A nyini ti kokpieŋsaŋa daaŋa po a ta jam paari jinla, ti biemu a kasim zuak kama. Alege ti biemu nyiŋ, tama ale ti nalimaŋa ale ti kaabteerɔma a yaa jo ti dachaasaŋa ale ba nalimaŋa nisima po ase ku ale ka dii jinla nna.
Wa ale wa vaanchaama meena ale nya chivie. Peesirɔma a ka kiriya alege ka nuruba kama. Basi ate ba meena a jam ba zaana jigi. Ba ale siŋ tɛŋ ate kpazinagsuk ale chivie a yik ba.
Baai meena ale a nye bɔgta la a ka kiriya, ate ba ale pai ba popola a dueni ŋan baai zuk la a ka kiriya. Baai ale biisi a te ba la a yi kama. Ba ale kan seba wari nɔi po la a te ba ka chivie.
Izirali ale Juda demma a nye ate ka m sui a puuri ale biem buui meena ate ba nye la, badek ale ba nalimaŋa ale kpaŋŋa ale ba kaabteerɔma ale biisiteerɔma ale Juda nuruma ale Jerusalem nuruma.
Izirali kaabteerɔma ta ka nyeka tuem a nye ale mi sinsaŋŋa. Ba kan zuli mi tuilum ŋantaŋa. Ba an gaari tuilum ŋanta a nyini ŋankoa po, ba be an sak ŋan naliŋsa ale ŋan daŋtisa tɔgatɔga ale ka dii la. Ba kan teeri m vuusum daaŋa. Dila nyiŋ ba kan zuli mu.
Ku be ale jam ka dii ni jigi la, be ka boan jaab nyuenta ate ni jam nya? Ni jam nya ka chivie nyiini. Wieŋa de ŋaai abe ale basi ate ni yaa ta chivie la, wa ŋala abe le ŋa basi ate ni kpi ase ni nin diem a tom ŋa.
