Jeremaya 15:15 - WEN GBAŊKA

¹⁵ Naawen yaa, fi a miŋ wie kama, teeri m wie abe fi nya m zuk. Tuni m dachaasaŋa a te mu. Fi ka waai ale a duŋ sui, kan ta mu a cheŋŋi. Poli m le nam ale lieta fi nyiŋ diila.

Jeremaya 15:15 Iomraidhean Croise

Neyemia 13:22

Mi yaa weeni Livaima ayen ba gomsi badek a nye cheri a ga limisi nansuiŋtaŋa a gaari Vuusum Danni. Be teeri mu kude mɛ nyiŋ m Wen yaa, a sak jiirim ale mu a ta va fi ŋmanteka.

Neyemia 13:31

Mi jam maa basi ate Izirali demma cheesi ka daata mɛ daaŋa gela a magsi yɔn ŋaai ale dɛ niŋ a bɛ la. Teeri mu ale ŋmanteka m Wen yaa.

Neyemia 5:19

M Wen yaa, teeri mu ale ŋmanteka, mi ale nye dii meena a te nuruma de la nyiŋ.

Neyemia 6:14

Teeri Tobiya ale Sanballat, Naawen yaa, ba ale nye diila nyiŋ. Teeri nipok biisiteerɔwa Noadiya ale biisiteerɔma meena baai ale a yaali ayen ba nye ate mi nyiŋ a gɔk la.

Job Gbaŋka 10:7

fi poom seba kama ayen mi daa foolaa ate waai karo a vari mi fi nisa po a basi?

Yiila 102:24

Mi yaa weeni ayen, kan ko mu m daaŋa suŋsuŋsa po, m Wen yaa. Fi benaŋa a kasim boro kama gaŋsa meena po.

Yiila 106:4

Teeri m wari, Naawen yaa, ase fi nin sak ŋmanteka ale fi nuruma. Jam a maari mu ase fi nin vari fi nuruma a basi,

Yiila 119:84

Fi tomteerɔwa ale limisi a soa ka sɛ? Ka dimpo ate fi ale namsi baai ale a namsi mu la?

Yiila 17:3

Fi seba m suinum. Fi jam m jigi yok. Fi jigi m suinummu po a nya kama alege fi an nya popoli baata m po. M nye m popola kama ayen m kan biisi biemmoa.

Yiila 39:13

Kan a nya mi ate ku a daani fu ate m ta suipeentik abe m ge kpi a cheŋ.>>

Yiila 44:22

Alege fi nyiŋ, ti a tu kum danni meena. Tama a nye ase ka pa ŋaai ate ba ayen ba tɔgri la.

Azaya 38:3

<> Azekaya a jam kum kama nna tuotuowa.

Jeremaya 12:3

Alege fi seba mi, Naawen yaa. Fi a nya mi kama a chamsi mi popolaŋa ale fu ale ka diila. Dari ba ta cheŋ ase piisa la ate ba che ba. Gaari ba a magsi da dii dai ate ba a tɔgri la.

Jeremaya 15:10

Mi daa suipeentik nuru. Mi zɛ dii ate mi mawa a biak mi a basi tɛŋka po la. Mi nye ka kpaliŋsa ale nak nanpaga ale waai meena tɛŋka po. Mi an piem waai ligra yaase m piem ligra a te waai ya, alege waai meena a ka a te mi.

Jeremaya 15:20

M le basi ate fi chim siak a te nuruma de, kutuk mɔnuŋ parik pagrik, ba le kpaliŋ ale fu alege ba kan nya pagrim fi zuwa, diila mi bo ale fu kama ayen m vari fu a basi.>> Naawen ale weeni.

Jeremaya 17:16

Mi an chali a bɛ ya ale m le chim fi naapeerik la. Fi seba ayen mi an yaali daanika danni: Wa dii ale a nyini mi nɔi po la fi seba kama.

Jeremaya 18:23

Alege fi seba, Naawen yaa, ba zɔŋŋa meena ayen ba ko mu la. Kan vɔŋ ba biemu a te ba yaase fi duisi ba wabaataŋa fi nina po. Basi ate ba yuk ba yiak fi niŋ, nye ale ba diipo ate fi suinni a puuri la.

Jeremaya 20:11

Alege Naawen a bo le mi kama ase tugurik tɔŋdɔ pagrik la, dila baai ale a namsi mu la ale nak naŋsa a lo ba kan nya pagrimoa. Ba le nye kpeeri abe ba nya chivie, ba valiŋsaŋa ba kan maa baŋ.

Jeremaya 20:12

Naawen Dii Ale A Dɛ Tugurik Tɔŋdɔma Niŋ La, fi waai ale a kpesi a nya wayɔrisima nyama ale seba dii ale bo ba suiniima ale ba popola po, basi ate mi nya ale fi tuni ba a te mu, diila m pai m wanni a te ka fi.

Jeremaya 20:8

Diipo meena mi dan biisi, see m kaari ate ku nyini abe m na ayen, wɔkwɔk ale kaasuŋ. Dila Naawen wanni a ta ka leeta ale ŋmiŋmasim a jam mi jigi danni meena.

Kumsa 3:64

Biem buui meena ate ba tom la. Naawen yaa, tuni ba.

Kumsa 3:66

Naawen yaa, pai fi suipuurumu a vi ba a kaasi ba meena tɛŋzuk de.

Matiu 10:22

Waai meena ale kisi ni, dii nyiŋla nama ale a va mi la. Nuru waai a dan ta suduŋni ale ninam ate ku beni, Wen ale vari wa a basi.

Matiu 19:29

Nuru waai ale basi wa yeri ale wa suata ale wa toaba ale wa koba ale wa maba ale wa bisa ale wa kaduksa mi nyiŋla, Wen ale ŋman pai wa ŋanta bala po wanyi wanyi kook kook a gum du a te wa abe wa pai nyuvuri dii ale kan ta kpeglimka mɛ a te wa.

Luuk 21:17

Waai meena ale kisi ni kama mi nyiŋ.

Aroom 12:19

M dek doaba, ni kan weeni nidek ayen, nuruwa de ale nye ate tama a nam dii nna la tama mɛ le nye wari a tuni wa. Ni pai ku meena basi ate Wen pai wa suipuurumu nye wari tuni kula nyɔnɔwa, ase Wen ale weeni dii wa gbaŋka po ayen, <> (Teerika 32:35)

Aroom 8:35

Ka boa ale baga a nye ate Kirisita yaalika a basi tama? Ka daanika yaa ninammoa yaa nuruba a nin basi ate ti nya ninam ti siaka nyiŋŋa yaa kɔm yaa chaboala yaa nyigsika yaase kummoa?

2 Korinti 5:11

Ti le a chali ti Naawenni la nyiŋ, ale soa ate mi a yaali ayen m sak ni ayen ti a tom Wen tuimaŋa ale ka wensie. Wadek seba ayen ti a tom wa tuimaŋa ale ka wensie. M seba ayen nama mɛ le nye ka dila.

2 Timoti 4:14

Chiok kuridɔwa Alezanda a jam daani mu nalimnyiini. Ti Naawen ale tuni wa a magsi chaab ale wa ale nye diila.

Pa Sakka 18:20

Baai meena ale bo wenŋmazuk la, ni basi ate ni sue peenti Wen ale kaasi ka la nyiŋ. Wen nuruma ale Yeezu tuimtomdɔma ale Wen biisiteerɔma, ni basi ate ni sue peenti. Wen kaasi ka kama ba ale nye ni diila nyiŋ.

Pa Sakka 6:10

Ba yaa nuem ale lueluk pagrisa ayen, <>

Niŋdeerɔba 16:28

Samson yaa puusi te Naawen ayen, <