Jeremaya 14:19 - WEN GBAŊKA

¹⁹ Fi zɛri Juda ka chessi? Fi banti Zayon kama? Ka boa ate fi kɔni ti ate ti kan baga a nya tebika. Ti yiili kama a yaali suiyɔgni alege wamaŋ an jam ya, diipo ale magsi tebika alege ka nyinyigsa nyiini.

Jeremaya 14:19 Iomraidhean Croise

2 Ŋiak Wie 36:16

Alege ba jam nye Wenni tintomdɔma a la, a kisa wa wieŋa ale zɛri biisiteerɔma ate ku paari diipo ate Naawen suipuurum a yiti ale wa nuruma ate ba kan nyini bu po a nyini la.

Job Gbaŋka 30:26

Alege mi ale jam a yiili a limisi nalim la, biem ale jan jam, mi ale jam a gisi bolim la, legi ale jan jam.

Yiila 78:59

Wen ale wom ba wari la, wa sui kasim a puuri nna yegayega, ate wa zɛri Izirali.

Yiila 89:38

Alege fi zɛri naab waai ate fi lueri la. Fi sui ale a puuri nna yegayega ale waai ate fi a bobi la.

Wamagsima 29:1

Nuru waai ale kaa wom sinsaga la ale deri kpi kama wa tukpanni nyiŋ ale kan nyini du a nyini.

Jeremaya 12:7

<

Jeremaya 12:8

Mi nitalimu a yaa nye mi nna ase ka gbeŋli ale bo tiisa po la. Wa a na mi, dila nyiŋ mi kisi wa kama.

Jeremaya 15:1

Naawen yaa weeni mi ayen, <

Jeremaya 15:18

Ka boa ate mi domka a kan kpeglim ate mi kɔnika a bie a ka tebika? Fi le chim ka pimpaasima beli a te mi, ase bulik kaai ale kpeeri ya?

Jeremaya 30:12

<

Jeremaya 30:13

Waai karo a biisi a te fu, tiim ka a tebi fi noruku, tebika a ka a te fu.

Jeremaya 51:5

Diila Wen dii ale ka Naawen Dii Ale A Dɛ Tugurik Tɔŋdɔma Niŋ La an zɛri Izirali ale Juda, ba tɛŋka ale sueri ale ba foolaawa la waai ale welema a bo Izirali niŋ la.

Jeremaya 6:30

Ba a wi ba ayen ka kpana ŋaai ate ba zɛri, dii nyiŋla Naawen a zɛri ba kama.>>

Jeremaya 7:29

Che fi zuisaŋa a yuk basi, abe fi pai kumsa a su a kum guuk tii ate tiisa karo la zuk. Diila Naawen a zɛri kama ale basi beŋka de ate wa sui a puuri ale ba.

Jeremaya 8:15

Ti a yiili ka suiyɔgni alege wamaŋ an jam ya, a magsi tebika dai, alege ka kpazinagsuk nyiini.

Jeremaya 8:22

Kpaam a ka Gilead po? Tebirɔ a ka dula? Ka boa abe le soa ate tebika a karo a te m nuruma mulaŋa?

Kumsa 2:13

M le biisi Jerusalem wie ayen ka boa? Jerusalem Liewa, m le pai ni magsi ka boa? M le weeni ayen ni a nye ase ka boan la? M le nye ka sɛ ate ni sue yɔgi, Zayon Liewa? Ni kaasuŋku a limisa ase ka nyakpiemu la. Waai an baga a tebi ni.

Kumsa 2:22

Fi wi ka dachaasa ayen ba nyini jigi meena a jam nye ale ti ase fi wi ba ayen ba jam ka tigi. Nuru waai an chali bɛ ya, yaase waai tali vua Naawen suipuurumu danni. Ti dachaasaŋa a ko baai ate ti nya ba ate ba pak la.

Kumsa 4:17

Ti kasim za ka ti gbirimaŋa zuk a nya ase tɛŋ kaai ale vari ti basi ya, alege ti nya ti nina ga feligi maarika kan jam.

Kumsa 5:22

yaa fi din chiib zɛri ti kama? Fi sui ale daa puuri ale ti?

Maika 1:12

Baai ale bo Marot la a viriŋ ale ka nyiŋdomma a limisi nyiŋyɔgsa, dii nyiŋla kaasuŋ a nyini ka Naawen jigi a jam, a poom ga paari Jerusalem nansuiŋku nɔi.

1 Tesalonika 5:3

Da dila danni nuruba le weeni ayen nyiŋyɔgsa ale jaabuuri meena a magsi kama, ate ba kan chali yɔgsum ale jaab jaaboa alege, kaasuŋ le deri jam cha ba kama nna yegayega. Danni le deri jam kama ase nipok puuk ale kan seba diipo ate puuka le dom la. Ba wanyi mɛ la a kan nyini kaasuŋku de po a nyini.