Juda naawa Jeyoiachin mawa ale baai ale a nya wa zuk la ale wa nuru kpientaŋa ale wa kpaŋŋa meena a jam siak a te wa kama. Babilon naawa le jam kali wa naamu zuk a paari bena naaniŋ la, wa yaa jam yik Jeyoiachin a lik.
Nebukadnezzar a jam yik ka Jeyoiachin a ta cheŋ Babilon. Wa jam maa ta ka naawa mawa ale wa pooma ale wa kpaŋŋa ale wa niŋdeerɔma ale bo tɛŋka po la a ta nyini Jerusalem a cheŋ Babilon.
Wa puusaŋa ale ku le jam choa Wen dii wa puusaŋa nyiŋla ale wa biemu ale wa le kan ta wensie ale wa le jam boro diipo a sɛ pimpitima a ti Asera zaŋŋa ale bɔgta ale ge a ta wadek a siŋ tɛŋ la, ŋa meena a ŋmarisi a bo biisiteerɔma wieŋa po kama.
Kude ka naab Jekonaya ale naab mawa ale buusa niŋdeerɔma ale Juda ale Jerusalem niŋdeerɔma ale yɔgdɔma ale gobrɔma ale nyini Jerusalem a cheŋ la ŋaaŋnyiŋ.
Ka daŋ kadek kama ale ka wabaataŋa alege an poli dii ale di nye ka la. Ba le nak yik ka la a cha ka kama, waai be karo a nye ate ka sui a yɔgi. Ka yaa weeni ayen, <>
Zayon kpaŋŋa nisɔmma a kali ka tɛŋ nna diki. Ba vaari ka tanta basi ba zuima ayen ba sak ba sue ale kaasi la. Jerusalem nipok paalukku a pai ka ba zuima su tɛŋ ale suipuurum.
Nyɔnɔwa Naawen ale biisi diila ale nna, lati fi jabuui fi pai vili fi zukku la, abe fi lak fi naam zutɔkka. Wie ale tagri. Nuru kpienta ale chim nuru fiisa ate nuru fiisa a chim nuru kpienta.
Kum dikdik. Kan kum ate ku jueli a te kpiewa. Pa jaab a vili fi zukku abe fi su fi nuesaŋa. Kan lik fi teeŋkuruku, abe fi kan dɛ ŋandiin tii ate nuruba a dɛ ase ba nuruba a nin kan ka ate ba sue dan kaasi ba a dɛ la.>>
Ni le pai ŋan baai vili ni zuimaŋa la a bo du abe ni nuesaŋa a bo ni naŋsaŋa po. Ni kan kum ate ku jueli. Ni basi ni wabaataŋa abe ni a fɔbili ale chaab.
Ba le weeni ate ku paari Niineve naawa, Naawen ale weeni diila, wa yaa yeeri wa naamu gattaŋa ale yaali boorisa gatta a jo a yiri wa naamu zaŋgɔŋka zuk a siŋ kala tantaŋa po.
