ZẸFANIA 2:1 - BIBLU WIWE LỌ 1923

¹ Mì bẹ́ míde pli, mọwẹ, mì bẹ́ míde plidopọ, Mì akọta he ma tindo ojlozògbe de emi;

ZẸFANIA 2:1 Iomraidhean Croise

2 OTÀNNUGBO LẸ 20:4

Juda sọ pli yéde dopọ nado din alọgọ sọn OKLUNỌ mẹ: yèdọ tòdaho Juda tọn lẹpo mẹ we yé sọn wá nado din OKLUNỌ.

NẸHEMIA 8:1

GBẸTỌ lẹpo sọ bẹ́ yéde plidopọ di omẹ dopo do otẹn gbigblo he tin to osìn họngbo lọ nukọn; yé sọ dọhó hlan Ẹzla wékantọ lọ nado hẹn owé osén Moṣe tọn lọ tọn wá, he OKLUNỌ ko degbèna hlan Islaeli.

NẸHEMIA 9:1

DINVIE to azán kònukunẹnẹtọ osùn he tọn mẹ wẹ yè yí nùbibla, po odẹ́vò po, po kọ́gudu po to yé ji, do bẹ́ ovi Islaeli tọn lẹ pli.

ẸSTELI 4:16

Yì, sinyan Ju he tinai to Ṣuṣani mẹ lẹpo plidopọ, mì ni bo blanù na mi, ma du ma nù azán atọ́n, zánmẹ kavi okle: Yẹn ga po deviyọnnu ṣie lẹ po na sọ blanù to wàlọ mọnkọ mẹ; podọ mọwẹ yẹn na yì whégbè jẹ ahọlu lọ de, he ma tin kẹdẹdi osẹ́n gba: podọ eyín yẹn súdo, yẹn súdo.

JẸLEMIA 3:3

Enẹwutu wẹ yẹn dọn jikun katakata do godo, bọ jikun agọ̀gbọnẹn ma ko do tin: hiẹ sọ tindo onukọn gàlọtọ tọn, hie gbẹ́ nado yín winyannọ.

JẸLEMIA 6:15

Yè na hẹn winyanhu yé na yé ko wà osùnú wutu: mọwẹ, yé ma yín owinyannọ lala, mọ yé ma sọ sọgan zùn ùnpẹnnọ: enẹwutu wẹ yé na jai to yé he jai le ṣẹnṣẹn: to ojlẹ he me yẹn dla yé pọ́n yé na dahli, wẹ OKLUNỌ dọ.

JOẸLI 1:14

Klan nùbibla de do wiwe, ylọ obẹ́pli ayidego de, bẹ́ mẹho lẹ pli po tòmẹnu aigba lọ tọn lẹpo po hlan ohọ̀ OKLUNỌ Jiwheyẹwhe mìtọn tọn kòn, bo dawhá hlan OKLUNỌ de.

ZẸFANIA 3:5

Dódónọ wẹ OKLUNỌ to gblagbla e tọn mẹ; ewọ ma na wà oylanwà gba; afọnnu afọnnu we ewọ nọ hẹn whẹ̀dida etọn wa jẹ hinhọn mẹ, ewọ ma gbòpò gba; ṣigba mawanugbonọ ma yọn winyan de gba

ZEKALIA 11:8

Yẹn sọ sán lẹngbọhótọ atọ̀n lẹ sẹ́ to osùn dopo mẹ; na alindọn ṣie yín gbẹ́donọ na yé, podọ alindọn yetọn ga sọ gbẹ́na mi.

MATIU 18:20

Na ofi he omẹ awe kavi atọ̀n bé yede pli dopọ to oyín ṣie mẹ te, yẹn tin to gblagbla yé tọn me to finẹ.