Jeremaya 23:14 - WEN GBAŊKA

¹⁴ Jerusalem biisiteerɔma suŋsuŋ mi nya ka wa dii ale bie: Ba nye ka kaboŋsa ale a velim, ba a te ka baai ale a nye biem la nyiŋbiiri, ate waai a kan basi wa gaasa. Ba meena a nye ase ka Sodom la a te mi, Jerusalem demma a nye ase ka Gomora la.>>

Jeremaya 23:14 Iomraidhean Croise

Piilimka 13:13

Yɔgyɔgla de Sodom nuruma nyeka jam tua kama ale a nye biem nna yegayega a kaasi Naawen.

Piilimka 18:20

Naawen yaa weeni ayen, <

Piilimka 19:24

Ate Naawen a basi ate bolim kaala a nyini wenŋmazuk a siŋ Sodom ale Gomora zuk.

Piilimka 19:25

Wa kaasi tɛŋ sila ale kauk kuui meena ale doa jassi la ale baai meena ale bo tɛŋsaŋa po la ale wuuku ale jenvaata tɛŋka po.

Azaya 9:15

Niŋdeerɔma ale kpaŋŋa ale chim zukku, ate biisiteerɔba baai ale ta venta sinsaga a sak la ale chim juiku.

Jeremaya 14:14

Naawen yaa weeni mi ayen, <

Jeremaya 18:13

Dila la Naawen ale weeni diila ale nna: <

Jeremaya 20:16

Nuru wala abe nye ase tɛŋ sii ate Naawen a yuk yiak ale an sak jiirim la. Wa be wom kaarik saluiku, kpaliŋ kaarik kantueŋka.

Jeremaya 23:17

Ba kasim a weeni baai ale a zɛri mi la kama ayen, Ale baai meena ale a va ba tuikpari yaalika la ayen,

Jeremaya 23:22

Alege ba dan zaani ka mi tigsuŋku suŋsuŋ ba ti mooli mi wieŋa kama a te mi nuruma ale tulim ba ba suik baataŋa ale ba tuimbaataŋa po.

Jeremaya 23:32

Ni wom mi Naawen ale a weeni diila. <> Mi Naawen ale weeni.

Jeremaya 29:21

Naawen Dii Ale A Dɛ Tugurik Tɔŋdɔma Niŋ La, Izirali Wenni ale weeni dii a magsi chaab ale Kolaiya nidoabinni Ayab ale Maaseiya nidoabinni Zedekia baai ale a mooli venta a te ni ale mi yuenni la ale nna: <

Jeremaya 29:23

Diila ba nye ka wa ŋaai ale bie Izirali tɛŋka po. Ba nye ka kaboŋsa ale ba vaanchaab pooba ale pai mi yuenni a mooli venta, dii ate mi an weeni ba ayen ba nye. Mi seba kama ale chim seerɔ.>> Naawen ale weeni.

Jeremaya 36:2

<

Jeremaya 49:18

Ase Sodom ale Gomora ale jam kaasi diila ale tɛŋ sii ale moata si la, dila waai a kan bo dula, waai a kan kali ka po.>> Naawen ale weeni.

Kumsa 4:6

Mi nuruma ninammu a gaam Sodom ale jam nam diila kama. Sodom tɛŋka a jam kaasi kama alege ba an nya maarika.

Ezekiel 13:16

Izirali biisiteerɔma ale mooli a te Jerusalem la ale baai ale nya ayen suiyɔgni a bo tɛŋka po alege suiyɔgni a ka la ale taam meena. Nyɔnɔwa Naawen ale weeni.>> >

Ezekiel 13:19

nisa nɔi ale boroborok maga nyiŋ ate ni an zuli mi m nuruma suŋsuŋŋa. Ni velim te mi nuru baai ale a wom venta la. Ni ko baai ale kan magsi ba kpi ale basi baai ale magsi ba kpi la.

Ezekiel 22:25

Gbeŋli ale a na a gbariŋ duŋsa a yik diila, Izirali niŋdeerɔma a zɔk ka wie. Ba ko nuruba alege pai tuilum ŋanta. Ba basi ate nipooba yega a chim pukɔga.

Yosea 6:10

Mi nya ka dii ale lɔrima Izirali yenni po. Ɛfraim a pai ka wadek a te taabugni ate Izirali a taŋ wadek.

Amos 4:11

<< Mi kaasi ni ba gela ase ka Wen le kaasi Sodom ale Gomora diila. Baai ale jam vua la a nye ase ka diok ate ba yeeri ku a ta nyini bolim po la, Dila meena po ni an ŋman jam mi jigi ya.>> Ka Naawen ale weeni.

Maika 1:5

Nya kude meena ka Jekob nye kaasuŋku ale Izirali wabaataŋa nyiŋ. Ka boa ale Jekob nye kaasuŋku? Ku daa Samaria? Ka boa ale Juda puusika jigini? Daa Jerusalem?

Maika 3:11

Wa niŋdeerɔma a tuesi ŋanta nuruba jigi alege a bo buusa, ate wa kaabteerɔma a tuesi ŋanta alege a sak, ate wa biisiteerɔma a tuesi ligra alege a porisi. Alege ba a sali ka Naawen ale a weeni ayen, <>

Zefania 3:4

Ka biisiteerɔma ta ka kayerinni, ba ka nuru baai ale suk a nye biem. Ka kaabteerɔma a taŋ Wen dɔkku kama ale kaasi sinsaŋŋa.

Zakaria 13:2

<> Ka Naawen Dii Ale A Dɛ Tugurik Tɔŋdɔma Niŋ La ale weeni. Wa ŋman weeni kama ayen, >

Malakai 1:1

Wanni de ka wa dii ate Naawen a pai te Malakai ayen wa biisi a te Izirali demma.

Matiu 11:24

Wensie ate mi a weeni ni Wen a dan jam ayen wa bo tɛŋzuk meena demma buusa wa le ta jiirim ale Sodom demma a gaam ni.>>

Teerika 32:32

Ba dachaasaŋa a bie kama ase Sodom ale Gomora demma la alege a nye ase tiib sii yɔna ale tua ase choŋ la.

1 Timoti 4:2

Sinsaŋŋa de chaab pimpaasima nyam ale velim ate ŋa tagli jigi meena. Ba popolaŋa a kpi kama, nna ase ba a pai kutuk tuiluk a ji ba zuimaŋa la.

2 Piita 2:6

Wen abe jam basi ate ka bolim mɛ a dɛ Sodom ale Gomora nuruma. Wa jam nye dila kama ayen ku sak wa le wa jam nye baai ale a tom tuimbaata diila.

Juud 1:7

Ni a teeri Sodom ale Gomora tɛŋsaŋa ale tɛŋ sii mɛ ale jam kali moata si la, tɛŋ sila meena a jam nye ase ka Wen maarɔma ale jam nye diila. Si nuruma jam a tom ka kaboŋsa tuima. Nidoaba dek mɛ a jam a yaali ayen ba goa ale ba nidoa chaab. Wen yaa jam pai ba a nyo bolim buui ale kan ta kpeglimka la po ate bu waali ba nna yegayega. Nna a sak ti kama ayen ku a fɛ kama ayen ti kan a tom ba le jam a tom diila.

Pa Sakka 11:8

A pai ba nyiŋsaŋa a dueni tɛŋ kpieŋka po, juijui ate ba yik ba Nyɔnɔwa Yeezu Kirisita a kpi jabarimu nyiŋla. Ba maara wi tɛŋ kala ayen ka Sodom yaase Ejipiti.

Pa Sakka 19:20

Wenŋmazuk tugurik tɔŋdɔma a yaa jam nak yiak tɛŋzuk nuruma tugurik tɔŋdɔma ale ge yaa yik duŋ kperikaliika ale venta biisiteerɔwa. Biisiteerɔwa de a kasim jam a nye ka wakperikaliisa duŋ kperikaliika niŋ ayen ka paasi nuru baai ate duŋ kperikaliika a jam ŋmarisi ba nyiŋ ayen ba jam a kaab ka bɔglukku la. Wenŋmazuk tugurik tɔŋdɔma a yaa yik duŋ kperikaliika ale biisiteerɔwa a ta cheŋ ga yuk basi nyakpiemu po, juijui ate bolimu a kasim a dɛ la.

Pa Sakka 21:8

Alege baai ale yɔgsa la, bumbobrɔma ale baai ale daŋ badek ale wabaata la ale nuru koorisa ale kaboŋ nyeerisa ale sampoporinni tuima ale baai ale a kaab bɔgta ale velimvendisaŋa, a za ba jo ka mɔgi diipo ate bolim a dɛ taam wuu. Ku la a nye ase ba a kpi a saari ka buye la.>>

Pa Sakka 22:15

Alege baai ale a tom tuimbaata ale a porisi ale a nye kaboŋsa ale a ko nuruba ale a kaab bɔgta ale a velim venta ba biik po ale ba tuima po, bala meena le wari ka tɛŋka peelimmu po. Ba kan nya suik a jo ka po.