Jeremaya 23:27 - WEN GBAŊKA

²⁷ Ba a poli kama ayen gɔdaasimaŋa ate ba weeni a sak chaab la ale basi ate mi nuruma a baŋ mi yuenni, ase ba koma ale baŋ mi yuenni Baal puusika nyiŋla.

Jeremaya 23:27 Iomraidhean Croise

2 Nalima 21:3

Wa ŋman jam sɛ kaabka kunkutima ate wa kowa Azekaya a jam yik kaasi la kama. Wa ŋman jam sɛ ka kuŋkuŋta a te Baal ale nye Asera zaŋni, ase Izirali naawa Ayab ale nye diila. Wa jam koori tɛŋ a te chiŋmarisaŋa meena a puusi si.

Jeremaya 2:32

Nipok kaliak ale baŋ wa nifelima ale baŋsa yaase nipok fiak a baŋ wa gatta? Alege mi nuruma a baŋ mi wari da boari a ka chiina.

Jeremaya 29:8

Mm, Naawen Dii Ale A Dɛ Tugurik Tɔŋdɔma Niŋ La, Izirali Wenni ale weeni diila ale nna: <

Jeremaya 9:14

Ba goanti va ka badek tuikpari ale ba suiniima ale a yaali diila. Ba va ka Baal bɔgtaŋa ase ba koma ale sak ba diila.>>

Tuima 13:8

Alege sampoporika Elimas waai yuei di choa a jam le la ale Girik tɛŋka biika, a kasim jam a zɛri ba kama ayen Gominawa kan nya suik a ta siaka ale Wen wamaŋsaŋa.

Teerika 8:11

Ni be kpesi nidek nalimnyiini ate ni kan baŋ Naawen dii ale ka ni Wen la wari ya yaase wa wieŋa ale wa buusaŋa ale wa ŋmarisika ate mi a te ni jinla de la.

Teerika 8:14

ni be a seba ate ni kan ta kanjanta abe ni baŋ Naawen dii ale ka ni Wen la wie, waai ale vari ni a ta nyini Ejipiti po a nyini tɛŋ kaai ate ni jam boro ase yɔm la.

Teerika 8:18

Alege ni a teeri Naawen ni Wenni, ale ka wa la ale ni pagrim ate ni ta ŋanta, ni be ta wa nɔiyeŋka kaai ate wa pɛ ale ni kokpieŋsaŋa la ase ku ale ka dii jinla de la.

Niŋdeerɔba 10:6

Izirali demma a ŋman jam nye ka biem Naawen nimbie po. Ba jam va ka Baal ale Astoret ale Araam demma ale Saidon demma ale Moab demma ale Ammon demma ale Filistia demma wenaŋa. Izirali demma ale jam zɛri Naawen ale an ŋman tom a te wa la nyiŋ.

Niŋdeerɔba 3:7

Izirali demma a yaa nye biem Naawen nimbie po, ba jam baŋ Naawen ba Wenni wari kama ale a va Baal ale Asera bɔgtaŋa.