Naawen a ta ka beerik wa nisima po a sueri ale dapuuk ate bu dam chaab ale ŋanti baai nyum ale masa la. Wa kpiiri bu a basi kama, ate gaasa nyama meena ale bo tɛŋka zuk la a yaa tuk bu a nyu ale bu zunzunaŋa meena.
Mi ale nye ate baai ale a namsi ni la a ŋɔbi bade nyiŋlam. Ba ale nyu badek ziim ase daam la. Ate nurubiik meena ale miŋ ayen mi, Naawen, m ka ni Varibasidɔ ale ni Da Tuesirɔ Waai Ale Ka Jekob Pagrim Nyɔnɔwa la.
Jerusalem, yiti, yiti! Zaani ŋmai fi nyuka nyini ka Naawen nisa po, wa suipuurum beerika, Fi waai ale nyu zunzunaŋa meena la, beerik kaai ale nye ate nuruba a cheŋ a ja la.
Nya, Mi a piilim ayen m ta ka kaasuŋ a jam tɛŋ kaai ale ta mi Yuenni la, ni be le cheŋ a kan nya namsika? Ni kan cheŋ a kan nya namsika diila mi a wi ka ayen ka siŋ baai meena ale bo tɛŋzuk la zuk. Naawen Dii Ale A Dɛ Tugurik Tɔŋdɔma Niŋ La ale weeni.>
M le basi ate ka nisɔmma ale yam nyama a buk daam, ka kpaŋŋa ale niŋdeerɔma ale tugurik tɔŋdɔma mɛ, ba le goa taam wuu ba kan yiti.>> Naawa ale weeni waai yuei ale Naawen Dii Ale A Dɛ Tugurik Tɔŋdɔma Niŋ La.
Babilon jam ka ligmɔniŋ beerik Naawen nisa po, ka basi kama ate tɛŋzuk de meena a nyu buk. Tɛŋ kpieŋsaŋa a nyu ka ka daamu, dila nyiŋ ba yaa a yesim kama.
Nama Kaldiya demma chivie ale yik ni chekki, ni kan nya zula. Ku tulim jam kama ayen nama mɛ nyu buk lo tɛŋ ase da bugrik la. Suipuurum beerika ale bo Naawen juga nisa po la cheen ni jigi. Ni le tuesi chivie, daa zula.
