Mi a kum a te Moab a nyini ka m suinum po Moab nuruma a chali a cheŋ ka Zoar, ate ba gela a chali a cheŋ Eglat Selisiya. Ba poom cheŋ jueli a paari ka Luyit ale diem kum a cheŋ. Baai ale va Yoronaim suiku la, a kum kama a magsi chaab ale ba kaasuŋku.
Naawen Dii Ale A Dɛ Tugurik Tɔŋdɔma Niŋ La kadukka ka Izirali yenni ale Juda nidoama a chim kaduk ate wa mariŋ. Ate wa jam a gisi nyemagsika, alege wa taam goanti a nya ziim nyinika. Wa jam a yaali ka wayɔrisima alege wa goanti wom nyiŋdomma kumsa.
Basi ate ba wom kaarik ba yeeŋa po ase fi nin ta nuruba a jam diiri ayen ba koalim ba, diila ba tu ka goluk ayen ba yik mi ale suk batta a magsi mi naŋsaŋa.
Naawen yaa gomsi ayen wa kaasi parika ale gilim Zayon Liewa la. Wa magsi parika kama alege an basi ka kaasi ka. A basi ate niniga a yik parisaŋa ale ŋan kasintaŋa ate ba meena a lo tɛŋ.
Jerusalem nansuiŋtaŋa a lo ka tɛŋ. Wa kaasi nansuiŋtaŋa da kpientaŋa. Ka naawa le wa bisaŋa maa bo ka tɛŋ yonsa po. Ba basi Naawen wieŋa sakka, ate biisiteerɔma a kan ŋmaa nya wie Naawen jigi ya.
Dila nyiŋ tɛŋka a kum kama, ate baai meena ale bo ka po la a kpeeri a bɛ. Duŋsaŋa ale bo gɔnni po la nuinsaŋa ale bo vioku po la ale jumaŋa ale bo nyakpiemu po la a kpi.
Nama kpaarɔba, ni be jɔk yiila, nama baai ale a nya tiisa zuk la, ni be kaari. Ni kum ŋankpaantaŋa nyiŋ, dii nyiŋla kaduksaŋa ate ba a che ŋantaŋa du la a kaasi kama.
Mi ale basi ate kantueŋ a zaani ate tattaŋa ale guutaŋa zuima ale ŋan kpaantaŋa ale da paalimu ale kpaamu ale jabuui meena ate ni nya a nyini tɛŋka zuk la ale nuruma ale niiŋa ale ni nisa tuima meena zuk ayen ni kan nya jaaboa.>>
