Jeremaya 10:9 - WEN GBAŊKA

⁹ Kpana ŋaai ate ba kuri la a nyini ka Tarsis ate ligmɔniŋka a nyini Ufaz. Peesirɔwa ale choakudɔwa ale nye jabuui la ba jo wa ale ka garuk sobluk ale garuk mɔnuŋ. Ba meena ka baai ale seba ŋanta nyeka la ale nye.

Jeremaya 10:9 Iomraidhean Croise

1 Nalima 10:22

Naab Solomon jam ta ka geruŋ ŋaaruŋta nna yegayega. Wa jam a te ti bo ka nyakpiemu po, a gum chaab ale Yiram ŋaaruŋtaŋa. Bunyi bena ŋata meena po, ti ale ŋmani ale ligmɔniŋ ale kpana ale yauk nyina ale wiima ale faata.

2 Ŋiak Wie 9:21

Naawa a jam ta ka geruŋ ŋaaruŋta ate Yuram nidoama a nya ti zuk. Bunyi bena ŋata po ti nyiem ŋman jam kama a ji ligmɔniŋ ale kpana ale yauk nyina ale wiima ale faata.

Yiila 115:4

Alege ba bɔgtaŋa ka kpana ale ligmɔniŋ, ate nuruba a nye ale ba nisima.

Yiila 72:10

Tarsis nalimaŋa ale tɛŋ sii ale yalima ate nyaata a gilim si la ale ta tutuna a jam te wa. Siiba ale Sɛba nalimaŋa ale ta tiirim tii a jam te wa.

Azaya 23:6

Ni lo a jueli Tarsis tɛŋka. Nama tɛŋ kaai ate nyiam a gilim ka la demma.

Azaya 40:19

Dan ka bɔgluk, ka nuru ale peesi ku, ka nuru ale pai ligmɔniŋ a taari ku, ale pai kpana chɔrima a gomsi ku.

Ezekiel 27:12

<<

Ezekiel 27:7

Gat tii ate ba baali ale ŋmirisi la ate ba pai maa nye ŋaaruŋtaŋa la a nyini ka Ejipiti, a yaa chim tikti a te ni. Garuk kuui ale lik ŋaaruŋku tɛŋka a te yɔgsum la, ka sobluk ale mɔnuŋ a nyini Saipurus ale bo nyiamu suŋsuŋ la.

Daniel 10:5

mi yaa zak nya ŋmai ale ka nuru ale za mi niŋ a jo garuk ate ku a nyaksi ale pai ligmɔniŋ gbain a bobi wa chiaka.

Yosea 8:6

Ba nyini ka Izirali! Naabiika de daa Wen ya. Ka peesirɔ ale nye ku. Samaria naabiik kala ale wɛ nna bunabuna.

Jona 1:3

Alege Jona a yiti chali a bɛ Naawen niŋ. Wa jam chali a cheŋ ka Tarsis tɛŋka. Wa abe liŋ jam cheŋ ka Jopa tɛŋka a yaa nya ŋaaruŋ ale ku a cheŋ Tarsis. Wa yaa tuni ale ge jueli ate ku ta wa a cheŋ Tarsis ayen wa chali bɛ Naawen.

Yabakkuk 2:19

Waai ale a weeni bɔgluk ate ba nye ale diok la, ayen vari mu a basi la, ku le bie wa jigi. Waai ale a weeni tintain ayen yiti ŋmai la, ku le bie wa jigi. Di an baga a weeni fi le fi nye dii ya. Ka jaab kama ate ba pai ligmɔniŋ ale kpana nye lik ku nyiŋka, nyuvuri ka ku po.