Jeremaya 10:12 - WEN GBAŊKA

¹² Alege Wen ale nye tɛŋka ale wa pagrim, wa dueni tɛŋka ale wa yam ale dari wenŋmazukku ale wa miŋka.

Jeremaya 10:12 Iomraidhean Croise

Piilimka 1:1

A nyini piilimka po ate Wen a nye wenzukku ale tɛŋka la.

Piilimka 2:5

tiisa ale wuuta an diem jam nyini ya, diila Naawen dii ale ka Wen la an basi ate ŋmoruk a ni ya, nuru mɛ abe karo a tom.

1 Ŋiak Wie 16:26

Tɛŋsaŋa meena wenaŋa ka bɔgta, alege ka Naawen ale nye wenŋmazukku.

Job Gbaŋka 26:7

Wa yarinti wiiluk geŋka wenŋmazuimaŋa wenzuk koroku po, wa an pai tɛŋka a yik jaab nyiŋŋa.

Job Gbaŋka 37:18

Fi baga a maari Wen ate wa a dari wenzukku ale a nye ate ku a pagra ase kutuk ate ba salisi la?

Job Gbaŋka 9:8

Wa nyiini ale a teeri wenŋmazukku ale a tabi nyakpiemu nyamiisaŋa zuk.

Yiila 104:2

Wa pobi ka wadek ale bolim ase garuk la, wa dari wenŋmazukku ase gbain la.

Yiila 104:24

Fi tuimaŋa a soa ka sɛ, Naawen yaa, Fi nye ba meena ale ka yam, tɛŋka a sueri ale ka ŋan baai ate fi nye la.

Yiila 119:90

Fi wensieŋa a kasim boro ka dila a cheŋ gaŋsa po meena, fi nye tɛŋka kama, ate ka kasim boro.

Yiila 24:2

Naawen le nye tɛŋka ale nyubi ka nyubini a yaa sɛ ka a zaani nyaataŋa zuk.

Yiila 33:6

Naawen wanni ale nye wenŋmazuimaŋa. Wa vuusum nyiini ale pai wenbinni ale chiika ale chiŋmarisaŋa a basi wenŋmazuk.

Yiila 65:7

Fi weeni ate nyakpientaŋa wuurika a goori ate ti nyamiisaŋa a muriŋ bɛ ale basi ate tɛŋsaŋa nuruma ale a nuem la a nye diki.

Yiila 78:69

Wa sɛ wa yenni kama ase wenŋmazuk la. Wa sɛ di kama giŋgiŋ tɛŋzuk de.

Yiila 93:1

Naawen a dɛ naam, wa jo ka naam kɔlima. Naawen ta pagrim. Tɛŋka a feri paari kama, ka kan choa.

Wamagsima 3:19

Naawen a pai ka yam a nya tɛŋka, ka yam miŋ chakka nyiŋ ate wa nye wenŋmazukku.

Wamagsima 30:4

Ka wana ale jueli wenŋmazuk ale siŋ ya? Ka wana ale baga a gum vioku a ta wa nisima po? Ka wana ale baga a kpamsi nyaataŋa a nyo wa garuk po? Ka wana ale nye tɛŋka kpeglimka meena? Wa yue ale boa, wa biika mɛ yue ale boa. Weeni a sak mu ase fi a nin seba.

Azaya 37:16

<

Azaya 40:22

Wa kali ka wa naam zukpaglika zuk a bo wenŋmazukku ate tɛŋ gigilukku a bo wa tɛŋ, ate ka nuruma a nye ase nanchoŋta la. Wa lagri wenŋmazukku kama nna se viuk la ale lati ku ase garuk pali ayen wa bo ku po.

Azaya 42:5

Dii ate Wen, Naawen a weeni la ale nna, wa waai ale nye wenŋmazukku ale nye ate ku lagri la, wa waai ale lak tɛŋzuk de la ale ŋan baai meena ale nyini ka po a nyini la, waai ale a te ka nuruma vuusum ale a te baai ale a cheŋ ka po la nyuvuri.

Azaya 44:24

Naawen ale weeni diila ale nna: <

Azaya 45:12

Ka mi ale waai ale nye tɛŋzuk de ale nye nurubiik a basi ka zuk la. M nisaŋa ale teeri wenŋmazukku. Mi ale nye ate chiŋmarisaŋa a bo wenzukku.

Azaya 45:18

Kude nyiŋ ate Naawen a weeni ayen, Wa waai ale nye wenzukku la, wa ka Wen, wa ale gomsi ale nye tɛŋzuk de, wa ale nye ka. Wa an nye ayen ku boro koruwa, alege wa nye kama ayen ba bo ka po. Wa a weeni kama ayen, Mi ale Naawen ate waai a karo.

Azaya 48:13

Mi dek nisa ale dueni tɛŋzuk de nyubini, ate m juga nisaŋa a nye ate wenzukku a lagri cheŋ. Ase mi ale wi ŋa la, ŋa meena a jam zaani ka jigi yeŋ.

Azaya 49:8

Naawen ale weeni diila ale nna: <

Jeremaya 10:13

Wa dan na nanpaniŋ, nyaataŋa ale bo wenŋmazukku la a wuuri kama, wa basi ate chiŋma a yiti tɛŋka kpeglimka jiga. Wa a tom nyaksika ale ŋmoruk ale ta viok a nyini wa kɔlima yeeŋa po a nyini.

Jeremaya 10:16

Jekob Wenni daa nna, diila wa ale jaab meena Nyeerɔ, a maa gum Izirali du, wa nitalim buuni. Naawen Dii Ale A Dɛ Tugurik Tɔŋdɔma Niŋ La ale wa yuenni.

Jeremaya 14:22

Tɛŋsaŋa bɔgluk tii ale kan ta kiri la a ta ŋmoruk a jam? Wenŋmazuimaŋa dek a te ŋmoruk bie a jam? Aaya, ka fi Naawen ti Wen yaa. Dila nyiŋ ti yiilaŋa a bo ka fi jigi, diila ka fi ale a nye kude meena.

Jeremaya 27:5

Mi pagrim ale nisa teerika ate mi nye tɛŋka ale ka nuruma ale duŋsaŋa ale bo ka zuk la, ale pai a te waai ate mi a mariŋ la.

Jeremaya 32:17

Nyɔnɔwa Naawen, fi ale nye wenŋmazuk ale tɛŋ ale fi pagrim kpiemu ale fi nisa teerika. Jaab karo a tua a te fu.

Zakaria 12:1

Naawen wari ale nna a ta va Izirali nyiŋ. Naawen dii ale nye wenzuk, ale ŋman dueni tɛŋzuk de nyubini la, ate ku nyini wadek po ate wa nye nurubiik chiik la, waai meena abe seba dila kama. Wa ale a weeni diila ale nna:

Jɔɔn 1:3

Wen a va ka wa zuk a nye tɛŋzuk jaab meena ale ŋan baai meena ale bo wenŋmazuk ale tɛŋzuk la. Jaabuui meena Wen a va ka wa nyiŋ a nye.

Kolose 1:16

Dii nyiŋla, Wen va ka wala nyiŋ a nye jaab meena tɛŋzuk de ale wenŋmazuk, ŋan baai ate ti baga a nya ale ŋan baai ate ti an baga nya. Nyaba de meena gum chaab ale ka chichirik pagrisaŋa ale pagrita tɔgatɔga. Wen va ka Yeezu Kirisita a nye wieŋa de meena. Wa be nye ba te ka wala.