ZẸFANIA 1:5 - BIBLU WIWE LỌ 1923

⁵ Po yé he to awhànpa olọn tọn litaina to ohọ̀ta aga lẹ po; po yé he to taliai lẹ po, he to whiwhle hlan OKLUNỌ bo sọ to whiwhle gbọn ahọlu yetọn dali;

ZẸFANIA 1:5 Iomraidhean Croise

1 AHỌLU LẸ 11:33

na dọ yé ko gbẹ́ mi dai wutu, bo ko litaina Aṣitolẹti yẹwheyọnnu Zidoninu lẹ tọn, Kemosi yẹwhe Moabi tọn, po Milkomi po yẹwhe ovi Ammọni tọn lẹ tọn; bọ yé ma ko sọ zinzọnlin to aliho ṣie lẹ mẹ gba, nado wà enẹ he yín jlọjlọ to nukun ṣie lẹ mẹ, podọ nado yìn oséndoai ṣie lẹ po whẹ̀dida ṣie lẹ po, dile Davidi otọ́ etọn ko wà do.

1 AHỌLU LẸ 11:5

Na Sọlọmọni yì Aṣitoleti godo yẹwheyọnnu Zidọninu lẹ tọn, podọ to Milkomi osùnú Ammọninu lẹ tọn godo.

1 AHỌLU LẸ 18:21

Elija sọ wá sẹpọ́ gbẹtọ lẹpo de, bo dọmọ, Nawẹ míwlẹ gbẹ́zọ̀n linlẹn awe ṣẹnṣẹn dẹn sọ le? Eyín OKLUNỌ yín Jiwheyẹwhe, mì hodo e: ṣigba é sọ yín Baali, bé mì bo to hihodo e. Gbẹtọ lẹ ma sọ gblọn ohó de nọ̀ gba.

2 AHỌLU LẸ 17:32

Mowẹ yé dibusi OKLUNỌ, bo bibasi hlan yé sọn yéde ṣẹnṣẹn yẹwhenọ otẹn yìaga lẹ tọn lẹ, he to avósán na yé to ohò otẹn yìaga le tọn lẹ mẹ.

2 AHỌLU LẸ 17:33

Ye to budisi OKLUNỌ, bo to yẹwhe yetọn titi le sèn kẹdẹdi owàlọ akọta lẹ ton mẹhe ṣẹnṣẹn yè bẹ́ yé sọn yì.

2 AHỌLU LẸ 17:41

Mowẹ akọta helẹ to budisi OKLUNỌ do, bo sọ to boṣiọ kinkọ̀n yetọn lẹ sẹ̀n; ovi yetọn lẹ domọga, ovi ovi yetọn lẹ tọn lẹ, le otọ́ yetọn lẹ wà do, mọwẹ yé to wiwà do jẹ azán he gbè.

2 AHỌLU LẸ 23:12

Agbà he tin to ohòta abò aga nukọn Ahazi tọn tọn ji lẹ, he ahọlu Juda tọn lẹ ko basi, po agbà he Manassẹ ko basi to akànmaho awe ohọ́ OKLUNỌ tọn tọn mẹ lẹ po, wẹ ahọlu gbà liai, bo tùn yé do odò sọn finẹ, bo kọ̀n kọgudu yé tọn do tọ̀pẹsẹ Kidlọni mẹ.

ISAIA 22:1

AGBÀN agbàdo númimọ tọn. Etẹ wẹ wà we dinvie, bọ hiẹ do hẹji yì họ̀ta patapata.

ISAIA 44:5

Ode na dọ, dọmọ, yẹn wẹ OKLUNỌ tọn; awetọ na sọ ylọ ede gbọn oyín Jakob tọn dali, mẹdevo na yí alọ etọn do wlan dọ hlan OKLUNỌ, bo ylọ yínkọ ede tọn gbọn oyin Islaeli tọn dali.

ISAIA 45:23

Yẹn kò yí dẽ do whle, ohó lọ ko tọ́n sọn onù ṣie dódó tọn mẹ; é ma na lẹ́, dọ kligonu lẹpo na dẹ́ hlan mi, odẹ́ lẹpo na whle.

ISAIA 48:1

MI sè ehe, hiẹ owhé Jakob tọn, he yè yí oyín Islaeli tọn do to yiylọ, bo sọ tón sọn osìn Juda tọn lẹ mẹ wá, he to oyín yí do to whiwhle, bo sọ to oyín Jiwheyẹwhe Islaeli tọn ylọ, ṣigba é ma yín to nugbo mẹ, kavi to dódó mẹ gba.

JẸLEMIA 12:16

E na sọ wá jọ, eyín yé na yí sọwhiwhe do plón ali omẹ ṣie lẹ tọn lẹ, nado nọ whle gbọn oyín ṣie, Le OKLUNỌ togbẹ̀, dali; yèdọ dile yé plón omẹ ṣie lẹ do nado nọ whle gbọn Baali dali; whenẹnu wẹ yè na dó yé daga to gblagbla omẹ ṣie lẹ tọn mẹ.

JẸLEMIA 19:13

podọ owhe Jelusalẹm tọn lẹ, po owhé ahọlu Juda tọn lẹ tọn le: po, he yè hẹn flu, na tin di oten Tofẹti ton, yèdọ owhó lepo ohòta ehetọn ji yé ko mẹ nuwhẹnwan te hlan awhanpa olọn tọn lẹpo, bo ko sọ kòn avọ́ nunina nùnù lẹ jẹgbonu hlan yẹwhe dẽvo lẹ.

JẸLEMIA 32:29

podọ Kaldeanu lẹ, he hoavùn hẹ tòdaho he, na wá bo símiyọn todaho he, bo sọ mó ẹn, po ohò lẹ po, ohòta mẹhetọn yé ko na avọ́ nunina nuyọnwan te hlan Baali, bo sọ kòn avọ́ nunina nùnù lẹ jegbonu hlan yẹwhe dẽvo lẹ, nado henhomẹgble mi hlan àdi.

JẸLEMIA 4:2

podọ hiẹ na sọ nọ whle dole OKLUNỌ dọ do, to nugbo mẹ, to whẹ̀dida mẹ, podọ to dódó mẹ; whenẹnu wẹ hiẹ na nọ whle, akọta lẹ na sọ nọ dona yéde, podọ to ewọ mẹ wẹ yé na nọ yígigo te.

JẸLEMIA 49:1

NA ovi Amọni tọn lẹ tọn. Le wẹ OKLUNỌ dọ: Bé Islaeli ma tindo visunnu le de wẹ? bé ewọ ma tindo whédùtọ de wẹ? whenẹnu etẹwutu wẹ ahọlu yetọn yí Gadi do dùgú, bọ omẹ etọn lẹ to todaho etọn lẹ mẹ nọ̀?

JẸLEMIA 5:2

Yin yé tlẹ nọ dọmọ, Le OKLUNỌ togbẹ̀; lalo wẹ yé do to whiwhle nugbonugbo.

JẸLEMIA 5:7

Nawẹ yẹn na jona we do? ovi towe lẹ ko gbẹ́ mi dai, bo nọ whle gbọn yé he ma yín yẹwhe lẹ de dali: whenuena yẹn hẹn yé whle, yé dèayọ, bo sọ pli yede to opònọ mẹ do owhé ogàlọtọ lẹ tọn gbè.

JẸLEMIA 7:10

bo sọ wá bo ṣite to nukọn ṣie to ohọ̀ he mẹ, ehejì yè ylọ oyín ṣie do, bo didọmọ, Yè whlẹn mí; na mìwlẹ nido to osùnú helẹ wà?

JẸLEMIA 7:9

Be mìwlẹ na to ajojẹ, to mẹhù, bo to ayọde, bo yí lalo do tó whiwhle, bo to nuwhẹnwan mẹ̀ hlan Baali, bo sọ to zọnlinzin hodo yẹwhe devo lẹ mẹhe mìwlẹ ma ko yọnẹn,

JẸLEMIA 8:2

yé na sọtẹ́yédo owhè nukọn, osùn, po awhànpa olọn tọn lẹpo po, mẹhe yé ko yiwanna lẹ, podọ mẹhe yé ko to sinsẹ̀n, po mẹhe yé ko to zọnlinzin hodo po, podọ mẹhe yé ko to dindin, podọ mẹhe yé to taliaina: yè ma na bẹ́ yé plidopọ gba, kavi yín didi gba; yé na tin na ogbó to nukunmẹ aigba tọn ji.

HOSEA 10:2

Ewọ ko má ayiha yetọn; dinvie wẹ yè na mọ yé whẹ̀ylannọ: é na hò agbà yetọn lẹ, ewọ na hẹn odòtin lẹ gble.

HOSEA 4:15

Yín hiẹ, Islaeli, tlẹ lọgà, gà, nso a dike Juda lẹzùn whẹylannọ blo; podọ mìwlẹ sọ wá jẹ Gilgali blo, mọ mì sọ hẹji yì jẹ Bẹti-aveni blo, kavi whle dọ, Le OKLUNỌ togbẹ, blo.

AMỌSI 5:26

Mọwẹ, mìwlẹ na zégohọ̀túntún Molọki tọn lọ daga, otẹn wiwe bosiọ mìtọn lẹ tọn, sunwhlẹvu yẹwhe mìtọn tọn lọ, he mì basi hlan míde.

MATIU 6:24

Mẹde ma sọgan sọ̀n Oklunọ awe gba: adavo é gbẹwánna ode, bo yíwánna awetọ: kavi yín é ma yín mọ, é na joawu na ode, bo gbẹkọ awetọ go. Mìwlẹ ma sọgan sẹn Jiwheyẹwhe po Mamoni po gba.

OWALỌ APỌSTELI LẸ TỌN 10:9

To azán awetọ gbè, le yé to yìyì to zọnlin yetọn ji, bo to sisepọ otò lọ, Pita hé ozà ji jei dèho gbe to ojlẹ sidopotọ mẹ:

LOMUNU LẸ 14:11

Na yè wlan ẹn dọ, Oklunọ dọmọ, dile yẹn tin, kligonu lẹpo na jẹdò hlan mi, Podọ odé lẹpo wẹ na yígbe hlan Jiwheyẹwhe.

Deutelonomi 10:20

Hie na nọ dibusi OKLUNỌ lọ Jiwheyẹwhe towe; ewọ wẹ hiẹ na nọ sèn; é de wẹ hiẹ na nọ sẹbọdo, podọ hiẹ nasọ nọ whle gbọn oyín etọn dali.

Deutelonomi 4:19

podọ hiẹ nikã zé nukun towe lẹ daga hlan olọn, podọ whenuena hiẹ mọ owhè lọ po osùn lọ po po sunwhlẹvu lẹ lọ po, yèdọ awhànpa olọn tọn lẹpọ lọ, hiẹ yín dindòn yì bo sọ litaina yé bo to yé sèn, he OKLUNỌ lọ Jiwheyẹwhe towe ko má hlan akọta lẹpo lọ to olọn lọ pete glọ.

JỌṢUA 23:7

dọ mì wá akọta helẹ ṣẹnṣẹn blo, ehe pò to mì ṣẹnṣẹn helẹ; mọ mì sọ dohoylọ oyín yẹwhe yetọn lẹ tọn blo, kavi hen nado whle gbọn yé dali blo, mọ mì sọ sẹn yé blo, kavi dé mìde hlan ye blo: