Jeremaya 12:3 - WEN GBAŊKA

³ Alege fi seba mi, Naawen yaa. Fi a nya mi kama a chamsi mi popolaŋa ale fu ale ka diila. Dari ba ta cheŋ ase piisa la ate ba che ba. Gaari ba a magsi da dii dai ate ba a tɔgri la.

Jeremaya 12:3 Iomraidhean Croise

2 Nalima 20:3

<> Azekaya a jam kum kama nna tuotuowa.

1 Ŋiak Wie 29:17

Mi seba, m Wen yaa, ayen fi a chamsi suinum a nya kama ate fi sui a yɔk ale wensie. Ba meena mi te ale ka m dek yaalika ale wensie. Yɔgyɔgla de mi abe nya ale suipeentik fi nuruma baai ale bo dela la ale te ale yaalika diila kama.

Job Gbaŋka 23:10

Alege wa seba suik kuui ate mi a va la kama, wa dan chamsi mi a nya mi le nyini du ase ligmɔniŋ la.

Yiila 11:5

Naawen a kpesi a nya wayɔrisima nyama kama, alege wabaata nyama ale baai ale a yaali wɔkwɔk la wa chiika a kisi ba kama.

Yiila 139:23

M Wen yaa, kpesi a nya mu, a seba m popolaŋa, chamsi mu a nya, ate fi seba m popolaŋa.

Yiila 17:3

Fi seba m suinum. Fi jam m jigi yok. Fi jigi m suinummu po a nya kama alege fi an nya popoli baata m po. M nye m popola kama ayen m kan biisi biemmoa.

Yiila 26:1

Naawen yaa, biisi a te mu ale mi an tom wari kaasi ya m boka po. M ta sebchakka Naawen kama ate chichama a ka ku po.

Yiila 7:9

Fi ka wayɔrisima Wen a seba tama ale ta popola ŋaai alege a yaali diila buusa. Kasi wabaata nyama gaasaŋa abe fi te nuru wayɔrisima nyam zaana jigi.

Jeremaya 15:15

Naawen yaa, fi a miŋ wie kama, teeri m wie abe fi nya m zuk. Tuni m dachaasaŋa a te mu. Fi ka waai ale a duŋ sui, kan ta mu a cheŋŋi. Poli m le nam ale lieta fi nyiŋ diila.

Jeremaya 17:16

Mi an chali a bɛ ya ale m le chim fi naapeerik la. Fi seba ayen mi an yaali daanika danni: Wa dii ale a nyini mi nɔi po la fi seba kama.

Jeremaya 17:18

Basi ate baai ale a namsi mu la chivie a yik ba, alege kasi mu chivie po, basi ate yɔgsum yik ba, alege kasi mu nyinyigsa po. Ta kaasuŋ danni a jam ba zuk, kaasi ba ale kaasuŋ ku nɔi buye.

Jeremaya 20:12

Naawen Dii Ale A Dɛ Tugurik Tɔŋdɔma Niŋ La, fi waai ale a kpesi a nya wayɔrisima nyama ale seba dii ale bo ba suiniima ale ba popola po, basi ate mi nya ale fi tuni ba a te mu, diila m pai m wanni a te ka fi.

Jeremaya 48:15

Moab ale kaasi ate ka tɛŋsaŋa ba tuesi, ka nidoa paaluk naliŋsaŋa ale cheŋ tɔgrika jigi.>> Naawa ale weeni waai yuei ale Naawen Dii Ale A Dɛ Tugurik Tɔŋdɔma Niŋ La.

Jeremaya 50:27

Ko ka lali paalisaŋa meena, basi ate si cheŋ tɔgrika jigi. Ku le tua a te si. Si danni a jam kama, diipo ale magsi ayen ba namsi si la.

Jeremaya 51:4

Ba le ko ba dueni Babilon, ba le kɔni biokbiokwa suitaŋa po.

Jɔɔn 21:17

Yeezu a ŋman pilim bek wa ku nɔi butawa ayen, <> Piita ale ga wom Yeezu ale bek wa dii ku nɔi butawa la, wa sui yaa deri kaasi ate wa yaa weeni wa ayen, <> Yeezu yaa ŋman weeni wa ayen, <

Jeemsi 5:5

Ni ta ŋanta meena kama a de masim ale naam. Niiga ale a dɛ a biigi ate ba yik ŋa ko diila, nama mɛ a dɛ kama a biigi a gomsi ni dek a magsi Wen buusaŋa.

2 Piita 2:12

Alege nuruma de a nye se ka gɔi duŋ kpien sii ale boro ate nuruba a yik si a ko la. Ba kan poli ase ba ka nuru bisa la. Wie ŋaai ate ba zɛ ŋa kiri la, ba a le ŋa kama. Dila ale soa ate Wen mɛ a weeni ayen wa le ko ba ase ba ka gɔi duŋsa la.