Ester 10:3 - WEN GBAŊKA

³ Mordekai Juuwa ale jam pai a vi Naab Ayasuerus ŋaaŋ. Wa ka waai ale chim nuru kpioŋ Juuma po. Ate wa yaa jam ta yuei Juuma ale piisi la po. Dii nyiŋla wa jam tom a yaali ka nalim a te wa nuruma ale jam a biisi a yaali suiyɔgni a te Juuma meena.

Ester 10:3 Iomraidhean Croise

Piilimka 41:40

Fi ale fi a nya m nayenni zuk, ate fi ale a weeni diila m nuruma meena a siak a te fu. Ka m naamu zukpaglika zuk nyiini ate m le gaam fu.

Piilimka 45:10

Ni ale kali ka Gosen po a moata mi, nama ale ni bisaŋa ale ni ŋaaŋ bisaŋa ale ni piisaŋa ale ni duŋsaŋa meena ate ni ta la.

Piilimka 45:11

M le te ni ŋandiinta dula dii nyiŋla kɔm bena ŋanu ale diem bo ŋaaŋ a cheena, Dan kan daa di nama ale ni yenni demma ale baai meena ale bo ale ni la ale viiri.>

2 Ŋiak Wie 28:7

Ɛfraim tɛŋka kpaliŋ nyeerɔwa Zikri a jam ko naawa nidoabinni Maaseiya kama ale Azrikam kpagni ale jam a nya naab yeri zuk la ale Elkana, waai ale paasaŋ naawa la kama.

Neyemia 2:10

Ase Yoron denɔwa Sanballat ale Ammon demma niŋdeerɔwa Tobiya ale wom kude la, ku yaa daani ba dii nyiŋla, waai ale jam ayen wa nya Izirali demma nyeboka.

Ester 2:5

Yɔgyɔgla de Susa naab yenni po, Juuma wanyi ale jam boro wa yuei jam ale Mordekai wa jam ka Jair nidoabili, Jair kowa mɛ ale Simei, Simei kowa ale Kis a nyini Benjamin buuni po.

Ester 3:2

Ate naawa tomteerɔma meena, baai ale jam bo naawa tuoku nɔi la koori a zuli Yaman. Ka naawa ale te ba suik ayen ba nye dila. Alege Mordekai an jam koori ya alege ka wa zuli wa.

Daniel 5:16

Yɔgyɔgla mi wom kama ayen fi baga a weeni mu ŋa kiri ale baga a yik wa pagrisa a niak. Fi a dan baga a kariŋ ŋmarisika ale a weeni mu ku kiri, m le pai naam garuk ŋmiŋmirita a jo fu abe m pai ligmɔniŋ chɔrinni a su fi ŋinni po. Fi ale chim buta nyɔnɔwa a pai va mi ŋaaŋ tɛŋka po.

Daniel 5:29

Belsazzar a weeni ate ba pai naam garuk ŋmiŋmirita a jo Daniel ale pai ligmɔniŋ chɔrinni a su wa ŋiri ate wa saari buta nyɔnɔwa waai ale pai a vi wa ŋaaŋ naamu po la.

Daniel 6:3

Wa ale a tom nalimnyiini a gaam mbala meena la ale soa ate naawa a lueri wa ayen wa a nya tɛŋsa zuk.

Aroom 10:1

M suata, mi dek ale a yaali dii nalimnyiini ate ku chim m puusa a ta nyini m suinum po meena ate mi a puusi Wen la ale, Izirali demma ate nya varibasika.

Aroom 14:18

Waai abe ale va suiku de po a tom a te Kirisita la, ku a basi kama ate Wen ale nuruba sue a peenti ale wa.

1 Samuel 18:16

Alege Izirali ale Juda nuruma meena a jam a yaali Deevid ka nna yegayega dii nyiŋla wa jam a dɛ ba niŋ kama nalimnyiini kpaliŋ po.

1 Samuel 23:17

Jonatan yaa weeni wa ayen, <>