Jeremaya 13:19 - WEN GBAŊKA

¹⁹ Tɛŋ nina ŋaai ale bo Negev la a lik kama, waai abe kan boro a lak si. Juda meena ba le ji ba a ta cheŋ tɛŋ yoŋ, ba ji a ta cheŋ ferr.

Jeremaya 13:19 Iomraidhean Croise

2 Nalima 25:21

Aribla po, Yamat tɛŋka po, ate naawa a jam ko ba. Ba abe jam yik Juda demma a nyini ka badek tɛŋka a ta cheŋ.

1 Ŋiak Wie 9:1

Izirali demma meena yueŋa a jam ŋmarisi kama ase ba ŋiak wieŋa ale ka diila a bo nalima gbaŋka po. Juda demma ba jam nak yik ba kama a ta cheŋ Babilon tɛŋka dii nyiŋla ba ale kan ta wensie la nyiŋ.

Job Gbaŋka 12:14

Wa le nak jabuui a lɔnsi la waai an baga a ŋmaa sɛ. Wa le a lik nuru waai la, waai an baga a lak wa a basi.

Jeremaya 17:26

Nuruba ale nyini Juda tɛŋsaŋa ale tɛŋ kpaŋsaŋa ale gilim Jerusalem, ba le nyini Benjamin tɛŋbanni po ale yeniŋ guutaŋa, ale tɛŋ kaai ale ta guutaŋa la ale Negev a ta juka tiirita ale kaabsa ale ŋanbie tiirita ale ŋan baai nyum ale masa ale jiam teka tiirita a jam Naawen yenni po.

Jeremaya 20:4

Dila Naawen ale weeni diila ale nna:

Jeremaya 24:1

Babilon naawa Nebukadnezzar a yaa jam ta Jeyoiakim nidoabinni Jekonaya ale jam ka Juda naab la a nyini Jerusalem a cheŋ Babilon ase ligrɔ la, a maa gum Juda niŋdeerɔma ale gobrɔma ale baai ale seba tuima la. Kude ŋaaŋnyiŋ Naawen a yaa jam pai busisa siye ale kinkama a sak mi ate si za Naawen yenni niŋ.

Jeremaya 28:4

M le maa ta Jeyoiakim nidoabinni Jekonaya Juda naawa ale baai meena ate ba ta nyini Juda a cheŋ Babilon la a ŋman jam.> Naawen ale weeni. >>

Jeremaya 32:44

Nuruba ale da laŋsa ate ba ŋmarisi yue gbaŋsa po a lik si ale seerɔba. Kude ale nye ka Benjamin tɛŋka ale tɛŋ kpaŋsaŋa ale gilim Jerusalem la, ale Juda tɛŋsaŋa po, ale tɛŋ sii ale bo guuku zuk la ale guuku chiak la ale Juda yeseok geŋ. M le ta nuruma a ŋman jam ba tɛŋka. Naawen ale weeni.>>

Jeremaya 33:13

Tɛŋ sii ale bo guuku zuk la ale guuku chiak la ale Juda yeseok geŋ ale Benjamin tɛŋka ale tɛŋ kpaŋsaŋa ale gilim Jerusalem la ale Juda tɛŋsaŋa naapeerisa ale ŋman chiini ba piisa.> Naawen ale weeni.

Jeremaya 39:9

Nebuzaradan ale a nya tugurik tɔŋdɔma zuk la yaa ji nuru baai ale tali tɛŋka po la, ale baai ale jam cheŋ wa jigi la, ale nuru mbala meena a ta cheŋ Babilon.

Jeremaya 52:27

Aribla po, Yamat tɛŋka po, ate naawa a jam ko ba. Ba abe jam yik Juda demma a nyini ka badek tɛŋka a ta cheŋ.

Jeremaya 52:28

Nuru baai ate Nebukadnezzar a ji a ta cheŋ la ale nna: Bena ŋayopɔiwa po jam ka Juuma tusa ŋata ale pisiye ale bata (3,023).

Jeremaya 52:30

Wa bena pisiye ale ŋatawa po Juuba kobsiyopɔi ale pisinaansi ale banu ate kpagni Nebuzaradan a ta cheŋ. Ba meena jam ka nuruba tusa ŋanaansi ale kobsiyuebi (4,600).

Kumsa 1:3

Juda a jo ka yɔntidi po, a yaa nam ale a tom nna yegayega. Ka yaa bo ka tɛŋ yonsa po, alege kan nya vuusummoa. Baai ale a vi ka la a yikka kama ka le jam bo daanika po la.

Zakaria 7:7

Daa Naawen wieŋa ale la ate Wen biisiteerɔ baai ale dɛ niŋ la a mooli ase Jerusalem ale ka gilagila tɛŋsaŋa a jam bo vuusum ale jigsika po, ate Negev ale yeniŋ demma a jam kali la?>>

Teerika 28:15

Alege, ni dan kan wom Naawen dii ale ka ni Wen la alege zɛri an va wa wieŋa ale wa ŋmarisika ate mi a te jinla de la nalimnyiini, kikaasaŋa de meena a cheen ka ni jigi.

Teerika 28:52

Ba le nye kpaliŋ ale tɛŋ sii meena ale bo ni tɛŋka po la a ta ga paari diipo ate parik kaai ate ni ta sebchakka la a lo tɛŋ. Ba le tuesi tɛŋka meena ate Naawen dii ale ka ni Wen la a yaa wa pai te ni la.

Josua 18:5

Nama ale labi tɛŋka ka buyopɔi. Juda ale wari ka wa tɛŋka yeseoku geŋsa abe Josefi yenni demma a bo ba tɛŋka wiilukku geŋsa.