Jeremaya 20:12 - WEN GBAŊKA

¹² Naawen Dii Ale A Dɛ Tugurik Tɔŋdɔma Niŋ La, fi waai ale a kpesi a nya wayɔrisima nyama ale seba dii ale bo ba suiniima ale ba popola po, basi ate mi nya ale fi tuni ba a te mu, diila m pai m wanni a te ka fi.

Jeremaya 20:12 Iomraidhean Croise

2 Ŋiak Wie 24:22

Naab Joas an jam teeri nyemagsika ate Zakaria kowa Jeyoiada a jam sak wa la alege a ko wa nidoabinni waai ale jam doa a kpi ale weeni ayen, <>

Yiila 11:5

Naawen a kpesi a nya wayɔrisima nyama kama, alege wabaata nyama ale baai ale a yaali wɔkwɔk la wa chiika a kisi ba kama.

Yiila 139:23

M Wen yaa, kpesi a nya mu, a seba m popolaŋa, chamsi mu a nya, ate fi seba m popolaŋa.

Yiila 17:3

Fi seba m suinum. Fi jam m jigi yok. Fi jigi m suinummu po a nya kama alege fi an nya popoli baata m po. M nye m popola kama ayen m kan biisi biemmoa.

Yiila 54:7

Wa vari mu m daanika po a basi, ale ŋman basi ate midek nina a nya m dachaasaŋa ate fi nak ba ate ba chali waaŋ chaab la.

Yiila 58:10

Wayɔrisima nyama sue ale peenti ase ba le nya ale Wen a boro a namsi nuru baataŋa. Ase ba nin pa gaasa nyama ziim a sugri ba naŋsaŋa.

Yiila 59:10

Wen dii ale ta ŋmanteka le mu la, le dɛ m niŋ ate m nya nakdeka a nyini baai ale velim a te mu la zuk.

Yiila 62:8

Nuruba, ni ta sebchakka ale wa diipo meena. Ni pai ni suiniimaŋa a te wa, ale ka Wen ale ti sukka jigi.

Yiila 7:9

Fi ka wayɔrisima Wen a seba tama ale ta popola ŋaai alege a yaali diila buusa. Kasi wabaata nyama gaasaŋa abe fi te nuru wayɔrisima nyam zaana jigi.

Yiila 86:4

Te mi fi tomteerɔwa masim dii nyiŋla m pai nyuvunni ate ka fi m Nyɔnɔ.

Azaya 37:14

Azekaya yaa tuesi gbaŋka a nyini nuruma jigi a karim ka, a yaa cheŋ Naawen yenni a yaa lak ka a dueni Naawen niŋ.

Azaya 38:14

M kaari kama ase nuim la, a kum ase kumsa nangbaŋ la. M ninaŋa a jiak kama ase mi ale zak a nya wenŋmazuk la. M bo ka daanika po. M Nyɔnɔ, jam maari mu.>>

Jeremaya 11:20

Alege Naawen Dii Ale A Dɛ Tugurik Tɔŋdɔma Niŋ La, fi waai ale a bo buusa a yɔrisi la ale a chamsi suinum ale popola, basi ate mi a nya fi tutuna ba zuk, diila fi ate mi pai m wanni a te.

Jeremaya 12:8

Mi nitalimu a yaa nye mi nna ase ka gbeŋli ale bo tiisa po la. Wa a na mi, dila nyiŋ mi kisi wa kama.

Jeremaya 17:10

<>

Jeremaya 17:18

Basi ate baai ale a namsi mu la chivie a yik ba, alege kasi mu chivie po, basi ate yɔgsum yik ba, alege kasi mu nyinyigsa po. Ta kaasuŋ danni a jam ba zuk, kaasi ba ale kaasuŋ ku nɔi buye.

1 Piita 2:23

Ba ale jam lɛ wa la, wa an jam lɛ ba mɛ a tuni ya. Ba le jam basi ate wa nam la, wa an jam nyigsi ba ayen wa mɛ le basi ate ba nam. Alege wa jam pai ka wadek a nyo Wen dii ale wensie boteerɔ la nisa po.

1 Piita 4:19

Dila nyiŋla, ku ale ka, Wen yaalika ayen ba a nam la, ba a tom tuimaŋsa abe ba pai badek a nyo Wen dii ale nye ŋanta meena la nisa po. Wa ka wensie nyɔnɔ.

Pa Sakka 18:20

Baai meena ale bo wenŋmazuk la, ni basi ate ni sue peenti Wen ale kaasi ka la nyiŋ. Wen nuruma ale Yeezu tuimtomdɔma ale Wen biisiteerɔma, ni basi ate ni sue peenti. Wen kaasi ka kama ba ale nye ni diila nyiŋ.

Pa Sakka 2:23

M le basi ate wa bisaŋa a kpi, ate Kirisita bisaŋa meena a seba ayen mi ka waai ale seba nuruba suiniima po ale ka diila. M le tuni ni meena ni le tom diila.

Pa Sakka 6:10

Ba yaa nuem ale lueluk pagrisa ayen, <>

1 Samuel 1:15

Yanna yaa weeni ayen, <