PSALM 99:4 - BIBLU WIWE LỌ 1923

⁴ Huhlọn ahọlu tọn yiwanna whódìda ga; Hiẹ hẹn kunnumahu lódo, Hiẹ hẹn whẹ̀dida po dódó po ṣẹ to Jakobu mẹ.

PSALM 99:4 Iomraidhean Croise

OWÈ JOB TỌN. 37:23

Gbọn Ganhunupo tọn dali, mìwlẹ ma sọgan din in mọ gba; ewọ wẹ yẹyidahonọ to huhlọn mẹ: Podọ hlan whẹ̀dida po dódó susunọ po ewọ ma wà huhlọnnú de gba.

PSALM 11:7

Na OKLUNỌ dódónọ, é yiwanna dódó; Zọnlin jlọjlọnọ na pọ́n nukun etọn mẹ.

PSALM 98:9

To OKLUNỌ nukọn; na é ja nado dawhẹ́ aigba tọn: Dódó é na do dawhẹ́ aihọn tọn, Bo yí kunnumahu do dawhẹ́na gbẹtọ lẹ.

ISAIA 42:4

Onú ma to na dikọ nẹ̃, mọ ewọ ma to na fiọhomẹ, kaka é na do zé whẹ̀dida dai to aihọn mẹ: olopo lẹ na sọ nọtepọ́n osẹ́n etọn.

ISAIA 61:11

Na dile aigba nọ hẹn okẹ̀n etọn tónkun, podọ dile ojipa nọ hẹn onú he yè do do e mẹ wú jẹgbonu, mọ wẹ OKLUNỌ JIWHEYẸWHE na hẹn dódó po pipa po wú jẹgbonu to akọta lẹpo nukọn do.

ISAIA 9:7

Ahọludu etọn po jijọho po ma na ponù, to ofìn Davidi tọn ji, podọ to ahọludu etọn ji, nado nọ pọ́n e go, podọ nado sọ yonu etọn hẹnai, gbọn whẹ̀dida dali; podọ gbọn dódó dali, sọn dinvie, yèdọ kakadoi. Vivẹnu OKLUNỌ awhànpa lẹ tọn tọn na basi ehe.

JẸLEMIA 23:5

Dayi e go, azán le wá, wẹ OKLUNỌ dọ, bọ yẹn na zetite hlan Davidi nutonkùn dódono de, ewọ na sọ dugán di ahọlu bo yí ivuyonẹn do dugbẹ, bo na sọ hẹn whẹ̀dida po dodowà po sẹ to aigba lọ mẹ.

Deutelonomi 10:18

E nọ hẹn whẹdida tóṣiọvi po asúsiọsi po tọn sẹ, bó sọ yiwanna ojónọ lọ, to núdùdù po avọ po nina ẹn mẹ.

JUDA 1:15

nado hẹn whẹ̀dida sẹ to omẹ popo ji, podọ nado gblewhẹdo yé he yín mẹylankan lepo to yé ṣẹnṣẹn, na owalọ ylankan yẹtọn he yé ko yí kanyinylan do wà po oho logbologbo yetọn po, he mẹylankan ylandonọ lẹ ko dọ do e go.

OSỌHIA 19:11

Yẹn sọ mọ olọn hùn do nùvò, pọ́n osọ́ wéwe de: mẹhe hé e ji wẹ yè nọ ylọ Nugbonọ, Dódónọ, dódó mẹ wẹ é sọ to whẹ̀da te, bo sọ to awhànfùn te.

OSỌHIA 19:16

E sọ tindo to avọ̀ etọn go podọ to asapada etọn ji oyín he yè wlan de; AHỌLU AHỌLU LẸ TỌN, Oklunọ Oklunọ LẸ TỌN.