PSALM 72:2 - BIBLU WIWE LỌ 1923

² Ewọ na yí dódó towe do dawhẹ́na omẹ towe lẹ, Bo sọ yí nugbo do dawhẹ́na oyanọ towe lẹ.

PSALM 72:2 Iomraidhean Croise

2 SAMUẸLI 23:3

Jiwheyẹwhe; Islaeli tọn dọmọ, Osé Islaeli tọn lọ dọhó hlan mi: Mẹdopo he yí dódó do dùahọlu to gbẹtọ lẹ ji, He dùahọlu to osi Jiwheyẹwhe tọn mẹ,

1 AHỌLU LẸ 10:9

Donanọ OKLUNỌ Jiwheyẹwhe towe yín, he hùnhomẹ to hiẹ mẹ, nado zé we do ofìn Islaeli tọn ji: na OKLUNỌ yiwanna Islaeli kakadoi wutu, enẹwutu wẹ é do hẹn we zùn ahọlu, nado basi whẹ̀dida po odódó po.

1 AHỌLU LẸ 3:28

Islaeli lẹpo sọ sè linlin whẹ̀dida he ahọlu ko do dawhé tọn; yé sọ to budisi ahọlu: na yé mọ dọ nuyọnẹn Jiwheyẹwhe tọn tin to ohò etọn mẹ, nado basi whẹ̀dida.

1 OTÀNNUGBO LẸ 29:19

bo na ayiha pipé de hlan Sọlọmọni visunnu ṣie, nado nọ yìn gbèdide towe lẹ, asẹdai towe lẹ, po osẹ́ndoai towe lẹ po, podọ nado nọ wà onú he lẹpo podọ nado dó ohònmẹ lọ, ehe yẹn ko basi awu wle na lọ.

OWÈ JOB TỌN. 34:19

He ma hò nukunta ahọvi lẹ tọn pọ́n, Mọ bo ma sọ dèunjọ adọkunnọ húgan wamọnọ? Na azọ́n alọ etọn lẹ tọn wẹ yé mẹpó.

PSALM 12:5

Na gbigbàdo oyanọ lẹ tọn, na winwẹn agbátọnọ lẹ tọn wutu, OKLUNỌ dọmọ, Lò wẹ yẹn na tite; Yẹn na dè e do gingán tẹnmẹ mẹhe ji yé to kikla do.

HÓWHÍNWHÉN LẸ 29:14

Ahọlu he yí nugbo do dawhẹ̀ wamọnọ tọn, Yè na yí ofìn etọn hẹn ai kakadoi.

ISAIA 32:1

DAYI e go, ahọlu de na dù to dódó mẹ, ahọvi lẹ na dùgán to whẹ̀dida mẹ.

ISAIA 32:17

Azọ́n dódó tọn na zùn jijọho; alọnuzọ́n dódó tọn na sọ zùn gbọjẹ po bẹtẹn po kakadoi.

ISAIA 9:7

Ahọludu etọn po jijọho po ma na ponù, to ofìn Davidi tọn ji, podọ to ahọludu etọn ji, nado nọ pọ́n e go, podọ nado sọ yonu etọn hẹnai, gbọn whẹ̀dida dali; podọ gbọn dódó dali, sọn dinvie, yèdọ kakadoi. Vivẹnu OKLUNỌ awhànpa lẹ tọn tọn na basi ehe.

JẸLEMIA 33:15

To azán nẹlẹ mẹ, podọ to ojlẹ nẹ mẹ, wẹ yẹn na hẹn Alà dódó tọn de nado whén daga hlan Davidi; ewọ na sọ hẹn whẹ̀dida po dódój? o sẹ to aigba lọ mẹ.

EZEKIELI 34:16

Yẹn bo na sọ din enẹ he yè hẹn bú yì, bo sọ vó enẹ he yè yàn yì hẹnwá, bo na sọ bla enẹ he yè wén, bo sọ nahuhlọn enẹ he yín awutuzònnọ: ojónọ po huhlọnnọ lẹ po wẹ yẹn na súdo; yẹn na yìn yé to whẹ̀dida mẹ.

OSỌHIA 19:11

Yẹn sọ mọ olọn hùn do nùvò, pọ́n osọ́ wéwe de: mẹhe hé e ji wẹ yè nọ ylọ Nugbonọ, Dódónọ, dódó mẹ wẹ é sọ to whẹ̀da te, bo sọ to awhànfùn te.