Jeremaya 15:14 - WEN GBAŊKA

¹⁴ M le basi ate ni chim ni dachaasaŋa yɔm tɛŋ kaai po ate ni zɛ, diila mi suipuurumu ale fuk bolim toati buui ale bu de ni.>>

Jeremaya 15:14 Iomraidhean Croise

Yiila 21:9

Fi le kaasi ba ale bolim ŋiak. Naawen le nɛ ba ale suipuurum, ate fi bolimu a dɛ ba.

Azaya 42:25

Dila nyiŋ wa yaa kpiiri wa suipuurum buui ale a dɛ ase bolim la ale wɔkwɔk kpaliŋ a basi ba zuk. Bu lik ba ase ka bolim ŋiak la, alege ba an miŋ ku kiriya. Bu dɛ ba kama alege ba an pai a nyo ba suiniima po.

Jeremaya 14:18

M dan jo tɛŋ kpieŋka po, mi a nya baai ate gebika a ko ba la, m dan jo tɛŋ nummu po, mi a nya kɔmmu ale a viiri nuruba diila. Biisiteerɔ ale kaabteerɔ meena a cheŋ ka tɛŋ kaai ate ba zɛ la.> >>

Jeremaya 15:4

M le nye ate tɛŋzuk naataŋa a kisi ba Azekaya nidoabinni Manasa waai ale ka Juda naab la ale nye dii Jerusalem po la nyiŋ.>>

Jeremaya 16:13

M le ta ni nyini tɛŋka de po a cheŋ tɛŋ kaai ate nama yaase ni koma a zɛ, ate dula ni tom a te wen yona yok ale kantueŋ, diila m kan sak ni ŋmanteka.> >>

Jeremaya 17:4

Nidek nye beka nyiŋ ni le jɔk nitalim buui ate m pai te ni. M le basi ate ni chim ni dachaasaŋa yɔm tɛŋ kaai po ate ni zɛ. Diila ni zuk m suinni po kama ate di ale de taam wuu.>>

Jeremaya 4:4

Ni ta nɔiyeŋ ale mi, Naawen abe ni pai nidek a te mi, nama Juda nuruma ale Jerusalem nuruma, dan kan daa di m suinni ale na pusi a dɛ ni ase bolim la biem buui ate ni tom la nyiŋ. Bu le dɛ ate waai a kan boro a kpimsi bu.

Jeremaya 52:27

Aribla po, Yamat tɛŋka po, ate naawa a jam ko ba. Ba abe jam yik Juda demma a nyini ka badek tɛŋka a ta cheŋ.

Amos 5:27

Dila nyiŋla, mi ale te ba yik ni a ta ni a gaam Damasikus tɛŋka ate ni ga chim yɔm.>> Ka Naawen ale a weeni, waai yue ale ka Wen Dii Ale A Dɛ Tugurik Tɔŋdɔma Niŋ La.

Teerika 28:25

Naawen ale ka te ni ate ni dachaasaŋa a nya pagrim ni zuk. Ni le va ka suik yeoŋ a jam ba jigi alege ni le va ka suik boari a chali, ate jigi meena tɛŋzuk a yaa le chali yɔgsum dii ale nye ni la.

Teerika 28:36

Naawen ale ta ni ale ni naawa a cheŋ ka tɛŋ kaai ate nama yaase ni koma a zɛ ka wie la po. Dula jigini nama ale kaabka bɔgluk yonta, tii ate ba pai daata ale tana a nye ti la.

Teerika 28:64

Ate Naawen ale basi ate ni waaŋ a bo tɛŋsaŋa meena po a nyini tɛŋka kpeglimka a ta ga paari kauk kunkula. Dula jigini ni yaa le kaab bɔgluk yonta, tii ate ba pai daata ale tana a nye ti la. Tii ate nama yaa ni koma a zɛ ti wie la.

Teerika 29:23

Ni tɛŋka a kan nala ate ni a kpa, ka le nye ase ka yesa ale bo ka po la. Ni kan bori Jaab ka po, wuuta a poom kan nyini du mɛ. Ni tɛŋka ale nye ase ka Sodom ale Gomora ale Adma ale Zeboiim tɛŋsaŋa ate Naawen a jam kaasi si meena diipo ate wa suinni a jam puuri ale ba la.

Teerika 32:22

M suipuurumu ale nye ase bolim la a dɛ jaab meena tɛŋka zuk bu le paari tɛŋka meena a dɛ jaab meena.

Yiburu 12:29

dii nyiŋla, ti Wenni a nye ase ka bolim la, ate bu dan dɛ jaab bu dɛ kaasi diila.