PSALM 69:13 - BIBLU WIWE LỌ 1923

¹³ Ṣigba eyín yẹn tọn wẹ, odẹ́ se tin hlan de we, OKLUNỌ E, to alọkẹyi whenu: Jiwheyẹwhe E, to lẹblanu towe susu mẹ Siọ mi to nugbo whlẹngan towe tọn mẹ.

PSALM 69:13 Iomraidhean Croise

Gẹnẹsisi 24:27

E sọ dọmọ, Donanọ wẹ OKLUNỌ Jiwheyẹwhe Ablaham klunọ síe tọn, he ma gbọ̀ dagbewanyi etọn po nugbo etọn po hlan klunọ ṣie dali: na yẹn tọn wẹ, OKLUNỌ ko do mi to aliho ji hlan owhé mẹmẹsunnu klunọ ṣie lọ tọn gbè.

ẸSTELI 5:2

É sọ wá yín mọ, whenuena ahọlu lọ mọ Esteli ahọsi tote to awá lọ mẹ, wẹ ewọ mọ nukundagbe to nukun etọn mẹ: ahọlu sọ dlẹn ogánpò sikanọ he tin to alọ etọn mẹ lọ hlan Esteli. Mọwe Esteli dọ̀n sẹpọ́, bo sọalọ obẹ́nù ogánpò lọ tọn.

ẸSTELI 5:6

Ahọlu sọ dọ hlan Esteli to ojohémẹ ovẹ̃n tọn lọ kọ̀n, dọ, Etẹwẹ okanbiọ towe? Yè na sọ yína we: etẹ́ sọ wẹ obiọ towe? yèdọ jẹ odá ahọludu lọ tọn é na yín yíyiwà.

ẸSTELI 7:2

Ahọlu sọ vò dọ hlan Esteli to azán awetọ gbè to ojohẹ́mẹ ovẹ̃n lọ tọn kọ̀n dọ, Etẹwẹ okanbiọ towe, Esteli ahọsi? yè na sọ yína we: podọ etẹ́ wẹ obiọ towe? yèdọ jẹ odá ahọludu lọ tọn yè na sọ yíwà.

PSALM 32:6

Ehe wutu wẹ mẹdepope he yín ayihawiwenọ na nọ hodè hlan we to whenuena yè sọgan din, we mọ: Nugbò to otè gigọ́ osìn daho lẹ tọn mẹ, yé ma na sẹpọ́ ẹ.

PSALM 51:1

JIWHEYẸWHE È, wàlẹblanuna mi, kẹdẹdi dagbewanyi towe: Kẹdẹdi lẹblanu bibọ towe susu tọn, gbidi tasinẹn ṣie sè.

PSALM 91:15

Ewọ na dawhá ylọ mi, yẹn nasọ siọ ọ: Yẹn na tin po e po to tukla mẹ; Yẹn na whlẹn en bo sọ gbògbé nẹ.

PSALM 98:3

É ko flin dagbewanyi etọn po nugbo etọn po hlan owhé Islaeli tọn: Aigba pòdo lẹpo ko mọ whlẹngan Jiwheyẹwhe mítọn tọn

ISAIA 49:8

Le wẹ OKLUNỌ dọ, To alọkẹyi whenu, wẹ yẹn ko sè towe, podọ to azán whlẹngán tọn gbè, yẹn ko gọalọna we: yẹn na yi we whla, bo sọ yí we na alẹnu gbẹtọ lẹ tọn de, nado hẹn aihọn dote, nado basi, nado hẹn yé dùgu aigba he jẹvọ́ lẹ tọn.

ISAIA 55:6

Mì din OKLUNỌ, whenu yè sọgan mọ ẹn do, mì ylọ ẹ, whenuena é tin to yakẹ.

AVIGBÈ JẸLEMIA TỌN 3:63

Dayi aisinsin yetọn go, po fìnfon tite yetọn po; Yẹn wẹ ohàn yetọn.

MIKA 7:20

Hiẹ na na nugbowà towe jẹ Jakob de, podọ lẹblanu jẹ Ablaham de, he hiẹ ko whle hlan otọ́ mítọn lẹ sọn azán hóhó tọn lẹ mẹ.

LUKU 1:72

Nado do lẹblanu hia hlan otọ́ mìtọn lẹ dali, Nado flin alènu wiwe etọn;

LUKU 22:44

Tintin to oyankọ me, é hodè vivẹvivẹ: oden etọn sọ taidi kùnkùn daho ohùn tọn, é to kùnkùn do aigba.

2 KỌLINTINU LẸ 6:2

(Na é dọmọ, Yẹn ko sehó towe to ojlẹ he yè kẹalọyi ton de mẹ, To azán whlẹngan tọn gbè wẹ yẹn ko gọalọna we dayi e go, dinvie wẹ ojlẹ he yè kẹaloyi lọ: dayi e go, dinvie wẹ azán whlẹngan tọn.)

HEBLU LẸ 5:7

Mẹhe to azán agbasalan etọn tọn le mẹ, whenuena é yí awha lélé po dasìn po do hodè, bo sọ vẹvẹ hlan mẹhe sogan whlẹn ẹn sọn okú mẹ, yè sọ sè etọn na obu di i wutu;

1 PITA 2:23

omẹ, whenuena yè to vivlẹ ẹ, é ma Vlẹ omẹ; whenuena é sọ jiya, é ma wàdán; ṣigba bo jo ede hlan ewọ he nọ yí dódo do dawhè:

1 SAMUẸLI 25:8

Kanbiọ yọ̀pọ sunnu towe lẹ, yé na dọ na we: enẹwutu gbọ yọ̀pọ sunnu lẹ ni mọ nukundagbe to nukun towe lẹ mẹ; na míwlẹ wá to azán dagbe he mẹ; yẹn vẹ́ we, na onú he wá alọ towe mẹ depope, hlan devi towe lẹ, podọ hlan visunnu towe Davidi.