Jeremaya 24:1 - WEN GBAŊKA

¹ Babilon naawa Nebukadnezzar a yaa jam ta Jeyoiakim nidoabinni Jekonaya ale jam ka Juda naab la a nyini Jerusalem a cheŋ Babilon ase ligrɔ la, a maa gum Juda niŋdeerɔma ale gobrɔma ale baai ale seba tuima la. Kude ŋaaŋnyiŋ Naawen a yaa jam pai busisa siye ale kinkama a sak mi ate si za Naawen yenni niŋ.

Jeremaya 24:1 Iomraidhean Croise

2 Nalima 24:10

Va ŋala po Nebukadnezzar kpaŋŋa a jam nya pagrim Jerusalem zuk ka nna yegayega a yaa gilim ka.

2 Ŋiak Wie 36:10

Yuei ale jo la naab Nebukadnezzar yaa tom wi wa a ta wa jam Babilon po a gum chaab ale ŋan baai ale ta dobrim la a nyini Naawen yenni po a nye Jeyoiachin suoku Zedekia Juda naab ale Jerusalem tɛŋsaŋa po.

Azaya 13:1

Naawen ale pai wa dii a sak Amoz nidoabinni Azaya ate wa nya a magsi chaab ale Babilon la ale nna:

Jeremaya 13:19

Tɛŋ nina ŋaai ale bo Negev la a lik kama, waai abe kan boro a lak si. Juda meena ba le ji ba a ta cheŋ tɛŋ yoŋ, ba ji a ta cheŋ ferr.

Jeremaya 27:20

ŋan baai ate Babilon naawa Nebukadnezzar an maa pai diipo ate ba ta Jeyoiakim nidoabinni Jekonaya Juda naawa a nyini Jerusalem a cheŋ Babilon ale Juda ale Jerusalem kpaŋŋa la.

Jeremaya 28:4

M le maa ta Jeyoiakim nidoabinni Jekonaya Juda naawa ale baai meena ate ba ta nyini Juda a cheŋ Babilon la a ŋman jam.> Naawen ale weeni. >>

Jeremaya 29:1

Gbaŋka de ate biisiteerɔwa Jeremaya a tom ate ka nyini Jerusalem a cheŋ nisɔm baai ale vuuk tali bo baai ate ba yik ta cheŋ la ale kaabteerɔma ale biisiteerɔma ale nuru mbala meena ate naab Nebukadnezzar a yik ta nyini Jerusalem a cheŋ Babilon la jigi,

Jeremaya 29:2

Kude ka naab Jekonaya ale naab mawa ale buusa niŋdeerɔma ale Juda ale Jerusalem niŋdeerɔma ale yɔgdɔma ale gobrɔma ale nyini Jerusalem a cheŋ la ŋaaŋnyiŋ.

Jeremaya 37:1

Babilon naawa Nebukadnezzar yaa bobi Josia nidoabinni Zedekia Juda naab a tagri Jeyoiakim nidoabinni Konia.

Ezekiel 17:4

A yaa dari ŋmanni naŋsa a passi a ta jam geruŋdɔba tɛŋ, a yaa vuk geruŋdɔma tɛŋka.

Ezekiel 19:9

Ba yaa bobi ka a pai nyo jaab po a ta jam Babilon. A yaa pai wa nyo likka dɔk po ate ba kaa wom ka nuemka Izirali guutaŋa zuima.

Amos 3:7

Chekki, Nyɔnɔwa Naawen a kan nye wari ale kan pai a sak wa tomteerɔma, Wen biisiteerɔma.

Amos 7:1

Nyɔnɔwa Naawen ale pai dii a sak mi la ale nna. Ase ba ale jam a yaali naawa wuutaŋa ate wa jam pai a te duŋsa la a nueri la, wa jam gomsi ka tintue ate ŋa piilim a dɛ wubuluku ale jam a nyini la.

Amos 7:4

Nyɔnɔwa Naawen ale pai dii a sak mi la ale nna. Nyɔnɔwa Naawen a jam gomsi ka bolim ayen wa pai a bo ba buusa. Bolimu a jam dɛ ba beli kpienni kama ale ŋman chɔgsi tɛŋka meena a dɛ.

Amos 7:7

Wa ale pai dii a sak mi la ale nna. Nyɔnɔwa jam za ka siak kaai ate ba jam pai magsika miik a sɛ la tɛŋ, ate magsika miika a bo wa nisa po.

Zakaria 1:20

Ate Naawen yaa sak mi nidoa yɔgdɔba banaansi.

Zakaria 3:1

Ate wa jam sak mi kaabteerɔ kpioŋku Josua, ale za Naawen maarɔwa niŋ la, ate Sitaana mɛ a za wa juga geŋ ayen wa ŋma wa.