale duak a paari bena pisiyopɔi.
