Jaab a kan tali alege ni ale maa bo ka baai ate ba yik la po ale chivie, yaase ni lo gum baai ate ba ko la po, alege kude meena wa suipuurumu an diem basi ya wa nisaŋa a diem zak ka wen.
Waai ale za wa yiti a chali yɔgsum nyiŋla, ale lo ka goluk po. Waai ale za wa nyini golukku po a nyini la, baruk ale yik wa. Wenŋmazuk tuataŋa a lagri, ate tɛŋka nyubaŋa a choa.
Ate nuru baai ate ba mooli a te la ba le yuk ba a basi Jerusalem suitaŋa po kɔmmu ale gebika nyiŋ. Waai a kan boro a gu ba yaase ba pooma ale ba nidoabilisaŋa ale ba liema. M pai kaasuŋ kuui ale magsi ba la a basi ba zuk.
Ni po buta ale kpi ale nyiŋtuila ale kom tɛŋka po. Ni po gela ba le ko ni ale gebik peelim. Ni po gela m le vi ni ate ale gebik ate ni chali waaŋ jigi meena.
Pa bunyi a vi peeli dii ate fi daani Jerusalem tɛŋka a dueni di zuk la a ju ka sitika ŋaaŋnyiŋ. Ŋman pai bunyi a gebi yarinti a gilim tɛŋka. A pai bunyi a yuk yarinti basi vioku po. Mi le za ayen m vi ba ale gebika diila ale la.
Fi a nye dii ate fi weeni a ta va chaab ale tama ale ti niŋdeerɔma la kama a ta kaasuŋ a jam ti jigi. Fi a namsi tama Jerusalem demma a gaam tɛŋ meena kama.
Ku ale nye ase ka nuru ale a chali ayen wa bɛ a nyini gbeŋli nisima po a taam ga tu gɔi biak diila. Ku ale nye ase ka waai ale chali paari wa yeri a pai wa nisa a vi wa yeri parik zuk ayen wa vuusi ate waab biok a ŋman dom wa la.
Ku ka Wen dek yaalika ayen ba le jam yik ni ba gela a lik dɔk po a pai gebik woŋta a ko ni gela. Nama baai ale ka Wen nuruba la, ku a fɛ ayen ni nam ale chichiiba a ŋmasi yik di ate ku ga paari ku kpeglimka. Wieŋa de ale sum nye kama.
