PSALM 81:2 - BIBLU WIWE LỌ 1923

² Mì yí ohàn wiwe, bo sọ hẹn akọ̀hún wá, Ajalẹn gbèvivinọ po asiazọ̀n hànjinu po.

PSALM 81:2 Iomraidhean Croise

2 OTÀNNUGBO LẸ 5:13

yèdọ é sọ wá jọ, whenuena opẹ̀nkúntọ lẹ po hànjitọ lẹ po tin di mẹdopo, nado kún zẹ̃nzẹ̃n nado yín sisè to pipà po pẹ́didona OKLUNỌ po mẹ; whenuena yé zé ogbè yetọn daga po opèn lẹ lọ po, po ajògàn lẹ lọ po, po nuzinzán hàngbè tọn lẹ po, bo to OKLUNỌ pà, dọmọ, Na ewọ yín yínyọ́n: na lẹblanu etọn to ote doidoi: dọ whenẹnu wẹ yè yí aslọ do gọ́ ohọ̀ lọ, yèdọ ohọ̀ OKLUNỌ tọn lọ,

NẸHEMIA 12:42

Maaseia, po Ṣemaia po, po Eleazali po, po Uzi po, po Jehohanani po, po Malkija po, po Elami po, po Ezẹli po. Hànjitọ lẹ to hànji lẹ́dó, po Jezlahia nugopọ́ntọ yetọn po.

PSALM 59:17

Hlan we, hiẹ huhlọn ṣie E, wẹ yẹn na jihàn: Na Jiwheyẹwhe wẹ atọ̀họ ṣie he yìaga, Jiwheyẹwhe dagbewanyi ṣie tọn.

PSALM 92:3

To hànjinu okan aonọ ji, pòdọ to asiazón hànjinu ji; Hàngbè zìnzìn de mẹ to ajalẹn ji.

Eksọdusi 15:20

Miliam yẹwhegan, nọviyọnnu Aalọn tọn zé akòhún de do alọ me: yọnnu lẹpo sọ tọn hodo e po akòhún lẹ po po owè po.

MALKU 14:26

Whenuena yé ji ohàn dopo, yé tómegbonu yì osó olivie tọn ji.

EFESUNU LẸ 5:19

Mì nọ dọhó hẹ mìnọzo to ohàn wiwe mẹ, to ohàn pipa tọn mẹ, podọ to ohàn gbigbọnọ me, mì nọ kehàn, bo sọ nọ jihan gbèplì to ayiha mìtọn mẹ hlan Oklunọ;

KỌLỌSINU 3:16

Mì gbọ ohó Klisti tọn ni nọ nò mì me susugege to nuyọnẹn popo me; mì nọ plón, bo sọ nọ kọhóna mìnọzo to ohàn wiwe mẹ, to ohàn pipa tọn mẹ, podọ to ohàn gbigbọnọ mẹ, mì nọ yí ojọmiọn do jihan to ayiha mìtọn mẹ hlan Oklunọ.

JAKOBU 5:13

Be mẹde to oyaji to mì mẹ? mì gbọ é ni hodè. Homẹ mẹde tọn vivi? mì gbọ é ni jihan wiwe.