Nuruma wuurika a poom a nye ase ka nyakpiem wuurika la, wa dan toariŋ ba, ba yiti a cheŋ ka nna niŋniŋa, nna se viok ale a ji vɔtta guuta zuk la, ate ku ale ŋman a nye ase va pagrik ale ji paasuk a gilim diila.
Fi ale yali ti, ate viok ale pai ti, ate va pagrik ale ji ti a ta cheŋ. Alege fi ale de masim Naawen niŋ abe fi nya zula Waai ale Welema a bo Izirali po la.
Nyɔnɔwa a zɛri mi nuru pagrisaŋa meena ate parisaŋa a gilim ba la kama. Wa ta ka tugurik tɔŋdɔba jam mi po ayen ba kaasi mi nidoa paalukku. Nyɔnɔwa a kaasi Juda tɛŋ kpieŋka kama ase ba ale a ŋmiak yɔna a nye daam diila.
Wa tugurik tɔŋdɔba maŋ sii ale jam kan kpi la ba le ko ba ale gebi kpieŋ. Baai ale a vuuk la m le basi ate ba waaŋ jigi meena. Ate fi seba ayen ka mi Naawen ale weeni.
Ni po buta ale kpi ale nyiŋtuila ale kom tɛŋka po. Ni po gela ba le ko ni ale gebik peelim. Ni po gela m le vi ni ate ale gebik ate ni chali waaŋ jigi meena.
Pa bunyi a vi peeli dii ate fi daani Jerusalem tɛŋka a dueni di zuk la a ju ka sitika ŋaaŋnyiŋ. Ŋman pai bunyi a gebi yarinti a gilim tɛŋka. A pai bunyi a yuk yarinti basi vioku po. Mi le za ayen m vi ba ale gebika diila ale la.
Dila nyiŋ ba ale nye ase ka saluik pik la ale saluik maglim ale muriŋ a bɛ diila ale vɔtta ate viok a ji a ta nyini ŋanta fɔbika jigi a basi la ale nyuisa ale va tuokparuk a nyini diila.
ni nye dila abe ni ge ate wa le dak diipo la a jam, dai dii dai ate nama ale chuiri a taam ase vɔtta la a paari, alege ate Naawen suipuurumu a jam ni zuk.
Ba ale pai ka gebik woŋta mɛ a ko ba gela. Ba ale yik ba gela mɛ a ta cheŋ tɛŋsa yegayega. Nuru baai ale kan daa Juuba la, ale kaasi Jerusalem abe ba bo ka po paari ba danni ate ba ale basi.
Ate Naawen ale basi ate ni waaŋ a bo tɛŋsaŋa meena po a nyini tɛŋka kpeglimka a ta ga paari kauk kunkula. Dula jigini ni yaa le kaab bɔgluk yonta, tii ate ba pai daata ale tana a nye ti la. Tii ate nama yaa ni koma a zɛ ti wie la.
