1 Jɔɔn 3:3 - WEN GBAŊKA

³ Baai meena abe ale ta nya kude yiila la, bala le chim nuru weleŋsa ase Yeezu ale ka diila.

1 Jɔɔn 3:3 Iomraidhean Croise

2 Korinti 7:1

M dek doaba, wieŋa de ka Wen pumpuulima ate wa jam puulim ale ti. Ni basi ate ti yeeri tidek wie ŋaai ale a basi ate ti a chim nuru daŋtisa la, abe ti chim nuru weleŋsa a te Wen zula.

1 Jɔɔn 2:6

Ase nuru a dan weeni ayen wa bo ale ka Wen, ku a fɛ ate wa va wa ase Yeezu ale va wa diila.

2 Piita 3:14

Dila nyiŋla, m dek doaba, ase ni ale a limisi dai dila danni la, ni pii nyiŋ ate ni chim nuru weleŋsa, abe ni kan ta wari Wen jigi ya ate ni boro ale wa ale suiyɔgni.

Matiu 5:48

Ni a nye wamaŋsa ase ni Kowa waai ale bo wenŋmazuk, ale a nye wamaŋsa diila.

Yiburu 12:14

Ni pii nyiŋ ate ni ta nye masik ale waai meena, abe ni welema dii nyiŋla, waai ale kan welema la, an baga a boro ale Naawen ya.

Yiburu 7:26

Nyaŋa de meena nyiŋ ale soa ate Yeezu chim kaabteerɔ kpioŋku dii ale magsi la. Dii nyiŋla, wa baga a maari ti kama. Wa welema kama. Wari karo ate Wen baga a nya wa jigi a weeni ayen wa ta kaasuŋŋoa, a yaase wabiowa. Wa ka wari a nye ale biem buui ate wabaata nyama a tom la. Yɔgyɔgla de, Wen be zak wa kama a ta jueli kali wadek tɛŋ.

Kolose 1:5

Wen tomtomiŋ maŋka ale liŋ jan jam ni jigi diipo la ni jam wom yiila ŋaai ate ŋa jam pai te ni la kama. Dila nyiŋla ka ni siaka nyiŋ ale soa ate ni a limisi jabuui ate ni le nya la. Jabula abe bo ka wenŋmazuk. Jaab jaab abe kan kaasi wa.

Tuima 15:9

Wa be nye ba jigi kama ase wa ale a nye, tama jigi dii mɛ la. Suik kula po, wa va ka ba siaka ale wa a yaa sugri ba wabaataŋa ba suiniima po a basi.

Titus 3:7

Wen ŋmanteka nyiŋ ate Wen Chiika a nye ate ti chim weleŋsa nyam Wen jigi, a yaa basi ate ti ta yiila ayen ti le nya nyuvuri dii ale kan ta kpeglimka la.

2 Piita 1:4

Wen abe le puulim ayen wa le te ti tiirim tii la, wa sum te ti ka tiirim maŋsa nalimnyiini. Wa be te tiiritaŋa kama ayen ti baga liisi tuim kaasim ŋaai ale bo tɛŋzuk de la a basi abe ti a neensi wa ale ka diila.

Luuk 6:36

Ni ta jiirim ase ni Kowa Wen ale ta jiirim diila.

1 Jɔɔn 4:17

Suik kuui ate Wen Yaalika ale sum chim yaali maŋ a te ti la ale dai dii danni ate Wen le jam bo ti buusa ate ku basi ate yɔgsum kan yik ti la. Dii nyiŋla, ti boka tɛŋzuk de a nye ase ka Yeezu Kirisita boka ale jam ka dii tɛŋzuk de la.

Yiburu 6:18

Nya kude abe a sak kama ayen dipo, Wen nye ka wie ŋaye ŋaai ate wa kan tagri ŋa la. Tama be seba chak kama ayen Wen daa velimvendik. Tama be chali cheŋ Wen jigi kama ayen wa vari ti basi. Yɔgyɔgla de, ti yaa be baga a teeri wie ŋayewa ate wa nye te ti la kama ate dila basi ate ti a deŋsi chaab kpa abe ti ta yiila nalimnyiini ale Wen ale pɛ dii ale ti la.

2 Tesalonika 2:16

Ti Kowa Wen a yaali ti kama ale kasim a te ti nyiŋbiiri taam wuu ale basi mɛ ate ti ta yiila nalimnyiini wa ŋmanteka nyiŋ.

Aroom 15:12

Azaya mɛ ŋmarisi ayen, <> (Azaya 11:10)

2 Samuel 22:27

Baai ale nye a magsi la, fi sak ba ayen fi mɛ nye a magsi kama, alege nuru baai nyeka ale tua la fi kan dɛ doata ale ba.

Jɔɔn 17:19

Ba nyiŋ mi welema kama m dek, ate ba mɛ dek a baga a welema wensieŋa po.

Jeemsi 4:8

Ni forisi paari Wen ate wa mɛ forisi paari ni. Nama baai ale ka tuimbaata nyam la, ni nari ni nisima ale waba tii ate ni a nye la. Nama baai ale ka popola buye nyam la, ni sugri ni popola tɔgatɔga ŋaai ale bo ni suiniima po la a basi.

1 Piita 1:3

Ni basi ate ti te Wen dii ale ka ti Nyɔnɔwa Yeezu Kirisita Kowa la jiam. Dii nyiŋla, wa ta jiirim ka nna yegayega ale ti, dila nyiŋ a yaa nak Yeezu Kirisita yiti kum po a yaa te ti nyuvuri dii ale kan ka kpeglimka. Dila nyiŋ ate ti ta yiila, ayen ti le nya nyuvunni de.

1 Piita 1:15

Wa ka Weleŋsa Nyɔnɔ. Dila ale soa ate wa lueri ni ayen ni ta suinum weleŋsa ale ni tuim ŋaai meena ate ni a tom a te wa la po.