PSALM 7:9 - BIBLU WIWE LỌ 1923

⁹ Gbọ oylan mẹylankan lẹ tọn ni pònu, ṣigba hẹn dódónọ lódo: Na Jiwheyẹwhe dódónọ to ayiha po hòmẹ po whlepón.

PSALM 7:9 Iomraidhean Croise

Gẹnẹsisi 20:5

Ewọ lọsu ma wẹ dọ hlan mi dọ, Nọviyọnnu ṣie wẹ ewọ? bọ ewọ, yèdọ yọnnu lọsu sọ dọmọ, Nọvisunnu ṣie sọ wẹ ewọ: to wàlọpipé homẹ ṣie tọn mẹ po homẹvó alọ ṣie tọn po mẹ, wẹ yẹn wà ehe.

1 AHỌLU LẸ 8:32

Whenẹnu hiẹ ni sè to olọn mẹ, bo wà, bo dawhẹna mẹmẹsi towe lẹ, gbigblewhẹ̀do mẹylankan lọ, nado hẹn aliho etọn wá ota etọn titi ji; po whẹsùsùna dódónọ lọ po, nado na ẹn kẹdẹdi dódó etọn

1 OTÀNNUGBO LẸ 28:9

Podọ hiẹ, Sọlọmọni visunnu ṣie, hiẹ ni yón Jiwheyẹwhe otọ́ towe tọn, bo nọ yí ayiha pipé dé do sẹ́n ẹn po otù jijlọ tọn de po: na OKLUNỌ to ayiha lẹpo mẹ dinpón, bo sọ tùnwun aṣàvà linlẹn tọn lẹ; eyín hiẹ din in, yè na mọ ẹn sọn de we: ṣigba eyín hiẹ gbẹ́ ẹ dai, é na dlan we hlan doidoi.

PSALM 10:15

Wén awà mẹylankan tọn, podọ na sunnu ylanylan nẹ tọn: Hiẹ ni zin jijọ kanyinylan etọn, kaka hiẹ ma na do mọ núde ba.

PSALM 10:18

Nado dawhẹ́ tọ́ṣiọvi po mẹhe awú to sinsinyẹn tọn po, Na sunnu aihọn tọn ma na do hẹnmẹ sisọ ba.

PSALM 11:5

OKLUNỌ to dódónọ lẹ whlepọ́n: Ṣigba mẹylankan po omẹ he yiwanna adingbàndido po ayiha etọn gbẹwanna.

PSALM 139:1

OKLUNỌ È, hiẹ ko dindòna mi, bo sọ yón mi.

PSALM 17:3

Hiẹ ko whlé ayiha ṣie pọ́n; hiẹ ko dla mi pọ́n to ozán mẹ; Hiẹ dindòna mi, hiẹ ma sọ mọ núde; Yẹn ko lẹndai dọ onù ṣie ma na wàylan.

PSALM 18:21

Na yẹn ko to ayipado ali OKLUNỌ tọn go; yẹn ma sọ yí òylan do klán sọn Jiwheyẹwhe ṣie de.

PSALM 26:2

Dindòna mi, OKLUNỌ È, na a ni mọdòna mi; Whle homẹ ṣie po ayiha ṣie po pọ́n.

PSALM 35:23

Zé dewe do aga, bo sọ fọ́n jẹ whẹ̀dida ṣie kọ̀n, Podọ do whẹgbè ṣie kọ̀n, Jiwheyẹwhe ṣie E, OKLUNỌ ṣie.

PSALM 37:23

Yè hẹn afọli sunnu de tọn lódo sọn OKLUNỌ de: E sọ basi homẹvivi do ali etọn go.

PSALM 40:2

É hẹn mi jẹage sọn odò vivà tọn, mẹ, sọn ogbòn mẹ; E yí afọ ṣie do awinyan ji; bo sọ hẹn zọnlin ṣie lódo.

PSALM 43:1

DAWHÈ ṣie, Jiwheyẹwhe È, bo sọ yí owhẹ̀ ṣie dọ to akọta madolẹblanunọ go: Whlẹn mi sọn dawe mẹklọtọ mawànugbonọ lọ si.

PSALM 44:21

Be Jiwheyẹwhe ma na din ehe mọ E yón onú bibè ayiha tọn.

PSALM 58:6

Sún adú yetọn, Jiwheyẹwhe E, to onù yetọn mẹ: Sún adúsó kinnikinni ovu lẹ tọn, OKLUNỌ È.

PSALM 9:9

OKLUNỌ na yín atòhò he yìaga na mẹhe awú to sinsinyẹn lẹ, Atọ̀hò he yìaga to nukunbibia whenu.

PSALM 96:10

Mì dọ tò kosi lẹ ṣẹnsẹn, dọ, OKLUNỌ du ahọlu: Yè sọ hẹn aihọn lódo ga bọ yè ma nado sọgan sẹtẹnna ẹn: Ewọ na yí dódó do dawhẹ́na gbẹtọ lẹ.

PSALM 96:13

Tò OKLUNỌ nukọn na é wá, E ja nado dawhẹ̀na aigba É na yí dódó do dawhẹ́na aihọn, Bo yí nugbo etọn do dawhẹ́na gbẹtọ lẹ.

PSALM 98:9

To OKLUNỌ nukọn; na é ja nado dawhẹ́ aigba tọn: Dódó é na do dawhẹ́ aihọn tọn, Bo yí kunnumahu do dawhẹ́na gbẹtọ lẹ.

JẸLEMIA 11:20

Ṣigba, OKLUNỌ awhànpa lẹ tọn, he nọ yí dódó do dawhè, he nọ whle otù po ayiha po pon, gbọ yen ni mọ ahosúyí towe to ye ji: na hiẹ we yen do ọwhẹhó ṣie hia hlan.

JẸLEMIA 17:10

Yẹn OKLUNỌ nọ din ayiha mẹ pọn, yẹn nọ whle homẹ pon, yèdọ nado na omẹ dopodopo kẹdedi aliho etọn lẹ, kẹdedi sinsẹn wiwà etọn le tọn.

JẸLEMIA 20:12

Ṣigba OKLUNỌ awhànpa lẹ tọn E, he nọ whló dódónọ lẹ pọ́n, he mọ otu po ayiha po, gbọ yẹn ni mọ ahọsu towe to yé go; na hiẹ wẹ yẹn ko do whẹ́hó ṣie hia hlan.

DANIẸLI 11:45

Ewọ bo na sọ do ogohọ̀ ohọ̀nmẹ etọn tọn lẹ to ohù lẹ ṣẹnṣẹn to osé wiwe gigonọ lọ ji; gãnṣo ewọ na wà je opòdó etọn, bọ mẹde ma na sọ gọalọna ẹn gba.

OWALỌ APỌSTELI LẸ TỌN 12:23

To tendoponẹmẹ angẹli Oklunọ ton de linu in, na é ma na gigo Jiwheyẹwhe wutu: é jiwé, bo sọ kú.

LOMUNU LẸ 16:25

Hlan ewọ he sọgan hẹn mì lódo kedẹdi wẹndagbe ṣie, po yẹwhehodidọ Jesu Klisti tọn po, kẹdẹdi osọhia nudabla tọn, he whlá sọn whenu aihọn ko jọ gbọn,

1 TẸSALONIKANU LE 3:13

Na é nido hẹn ayiha mìtọn lódo to whẹmagbledo mẹ to owalọ wiwe mẹ to Jiwheyẹwhe nukọn, yèdo Otọ́ míton, to gigòwá Jesu Klisti Oklunọ mítọn tọn whenu po mẹwiwe etọn lepo po.

1 PITA 5:10

Ṣigba Jiwheyẹwhe ojọmiọn lẹpo tọn, mẹhe ylọ mí do gigo etọn madopodo mẹ gbọn Klisti Jesu dali, whenuena mì jiya to whenu vude, ni basi mì sọgbè, ni hẹn mì lódo, bo na huhlọn mì, bo sọ dintẹnna mì.

JUDA 1:1

JUDA, afànumẹ Jesu Klisti tọn, nọvisunnu Jakobu tọn, hlan yé he yè ylọ lẹ; mẹyiwanna to Jiwheyẹwhe Otọ́ mẹ, he yè sọ whlá to Jesu Klisti mẹ:

OSỌHIA 2:23

Yẹn nasọ yí okú do hù ovi etọn lẹ; agùn lẹpo nasọ yọnẹn dọ, yẹn we èwọ he nọ dla homẹ po ayiha po pọ́n: yẹn nasọ na hlan dopodopo mìtọn dile azọ́n mìtọn te.

1 SAMUẸLI 16:7

Ṣigba OKLUNỌ dọ hlan Samuẹli dọ, A pọ́n nukunta etọn ji blo, kavi agayìyì ote etọn tọn; na yẹn ko gbẹ́ ẹ dai wutu: na OKLUNỌ ma nọ mọnú dile gbẹtọ mọ do gba; na gbẹtọ nọ to awusọhia gbonu go tọn dali pọ́n ṣigba ayiha pọ́n wẹ OKLUNỌ te.

1 SAMUẸLI 2:9

E na hẹn afọ omẹ wiwe etọn lẹ tọn dote, Ṣigba mẹylankan lẹ wẹ yè na hẹn nọ abọẹ to zinvlu mẹ; Na omẹ de ma na gbọn huhlọn dali glonú gba.