PSALM 9:2 - BIBLU WIWE LỌ 1923

² Yẹn na jaya, yẹn na doawagun to hiẹ mẹ; Yẹn nasọ yí pipa do jihàn hlan oyín towe, hiẹ Gigogán È.

PSALM 9:2 Iomraidhean Croise

PSALM 138:1

YẸN na yí ayiha ṣie lẹpo pete do dopẹ hlan we: To nukọn yẹwhe lẹ tọn wẹ yẹn na jihàn pipa lẹ hlan we.

PSALM 26:7

Na yẹn nido hẹn ogbè opẹ́ tọn zùn sisè, Bo sọ nọ dọhó azọ́n jawu towe lẹpo tọn.

PSALM 27:6

Lò wẹ ota ṣie na zé daga hú kẹ̀ntọ ṣie he lédo mi lẹ tọn; Enẹwutu wẹ yẹn na sánvọ̀ ayajijẹ tọn to gohò etọn mẹ: Yẹn nasọ jihàn, nugbo, ohàn pipa tọn wẹ yẹn na ji hlan OKLUNỌ.

PSALM 28:7

OKLUNỌ wẹ huhlọn ṣie, awòyinú ṣie; Ewọ go wẹ ayiha ṣie dotudo, yè sọ gọalọna mi: Enẹwutu homẹ ṣie vivi susu; Yẹn nasọ nọ yí ohàn ṣie do pa ẹ.

PSALM 43:4

Whenẹnu wẹ yẹn na yì fie agbà Jiwheyẹwhe tọn te, Yì Jiwheyẹwhe homẹhùnhùn ayajijẹ ṣie tọn daho de, Nugbo, to ajalẹn ji wẹ yẹn na nọ pa we te, Jiwheyẹwhe È, Jiwheyẹwhe ṣie.

PSALM 5:11

Ṣigba gbọ yé he din fibẹ̀tado to hiẹ mẹ lẹpo ni jaya: Tẹgbẹ̃ wẹ yé ni nọ yí ayajijẹ do jihàn, na hiẹ to alọ ṣinyọn yé ji wutu: Gbọ yé he yiwanna oyín towe lẹ ni awagundo to hiẹ mẹ.

PSALM 7:17

Yẹn na pà OKLUNỌ kẹdẹdi dódó etọn; Bo sọ nọ jihàn pipa tọn hlan oyín OKLUNỌ Gigogán tọn.

PSALM 83:18

Na yé nido yọnẹn dọ, hiẹ, oyín Mẹhetọn dopo kẹdẹ nọ yín JEHOVA, Wẹ Gigogán to owẹkẹ lẹpo ji.

PSALM 86:12

Yẹn na pa we, OKLUNỌ Jiwheyẹwhe ṣie E, po ayiha ṣie lẹpo po: Yẹn nasọ nọ pagigona oyín towe kakadoi.

PSALM 92:1

ONÚ dagbe wẹ nado na opẹ́ OKLUNỌ, Podọ nado jihàn pipa tọn hlan oyín towe, hiẹ Gigogán:

PSALM 92:4

Na hiẹ, OKLUNỌ, ko hen homẹ ṣie hùn gbọn azọ́n towe dali: Yẹn na yí ayajijẹ do jihàn to azọn alọ towe tọn lẹ mẹ.

PSALM 96:3

Mì la gigo etọn to kosi lẹ ṣẹnsẹn, Azọ́n jawu etọn to gbẹtọ lẹ ṣẹnsẹn

PSALM 97:12

Mì jaya to OKLUNỌ mẹ, mì dódónọ lẹ emi; Bo sọ nọ dopẹ́ na oflin owàlọwiwe etọn tọn.

PSALM 97:9

Na hiẹ OKLUNỌ, wẹ Gigogán hú aigba lepo. Hiẹ wẹ yè zédaga súntate hú yẹwhe lẹpo.

DANIẸLI 5:18

Hiẹ ahọlu È, Jiwheyẹwhe Gigogán na ahọludu, po kiklo po, po gigodaho po, Nẹbukadnẹzali otò towe:

FILIPPINU LẸ 4:4

Mì nọ jaya to Oklunọ mẹ whepoponu: yẹn sọ vò dọ, Mì jaya.