PSALM 67:7 - BIBLU WIWE LỌ 1923

⁷ Jiwheyẹwhe na dona mí; Aigba opòdo lẹpo nasọ nọ si i.

PSALM 67:7 Iomraidhean Croise

PSALM 22:27

Aihọn pòdo lẹpo na flin, yé nasọ lẹ́gọ̀ wá sù OKLUNỌ: Hẹnnu akọta lẹ tọn lẹpo nasọ litai to nukọn towe.

PSALM 29:11

OKLUNỌ na yí huhlọn na omẹ etọn lẹ; OKLUNỌ nasọ yí jijọho do dona omẹ etọn lẹ.

PSALM 33:8

Na aihọn lẹpo ni dibusi OKLUNỌ: Na okẹ́mẹnu lẹpo ni tin to obu mẹ nẹ̃.

PSALM 65:5

Gbon onú dobu he to dódó mẹ lẹ dali wẹ hiẹ na siọ mí, Jiwheyẹwhe whlẹngan mítọn tọn È; mẹhe yín tudido pòdo aihọn po ohù lẹpo po tọn, To aganu boboe.

PSALM 72:17

Oyín etọn na tin kakadoi: Oyín etọn na nọte dẹn kaka di owhè: Yè na nọ dona gbẹtọ to ewọ mẹ; Akọta lẹpo na nọ ylọ ẹ jijọhonọ.

PSALM 98:3

É ko flin dagbewanyi etọn po nugbo etọn po hlan owhé Islaeli tọn: Aigba pòdo lẹpo ko mọ whlẹngan Jiwheyẹwhe mítọn tọn

ISAIA 30:23

Whenẹnu wẹ é na na jikun nọkún towe tọn bọ hiẹ na do pọ̀ ogle etọn, po núdùdù jideji aigba tọn po; e na tindo ojo bo sọ sù: to azán lọ gbè wẹ kanlin towe lẹ na to dùdù to odàn fáfá ji.

ISAIA 43:6

Yẹn na dọ hlan agéwaji dọmọ, Kọ̀n dai, podọ hlan hùwaji dọ a hẹn dote blo: hẹn ovi sunnu ṣie lẹ son aganu, podọ ovi yọnnu ṣie lẹ sọn podo aigba tọn.

ISAIA 45:22

Mì pannukọn mi, na yè ni whlẹn mì, mì pòdo aigba tọn lẹpo: na yẹn wẹ Jiwheyẹwhe, mẹdevo ma tin.

ISAIA 52:10

OKLUNỌ ko do awà wiwe etọn hia to nukọn akọta lẹpo tọn; aihọn lẹpo na sọ mọ whlẹngán Jiwheyẹwhe mitọn tọn.

Levitiku 26:4

whenẹnu yẹn na na ojikun mìtọn lẹ to osã yetọn mẹ, aigba lọ nasọ na ojideji etọn, atin oglè mẹ tọn lẹ nasọ na ṣinṣán yetọn.

MIKA 5:4

Ewọ bo na sọ ṣite, bo na yìn lẹngbọpa etọn lẹ to huhlọn OKLUNỌ tọn mẹ, to gigodaho oyín OKLUNỌ Jiwheyẹwhe etọn tọn lọ tọn mẹ: yé na sọ nọnọ̀; na dinvie wẹ ewọ na yín kiklo jẹ opòdo aigba tọn lẹ.

ZEKALIA 8:12

Na okún jijọho tọn na tin finẹ; ovẹntin na jó osinsẹ́n etọn, podọ aigba lọ na sọ jó jideji etọn, podọ olọn lẹ na jó ahún yetọn; yẹn bo na sọ hẹn pipòtọ omẹ he lẹ tọn nado yí onú he lẹpo do dùgú.

ZEKALIA 9:10

Yẹn bo na sọ sán kẹkẹ sẹ̀ sọn Eflaimi mẹ, podọ osó lọ sọn Jelusalẹm mẹ, podọ ogába awhàn tọn na sọ yin sinsán sẹ́; ewọ bo na sọ dọhó jijọho hlan akọta lẹ: ahọluigba etọn bo na sọ tin sọn ohù mẹ jẹ ohù de, podọ sọn Otọ lọ mẹ jẹ opòdo aigba lọ tọn lẹ.

MALAKI 1:11

Na sọn zizẹtẹn owhè tọn yèdọ jẹ tejijẹ yì dopolọ tọn wẹ oyín ṣie na yín kiklo to Kosi lẹ ṣẹnṣẹn; podọ to otẹn lẹpo mẹ wẹ yè to nuyọnwan po avósánnú wiwe de po do to avọ́ nunina na te: na oyín ṣie na klo to Kosi lọ ṣẹnṣẹn, wẹ OKLUNỌ awhànpa lẹ tọn dọ.

MALAKI 4:2

Ṣigba hlan mì he dibusi oyín ṣie lẹ wẹ owhè dódó tọn na zẹ́ po azọnhẹngbọ po to awà etọn lẹ mẹ; mìwlẹ bo na sọ jẹgbonu yì, bo sọ to sàjlo di oyìnọ apó me tọn le.

OWALỌ APỌSTELI LẸ TỌN 13:26

Mẹho, mẹmẹsunnu emi, sọn ovi adò Ablaham tọn mẹ podọ omẹ depope to mì mẹ he dibusi Jiwheyẹwhe, mì wẹ yè do ohó whlẹngan he tọn hìlon

OWALỌ APỌSTELI LẸ TỌN 13:47

Na mọwẹ Oklunọ ko dọ hlan mí, dọ, Yẹn ko zé we dote nado yín hinhọ́n Kosi lẹ tọn, Na hiẹ nido tin na whlẹngan kaka jẹ opòdo aigba tọn.

OWALỌ APỌSTELI LẸ TỌN 2:28

Hiẹ ko hẹn aliho ogbè tọn zùn yinyọnẹn hlan mi; Hiẹ nasọ yí aya homẹhùnhùn towe tọn do gó mi.

GALATIANU LẸ 3:14

na dona Ablaham tọn nido wá Kosi le ji to Jesu Klisti me; na mí nido mọ opagbe Gbigbo tọn yi gbọn yise dali.

GALATIANU LẸ 3:9

Mọkẹdẹ we yé: he yín: yise tọn lẹ wẹ mẹhe yín donanọ hẹ Ablaham yisenọ.

OSỌHIA 15:4

Mẹnu wẹ ma na dibusi we, Oklunọ È, bo ma na pagigona oyín towe? na hiẹ dopokẹdẹ wẹ wiwe; na akọta lẹpo wẹ na wá bo litai to nukọn towe; na yè ko do whẹ̀dida towe lẹ hia.