PSALM 99:3 - BIBLU WIWE LỌ 1923

³ Gbọ yé ni pa oyín daho towe he dobu: Wiwè wẹ ewọ.

PSALM 99:3 Iomraidhean Croise

NẸHEMIA 1:5

Bo dọmọ, OKLUNỌ E, Jiwheyẹwhe olọn tọn, Jiwheyẹwhe daho he dobu lọ, he nọ payi alẹ̀nù po lẹblanu po go to yé he yiwanna ẹn bo sọ nọ payi gbèdide etọn lẹ go, yẹn vẹ̀ we;

NẸHEMIA 4:14

Yẹn sọ pọ́n, bo tite, bo dọ hlan mẹgbógbo lẹ, podọ hlan ogán lẹ, podọ hlan pipòtọ gbẹtọ lẹ tọn dọmọ, Mì yín avọ̀satọ yé tọn blo: mì nọ flin OKLUNỌ, he yín daho dobu, mì ni sọ hòavùn na mẹmẹsunnu mítọn lẹ, visunnu mítọn lẹ po viyọnnu mítọn lẹ po, asi mítọn lẹ po owhé mítọn lẹ po.

NẸHEMIA 9:32

Enẹwutu dinvie, Jiwheyẹwhe mítọn, daho lọ, huhlọnnọ lọ, Jiwheyẹwhe dobu lọ, mẹhe nọ yìn alẹ̀nù po lẹblanu po, a dike tuklajẹ lẹpo sọawuhia pẹvi to nukọn towe blo, he ko wá mi ji, to ahọlu mítọn lẹ go, to ahọvi mítọn lẹ go, podọ to yẹwhenọ mítọn lọ go, podọ to yẹwhegán mítọn lẹ go, podọ to otọ́ mítọn lẹ go, podọ to omẹ towe lẹpo go, sọn ojlẹ ahọlu Asilia tọn lẹ tọn mẹ gbọn jẹ azán he gbè.

NẸHEMIA 9:5

Whenẹnu wẹ Levinu lẹ, Jeṣua, po Kadiniẹli po, Bani, Hasabneia, Ṣelebia, Hodia, Sebatìia, po Petahia po, dọmọ, Mì fọ́n tite bo dona OKLUNỌ Jiwheyẹwhe mítọn sọn madopodo jẹ madopodo: podọ donanọ oyìn gigonọ towe yín, he yè zedaga hugan odona po pipà lẹpo po.

PSALM 100:4

Mì biọ hóngbo etọn mẹ po opẹ́ po, Bo biọ awá etọn lẹ mẹ po pipa po: Mì pa ẹ, bo sọ nọ dona oyín etọn.

PSALM 103:1

DONA OKLUNỌ, hiẹ ayiha ṣie: mì sọ pa oyín wiwe etọn, mì: onú he tinito ohò ṣie mẹ lẹpo emi.

PSALM 111:9

Ẹ do ofligò hlan omẹ etọn lẹ: E ko degbè alẹ́nu etọn tọn kakadoi: Wiwe podọ núsísí wẹ oyín etọn.

PSALM 145:17

Dódónọ wẹ OKLUNỌ to aliho etọn lẹpo ji, Dagbenọ to azọ́n etọn lepo mẹ.

PSALM 66:3

Mì dọ hlan Jiwheyẹwhe, dọ, Na hiẹ jiawu do to azọ̀n towe lẹ mẹ Huhlọn towe susu mẹ wẹ kẹ̀ntọ towe lẹ na yí sisọsisọ do wá de we.

PSALM 76:1

JUDA wẹ yèyọ̀n Jiwheyẹwhe te, Oyín etọn sọ klo to Islaeli mẹ.

PSALM 76:12

Ewọ na sán gbigbọ ahọvi lẹ tọn sẹ̀: E sọ yín nudobu hlan ahọlu he to aihọn mẹ lẹ.

ISAIA 6:3

Odẹ́ dawhá hlan awetọ, dọmọ, Wiwe, wiwe, wiwe wẹ OKLUNỌ awhànpa lẹ tọn: aihọn lẹpo gọ́ na gigo etọn.

JẸLEMIA 20:11

Ṣigba OKLUNỌ tin to dẽ di hlọnhlọnnọ de mẹdobu de: enẹwutu homẹkẹndomẹtọ ṣie lẹ na mùsa, yé ma to na glonú gba: yé na yín mẹmọwinyan dahodaho, na yé ma ko yí nuyọnẹn do dùale wutu, yèdọ po ozùn madopodo de po he yè ma na wọn gbèdegbède,

JOHANU 17:11

Dinvie yẹn ma sọ tin to aihọn mẹ ba, ṣigba ehelẹ tin to aihọn mẹ, yen sọ ja de we. Oto Wiwe, whlá yé he hiẹ na mi lẹ to oyín dewe tọn mẹ, na yé ni yín dopo, yèdọ dile mìwlẹ te.

Deutelonomi 28:58

Eyín hiẹ ma na payi nado basi ohó osẹ́n he tọn lẹ lọ he yè wlan do owé he me, na hiẹ nido nọ dibusi oyín gigonọ podọ osinọ he, OKLUNỌ LỌ JIWHEYẸWHE TOWE;

Deutelonomi 7:21

Yè ma na hẹn we yín avosatọ na yé gba: na OKLUNỌ lọ Jiwheyẹwhe towe tin to gblagbla hiẹ tọn mẹ, Jiwheyẹwhe kiklo de podọ didobu de.

JỌṢUA 24:19

Jọṣua sọ dọ hlan gbẹtọ lẹ dọ, Míwlẹ ma sọgan sẹ̀n OKLUNỌ gba; na Jiwheyẹwhe wiwe de wẹ ewọ; Jiwheyẹwhe awuwhantọ de wẹ ewọ; é ma na jona nudakandakan mìtọn kavi ylando mìtọn lẹ gba.

OSỌHIA 4:8

Mẹdida ẹne lẹ dopodopo tindo awa ṣidopo ṣidopo lédo e pé; yé sọ gò na nukun to homẹ ye ma sọ gbọjẹ to okle po ozan po do didọmọ, Wiwe, Wiwe, Wiwe, Oklunọ Jiwheyẹwhe Ganhunupo; he ko tin, bo sọ tin, bo sọ ja.

1 SAMUẸLI 2:2

Mẹde ma yín wiwe di OKLUNỌ gba; Na mẹde ma tin to adà towe mẹ gba: Na osé depope ma tin di Jiwheyẹwhe mìtọn gba.