Jeremaya 2:32 - WEN GBAŊKA

³² Nipok kaliak ale baŋ wa nifelima ale baŋsa yaase nipok fiak a baŋ wa gatta? Alege mi nuruma a baŋ mi wari da boari a ka chiina.

Jeremaya 2:32 Iomraidhean Croise

Piilimka 24:22

Laalaakomima ale nyu nyiamu a nueri la, nuruwa yaa yeeri ligmɔniŋ nifelinni ale ligmɔniŋ baŋsa siye.

Piilimka 24:30

Wa le nya ligmɔniŋka nifelinni ale baŋsaŋa wa toawa nisima po la, ale wa za laalaakomima tɛŋ a moata bulika la.

Piilimka 24:53

Tomteerɔwa yaa yeeri ligmɔniŋ ale kpana ŋanta ale gatta a te Aribeka. Wa pai ŋan baai diak ale pagra la tiirita a te wa toawa ale wa mawa.

2 Samuel 1:24

Izirali lieba, ni kum te Sɔɔl, waai ale jo ni ale garuk mɔnta ale nalim, waai ale ŋmirisi ni gattaŋa ale ligmɔniŋ.

Yiila 106:21

Ba baŋ Wen dii ale vari ba a basi la, waai ale nye wa kpiema Ejipiti tɛŋka po la,

Yiila 9:17

Wabaata nyama a ŋman cheŋ kpiluŋ, tɛŋ sii meena ale baŋ Wen wari la.

Azaya 17:10

Ni baŋ Naawen ni Varibasidɔwa kama. Ni an teeri Piuŋku, ni pagrɔwa. Dila nyiŋ, ni a vuk ti maŋsa, ale a vuk tiisa ate ni ta nyini tɛŋ yonsa a jam la,

Azaya 57:11

<

Azaya 61:10

Mi sui a peenti ka nna yegayega ale Naawen. M chiika a dɛ ka masim ale m Wenni. Diila wa pai ka varibasika gatta a jɔ mu ale gomsi mu ale wayɔrisima garuk woŋ, ase duerɔ ale gomsi wa zuk ase kaabteerɔ la ale ŋman nye ase pok fiak ale gomsi wadek ale ŋiri chɔrima la.

Jeremaya 13:10

Wabaata nyama de, ale zɛri an wom mi wieŋa, ale va ba tuikpanni yaalika a va wen yona a tom a te ŋa ale a puusi ŋa la ale nye ase ka chiak gbanni de la a ka kiri ya.

Jeremaya 13:25

Ni charuku ale nna, charuk kuui ate mi gomsi dueni ni la, dii nyiŋla ni baŋ mi kama ale ta sebchakka ale venta wena. Naawen ale weeni.

Jeremaya 18:15

Alege mi nuruma a baŋ mi, ba ju ŋan baai nyum ale masa a te bɔgluk tii ale kan ta kiri ya, tii ale basi ate ba a nak naŋsa ba suita po ale dipo suitaŋa po. Ba basi ate ba a cheŋ sui tii ale kaa nya po ale manpala ŋaai ale kan kpa ya.

Jeremaya 2:11

Tɛŋ kpieŋ a diem tagri ka wenaŋa? Alege ŋa daa wena bola. Alege mi nuruma a pai ba zulaŋa a tagri bɔgluk kayaata.

Jeremaya 2:33

Fi seba nɔŋta chali vi yaalika kama. Nipok baai ale ŋmasi bie a baga a zamsi fi suitaŋa kama.

Jeremaya 23:27

Ba a poli kama ayen gɔdaasimaŋa ate ba weeni a sak chaab la ale basi ate mi nuruma a baŋ mi yuenni, ase ba koma ale baŋ mi yuenni Baal puusika nyiŋla.

Jeremaya 3:21

Kaarik ate ba wom guutaŋa zuk, Izirali nuruma kumsa ale saalimka, dii nyiŋla ba kaasi ba suitaŋa kama ale baŋ Naawen ba Wenni.

Ezekiel 22:12

Nuruma ale bo fu po la a tuesi ka ligra ale a ko nuru yonta. Ni a tuesi ka nyuenta kun nala a namsi ni vaanchaab, alege baŋ mi wari. Mi Nyɔnɔwa Naawen ale weeni.

Yosea 8:14

Izirali a baŋ wa Nyeerɔwa kama ale sɛ nalima yie. Juda a nye kama ate tɛŋsa yega a pagra. Alege m le basi ate bolim a lo ba tɛŋ kpieŋsaŋa zuk ate bu dɛ ba yie pagrisaŋa.>>

Teerika 32:15

Naawen nuruma a jam jigsi kama alege ta tukpari; ba jam kasim a biik kama ba le ta ŋandiintaŋa la nyiŋ ate dila a nye ate ba baŋ ba Wenni, waai ale nye ba la wari ale zɛri ba Varibasidɔwa, waai ale ka Piuŋ la.

Pa Sakka 21:2

Mi yaa nya Wen tɛŋ kpieŋ kaai ate wa jam lueri a te wadek la a yaa basi wenŋmazuk a siŋ tɛŋzuk. Tɛŋ kpieŋ kala ale Jerusalem paalika. Ku jam a nye se ka nipok ale kasim jam a gomsi wadek ayen wa yali wa chora la.

Niŋdeerɔba 8:34

ale an ŋman teeri Naawen ba Wenni, waai ale vari ba a ta nyini ba dachaasaŋa meena nisa po a basi la.