Ester 2:12 - WEN GBAŊKA

¹² Ase ku yaa ale paari diipo ayen liema meena a cheŋ Naab Ayasuerus jigi la, ku ŋaaŋnyiŋ ku magsi ayen wa pai ka chiisa pi ale siye a gomsi nala a magsi chaab ale nipok ale magsi ayen wa nye diila. Da ŋala po ale ba pai a gomsi badek a nueri, chiisa siyuebi, ba pai sa kpaam, abe chiisa siyuebi ba sa kpa masik, ale wie ŋaai ale ŋa nye ate lie meena a nala la.

Ester 2:12 Iomraidhean Croise

Ester 2:11

Daa meena Mordekai a kasim jam a cheŋ nipooma yenni kama, ayen wa wom Ester wie.

Ester 2:13

Lie meena ale magsi ayen wa cheŋ naawa jigi diila ale nna, jabuui meena ate wa a yaali la, ba te wa ate wa ta nyini nipooma yenni po a cheŋ naawa yenni.

Ester 2:3

Abe ni basi ate naawa a lueri nuruba tɛŋ fi sii meena ale bo wa tɛŋka po la ate ba yaa tigsi paalik sii meena ale kan seba nidoa la a ta jam jigi yeŋ Susa tɛŋka jigi pagrika, nipooma yenni po. Ni basi ate ba bo Yegai naawa yɔmawa waai ale a nya nipooma zuk la jigi abe ni tebi ba nalim tebika.

Ester 2:9

Ester a yaa yɔk wa sui, ate wa yaa nye nwuli a te wa ŋan baai ale ba nye ate wa nala la, ale ŋandiin yonta, ale pai wa a basi jigi maŋ naab yenni po. A lueri nipooba bayopɔi a ta nyini naawa yenni po ayen ba ga tom a te wa.

Wamagsima 7:17

M pai ka ŋan baai nyum ale masa la a basi gaduokku zuk.

Yaalika 3:6

Ka wana ale la a nyini gɔnni a cheena ase nyuisa ale a jueli wen nna dek dek la ate nyum a nye ase ŋan baai nyum ale masa la ate ba pai geruŋdɔ ŋanta a nye?

Azaya 3:24

Ku ale magsi ku chim nyum masik la ku le chim ka nyum biok, ku le magsi ku chim garuk pali la ku le chim ka miik, ku ale magsi ku chim zuisa la ku le chim ka zuk kpaauŋ. Ate garuk naluŋ ale chim boorik garuk, ku le magsi ku chim nalim la ku le chim ka chivie.

Azaya 57:9

Fi ta ka kpaam a cheŋ Molek ale nye ate fi ŋan baai nyum ale masa la a piisi. Fi yiak baai ale tagri za fi naŋkula po la a basi ka nna niŋniŋŋa. Fi siŋka boosuku dek po!