PSALM 72:3 - BIBLU WIWE LỌ 1923

³ Osó daho lẹ na hẹn jijọho wá na gbẹtọ lẹ, Podọ okọta pẹvipẹvi lọ, gbọn dódó dali.

PSALM 72:3 Iomraidhean Croise

PSALM 65:12

Yé to kùnkùn do ogbémú zùngbomẹ tọn lẹ ji: Osó pẹvipẹvi lẹ sọ yí ayajijẹ do blagbaja na yéde.

PSALM 72:16

Gbadó susugege na tin finẹ to osé lẹ ji; Sinsẹ́n etọn nasọ to mùmù di Lẹbanọni: Omẹ otòdaho mẹ tọn lẹ nasọ to vùnvùn di ogbé to aigba.

ISAIA 45:8

Mì kùn do aigba, sọn aga, mì olọn lẹ, sọ gbọ̀ jiwhé ni kọ̀n dódó doai: gbọ́ aigba ni kẹ̀, bo hẹn whlẹngan jẹgbonu, gbọ̀ dódó ni tọ́nkun hẹ ẹ dopọ; yẹn OKLUNỌ wẹ da ẹ.

ISAIA 52:7

Na afọ ewọ he hẹn wẹndagbe wá tọn yín whànpẹnọ to osó ji do le, he to owẹ́n jijọho tọn dọ, he to wẹndagbe nudagbe tọn hẹn wá, he to whlẹngán tọn dọ; he dọ hlan Ziọni dọ, Jiwheyẹwhe towe duahọlu.

ISAIA 60:17

To otẹn gànvẹ tọn mẹ yẹn na hẹn sika wá, to otẹn ogànyú tọn mẹ, yẹn na hẹn fataka wá, to otẹn atin tọn mẹ, ogànvẹ̃, to otẹn osé tọn mẹ, ogànyú: yẹn na basi ogán towe lẹ na jijọho, podọ azọ́ngán towe lẹ na dódó.

DANIẸLI 9:24

Osẹ́ kandegbàn wẹ yè dogbèaina to omẹ towe lẹ ji podọ to tòdaho towe ji, nado glọn osénmẹjẹ lọ, podọ nado hẹn ylando lẹ jẹ opòdo de, podọ nado klọ oylanwà lọ sẹ̀, podọ nado hẹn dódó madopodo lọ wá homẹ, podọ nado yí hiadonu do tlẹ́ númimọ po yẹwhegán po, podọ nado samisisána otẹn wiwe petepete de.

JOẸLI 3:18

E na sọ wá jọ to azán nẹ mẹ, wẹ osó lẹ na to ovẹ̃n vivi kùn dai, podọ okọta lẹ na sọ yí oyìnnọ́ do to sisa, podọ tòpẹsẹ Juda tọn lẹpo na sọ yí osìn lẹ do to sisa; podọ tọ̀sisa de na sọ jẹgbonu sọn ohọ̀ OKLUNỌ tọn mẹ wá, bo na sọ húsìnna agbàdo Ṣitimi tọn.