Ester 10:2 - WEN GBAŊKA

² Wa nyeka meena ale wa pagrimu ale wa zuaka ale wa le basi ate Mordekai a chim nuru kpioŋ la ŋala meena a ŋmarisi a doa ka Miidi ale Persia nalima gbaŋka po.

Ester 10:2 Iomraidhean Croise

1 Nalima 11:41

Dan ka Solomon wieŋa gela ate wa nye wa naamu daaŋa po la, dii meena ate wa jam nye ale yammu ate wa jam sak la, ŋala a ŋmarisi doa Solomon wie gbaŋka po kama.

1 Nalima 14:19

Wayoŋ tii ate Jeroboam a nye wa naamu po la, wa kpaliŋsaŋa ale wa ale jam a nya nuruma zuk diila, a ŋmarisi bo Izirali nalima gbaŋka po kama.

1 Nalima 22:39

Dan ka Ayab wayoŋ ntila, ale dii meena ate wa nye la, naam yenni ate wa jam sɛ a ŋmirisi di ale yauk nyina la ale tɛŋ kpieŋka ate wa sɛ parik a gilim la, ŋala a ŋmarisi a doa Izirali nalima gbaŋsaŋa po kama.

Ester 2:23

Ase ba ale jam kpesi nya ayen wanni ka wensie la, ba yaa bobi limisidɔma de bayewa a yik tiib nyiŋ ate ba kpi. Ate ba yaa ŋmarisi wie ŋaai ale nye la a nyo ba ŋiak gbaŋsaŋa po naawa nimbie.

Ester 6:1

Yok kula naawa an jam baga goa ya, ate wa yaa weeni ayen ba ta gbaŋ kaai ate ba ŋmarisi bein meena ate dii a nye a bo ka po la a jam kariŋ sak wa.

Ester 8:15

Mordekai yaa basi naawa ale nyini, wa jam vuk ka naam zutɔk ate ba pai ligmɔniŋ a nye ale jo garuk woŋ ate ku ta sobluk ale peeluk ale ŋmazuk garuk a chim mɔnuŋ. Ate Susa tɛŋka a yaa a nuem ale suipeentik.

Ester 8:2

Ate naawa yaa jam yeeri wa nifelinni dii ate wa jam tuesi Yaman jigi la a pai te Mordekai. Ester yaa basi ate Mordekai a nya Yaman yenni zuk.

Ester 9:4

Dii nyiŋla Mordekai jam ka nuru kpioŋ naawa yenni po, ate waai meena a sebi wa tɛŋka po. Mordekai pagrimu a kasim jam a gum du kama.

Yiila 18:35

Fi pai fi varibasika jaligimmu a te mu, fi juga nisaŋa ale vari mu basi, fi koori ka tɛŋ ayen fi nye ate mi a zuak.

Daniel 2:48

Naawa yaa te Daniel tiirita nna yegayega wa jam basi ate wa chim ka nuru kpioŋ Babilon tɛŋka po ale basi ate wa a nya nuru baai meena ale ta yam la zuk.