PSALM 82:2 - BIBLU WIWE LỌ 1923

² Nawẹ míwlẹ na dawhẹ̀ mawàdódó tọn dẹn sọ, Bo nasọ to whẹyí do mẹylankan lẹ ji? Selah.

PSALM 82:2 Iomraidhean Croise

1 AHỌLU LẸ 18:21

Elija sọ wá sẹpọ́ gbẹtọ lẹpo de, bo dọmọ, Nawẹ míwlẹ gbẹ́zọ̀n linlẹn awe ṣẹnṣẹn dẹn sọ le? Eyín OKLUNỌ yín Jiwheyẹwhe, mì hodo e: ṣigba é sọ yín Baali, bé mì bo to hihodo e. Gbẹtọ lẹ ma sọ gblọn ohó de nọ̀ gba.

2 OTÀNNUGBO LẸ 19:7

Enẹwutu dinvie gbọ osi OKLUNỌ tọn ni tin to mì ji; mi payi bo wà ẹ: na oylanwà de ma tin to OKLUNỌ Jiwheyẹwhe mítọn de gba, kavi mẹhopọ́n gbẹtọ lẹ tọn, kavi yíyí nunina lẹ tọn.

OWÈ JOB TỌN. 32:21

Yẹn vẹ́ mì, mì dike yẹn hò nukunta gbẹtọ depope tọn pọ́n blo; Mọ yẹn ma sọ to na na kikó ovivlẹ tọn lẹ hlan mẹdepope gba.

OWÈ JOB TỌN. 34:19

He ma hò nukunta ahọvi lẹ tọn pọ́n, Mọ bo ma sọ dèunjọ adọkunnọ húgan wamọnọ? Na azọ́n alọ etọn lẹ tọn wẹ yé mẹpó.

PSALM 62:3

Nawẹ mì na dèkẹntọ to gbẹtọ de go dẹn sọ, Na mì nido hù i, mì omẹ pó, Di adó he dẹ́, podọ di opá he to adaji?

Eksọdusi 10:3

Moṣe po Aalon po sọ biọ họ̀nme yì Falo de, bo dọ hlan ẹn, dọ, Le wẹ OKLUNỌ dọ Jiwheyẹwhe Heblu lẹ tọn, Na é na dẹn sọ bọ hiẹ na do kọ́ nado huwhẹ dewe to nukọn ṣie? gbọ omẹ ṣie lẹ ni yì, na yé nido sẹ́n mi.

HÓWHÍNWHÉN LẸ 18:5

E ma yón nado kuwinyan na mẹylankan, Nado sisẹ́ dódónọ liai to whẹ̀dida mẹ gba.

EZEKIELI 45:9

Le wẹ OKLUNỌ JIWHEYẸWHE dọ: Gbọ é ni pékọna mì, mì ahọvi Islaeli tọn emi: dè huhlọnnu po ogble pò sẹ̀, bo hen whẹ̀dida po dódówà po sẹ; mì dè mẹhòdù mìtọn lẹ sò sọn omẹ ṣie lẹ mẹ, wẹ OKLUNỌ JIWHEYẸWHE dọ.

Levitiku 19:15

Miwlẹ ma na wà mawàdódó de to whẹ̀dida mẹ gba: hiẹ ma na hò nukunta wamọnọ lọ tọn pọ́n gba, kavi gbogbóna nukunta hlọnhlọnnọ lọ tọn gba: ṣigba hiẹ na dawhẹ̀ kọmẹnu towe tọn to dódó mẹ.

MATIU 17:17

Jesu sọ gblọn, bo dọmọ, Whẹndo mayisenọ, gblewanọ, na yẹn na nò hẹ mì dẹn sọ? Na yẹn na sinyẹnlin hẹ mì dẹn do? hẹn ẹn wá jẹ dè to ofi.

GALATIANU LẸ 2:6

Ṣigba ehelẹ tọn mẹhe sọawúhia di omẹ sàndeji (nudepope yé yín, é ma pla mi: Jiwheyẹwhe ma hò awúsọhìa mẹdepope tọn pọ́n:) na yé he sọawúhia di omẹ sàndeji to oplìtò ma yín núde hlan mi:

Deutelonomi 1:17

Mìwlẹ ma na hò gbẹtọ nukuntapọn to whẹ̀dida mẹ gba; mì na nọ sè yọ̀pọ po mẹho po dozẹ̃nzẹn; mì ma na dibuna nukunmẹ omẹ de tọn gba; na Jiwheyẹwhe tọn wẹ whẹ̀dida lọ: podọ owhèhó he yín sinsinyẹn gbahu na mì, mì na nọ hẹnwá jẹ dẽ, yẹn bo nasọ nọ sè e.