PSALM 74:2 - BIBLU WIWE LỌ 1923

² Flin agùn towe, he hiẹ ko họ̀ to hóhó whenu; Ehe hiẹ ko fli do basi whẹndo ogúyigba towe tọn; osé Ziọni tọn he, Ehe mẹ hiẹ nọnọ̀.

PSALM 74:2 Iomraidhean Croise

PSALM 106:40

Enẹwutu wẹ homẹgble OKLUNỌ tọn kẹ̀un do omẹ etọn lẹ ji; Bọ é gbẹwanna mẹdodugu etọn lẹ.

PSALM 135:4

Na OKLUNỌ lọ ko dè Jakobu hlan ede de, Podọ Islaeli na adọkun osòhẹ́ etọn.

PSALM 33:12

Donanọ wẹ akọta lọ, Jiwheyẹwhe mẹhetọn OKLUNỌ yín; Podọ gbẹtọ he é ṣinyan do basi ogú etọn titi.

PSALM 68:16

Mì osé tlóntlón emi, Etẹwutu wẹ mì to wunvọpón osé he Jiwheyẹwhe ko jlo na aisintẹn etọn? Nugbo, OKLUNỌ na nọnó finẹ kakadoi.

PSALM 77:15

Hiẹ yí awà towe do fli gbẹtọ towe lẹ, Visunnu Jakobu tọn po Josẹfu ton lẹ po. Selah

PSALM 9:11

Mì jihàn do pa OKLUNỌ he sinai to Ziọni: Mì la azọ́n etọn to gbẹtọ lẹ mẹ.

PSALM 9:12

Na ewọ he to dòdinna owhọ̀ ohùn tọn, E flin yé, é ma sọ wọnji awhá nukunbianọ lẹ tọn go gba.

PSALM 94:14

Na OKLUNỌ ma na tùn omẹ etọn lẹ hlan gba, Mọ é ma na gbẹ́ mẹdodugu etọn lẹ dai.

Eksọdusi 15:13

Hiẹ to dagbewanyi towe me ko hiali gbẹtọ he hiẹ ko fhinlẹ: Hiẹ ko gọkọna yé to huhlọn towe mẹ hlan fininọ̀ wiwé towe.

Eksọdusi 15:16

Avòsisá po obú po jẹ́ yé ji; Gbọn kiklo awà towe tọn dali yé site gù di zannu de; Kaka omẹ towe lẹ do juwáyì, OKLUNỌ E, Kaka omẹ he hiẹ ko họ̀ lẹ do juwáyì.

ISAIA 51:11

Enẹwutu omẹfligọ OKLUNỌ tọn lẹ na lẹ́gọ́, bo sọ wá Ziọni po ohàn po; ayajẹ madopodo na sọ tin to ota yetọn: yé na mọ omẹhùnhùn po ayajijẹ po yí; nukunbia po awubla po na sọ hòn yí.

ISAIA 62:12

Yè na sọ nọ ylọ yé, dọ, Omẹ Wiwe, Omẹ fligọ OKLUNỌ tọn: yè na sọ ylọ we dọ, Mẹdinmọ, otò magbẹ́dai.

ISAIA 62:6

Yẹn ko dè nuhọ́tọ lẹ do odòkọ towe ji, hiẹ Jelusalẹm, he ma na do onù yetọn abọẹ gbèdegbède to okle kavi to ozán mẹ: mì he to oflin OKLUNỌ tọn basi lẹ, mì do onù abọẹ blo.

ISAIA 63:17

OKLUNỌ, etẹwutu wẹ hiẹ hẹn mí buali sọn aliho towe ji, bo sọ hẹn ayiha mítọn sinyẹn sọn osi towe mẹ? Lẹ́gọ̀ na devi towe lẹ tọn wutu, hẹnnumẹ guigba towe tọn lẹ.

ISAIA 63:9

To nukunbibia yetọn lẹpo mẹ, yè bianukun nẹ̃, angẹli nukọn etọn tọn sọ whlẹn yé: to owanyi etọn mẹ podọ to lẹblanu etọn mẹ ewọ ko fli yé gọ́: é zé yé, bo sọ hẹn yé to azán hóhó whenu tọn lẹpo mẹ.

JẸLEMIA 10:16

Mimá Jakob tọn ma tin taidi ehelẹ gba: na ewọ wẹ didotọ onú lẹpo tọn; podọ Islaeli wẹ whẹ̀ndo ogúdu etọn tọn: OKLUNỌ awhànpa lẹ tọn wẹ oyín etọn.

JẸLEMIA 51:19

Mimá Jakob tọn ma tin taidi ehelẹ gba; na ewọ wẹ nukọntọ onú lepo tọn; podọ Islaeli wẹ whẹ̀ndo ogú etọn tọn: OKLUNỌ awhanpa lẹ tọn wẹ oyín etọn.

OWALỌ APỌSTELI LẸ TỌN 20:28

Enẹwutu mì payi mìde go, po apó he Gbigbọ Wiwe yí mì do basi nugopọntọ na lẹpo po, nado nọ yìn agùn Jiwheyẹwhe tọn, he é yí ohùn ede ton do họ́.

Deutelonomi 32:9

Na mimá OKLUNỌ lọ tọn wẹ gbẹtọ etọn lọ; Jakob wẹ mimá ogú etọn tọn.

Deutelonomi 4:20

Ẹligba OKLUNỌ lọ ko dè mìlẹ, bo hẹn mì jẹgbonu sọn ozòhi ogànyu lọ tọn mẹ wá, sọn Egipti mẹ, nado tin hlan ẹn akọta ogú tọn de, dile e te to egbé he.

Deutelonomi 9:26

Yẹn bo sọ hodè hlan OKLUNỌ lọ, bo dọmọ OKLUNỌ E Jiwheyẹwhe, a và omẹ towe lẹ podọ ogú towe blo, he hiẹ ko fli gbọn kiklo towe mẹ, he hiẹ ko hẹn jẹgbonu sọn Egipti mẹ wá po alọ hlọnhlọnnọ de po.

Deutelonomi 9:29

Gãnṣo omẹ towe lẹ wẹ yé podọ ogú towe he hiẹ hẹn jẹgbonu wá, gbọn huhlọn daho towe dali podọ gbọn awà dindlẹn jẹgbonu towe dali.

TITU 2:14

mẹhe jo ede na mí wutu, na é nido fli mí sọn ylando lẹpo mẹ, bo sọ dó kló mí wé zùn omẹvò hlan ede, vivẹnudotọ azọ́n dagbe lẹ tọn.

OSỌHIA 5:9

Yé sọ jihan yọ́yọ̀ de, dọ, Hiẹ wẹ jẹ nado yí owé lọ, podọ nado hùn hiadonu etọn: na yè ko hù we; hiẹ ko sọ yí ohùn towe do fli mi hlan Jiwheyẹwhe sọn akọta lẹpo mẹ, sọn ogbè lẹpo mẹ, sọn gbẹtọ lẹpo mẹ, podọ sọn aigba lẹpo ji;