PSALM 67:6 - BIBLU WIWE LỌ 1923

⁶ Whenẹnu wẹ aigba na hẹn jideji etọn wá; Jiwheyẹwhe, yèdọ Jiwheyẹwhe mítọn lọsu, na dona mí.

PSALM 67:6 Iomraidhean Croise

Gẹnẹsisi 17:7

Yẹn nasọ hẹn alẹ̀nu ṣie lódo to yẹn po hiẹ po ṣẹnṣẹn, po okún towe po to godo towe to whẹndo yetọn mẹ, na alènu madopòdo de, nado yín Jiwheyẹwhe de hlan we podọ hlan okún towe lẹ to godo towe.

PSALM 48:14

Na Jiwheyẹwhe he wẹ Jiwheyẹwhe mítọn kakadoi: Ewọ wẹ na yín alihiamẹtọ mítọn yèdọ kaka jẹ okú.

Eksọdusi 3:15

Jiwheyẹwhe dọ humọ hlan Moṣe, Le wẹ hiẹ na dọ hlan ovi Islaeli tọn lẹ, OKLUNỌ Jiwheyẹwhe otọ́ mítọn lẹ tọn, Jiwheyẹwhe Ablaham tọn, Jiwheyẹwhe Isaki tọn, podọ Jiwheyẹwhe Jakobu tọn, ko do mi hlan mì de: ehe wẹ oyín ṣie kakadoidoi ehe sọ wẹ oflin ṣie hlan whẹndo lẹpo.

ISAIA 1:19

Eyín mì jlo bo sọ sètonu, mì na dù dagbe aigba lo tọn.

JẸLEMIA 31:1

TO ojlẹ nẹ mẹ, wẹ OKLUNỌ dọ, wẹ yẹn na yín Jiwheyẹwhe whédo Islaeli tọn lẹpo ton, yéwlẹ na sọ yín omẹ ṣie lẹ.

JẸLEMIA 31:33

Ṣigba ehe wẹ alẹ̀nù he yẹn na basi hẹ owhó Islaeli tọn to azán nẹlẹ godo, wẹ OKLUNỌ dọ; Yẹn na yí osén ṣie do ohò yetọn mẹ dọn, podọ ayiha yetọn mẹ wẹ yẹn na wlan ẹn do; Yẹn na sọ yín Jiwheyẹwhe yetọn, yéwlẹ na sọ yín omẹ ṣie:

Levitiku 25:19

Aigba lọ nasọ nọ jó sinsen eton, mìwlẹ nasọ dù dùgóhò mìtọn, bo sọ nọ nò e me mahanu.

Levitiku 26:4

whenẹnu yẹn na na ojikun mìtọn lẹ to osã yetọn mẹ, aigba lọ nasọ na ojideji etọn, atin oglè mẹ tọn lẹ nasọ na ṣinṣán yetọn.