4 Yé he to dindin we lẹpo ni jaya, homẹ yetọn ni sọ hùn to hiẹ mẹ: Bo gbọ yé he yiwanna whlẹngan towe lẹ ni nọ dọ to whepoponu, dọ, OKLUNỌ ni yín zizedaga.
Gbọ yé ni yí ayajijẹ do jihàn, na homẹ yetọn ni sọ vivi, yé he do homẹhùn to dódó ṣie mẹ lẹ; Nugbo, gbọ yé ni to didọ kaka, dọmọ, OKLUNỌ wẹ yè ni nọ zedaga, He do homẹhùnhùn to jijọho devi etọn tọn mẹ
Ṣigba gbọ yé he din fibẹ̀tado to hiẹ mẹ lẹpo ni jaya: Tẹgbẹ̃ wẹ yé ni nọ yí ayajijẹ do jihàn, na hiẹ to alọ ṣinyọn yé ji wutu: Gbọ yé he yiwanna oyín towe lẹ ni awagundo to hiẹ mẹ.
Yẹn na jaya susu to OKLUNỌ mẹ, gbigbọ ṣie na sọ yín ayajẹtọ to Jiwheyẹwhe ṣie mẹ; na é ko yí awù whlẹngán tọn do na mi, é ko yí avọ̀ dódó tọn ṣinyọnna mi, dile asisunọ nọ yí aṣọvọ̀ do doasọna ede, podọ dile asiyọ́yọ́ nọ yi aṣọdonu etọn do doasọna ede do.
Nugbo, nugbo, wẹ yen dọ hlan mì, dọ, Mì na viavi bo sọ doavigbè, ṣigba aihọn na to ayajẹ; mì na yín awublanọ, ṣigba yè na hen awubla mìton zùn ayajijẹ.