PSALM 57:1 - BIBLU WIWE LỌ 1923

¹ WÀLẸBLANUNA mi, Jiwheyẹwhe È, wàlẹblanuna mi: Na ayiha ṣie fibẹ̀tado din to hiẹ mẹ; Nugbo, oyẹ̀ awà towe tọn glọ wẹ yẹn na yí do basi fibẹ̀tado ṣie, Kaka hẹngble lọ nado juwayì.

PSALM 57:1 Iomraidhean Croise

PSALM 125:1

YÉ he dotódido to OKLUNỌ mẹ lẹ na tin di osé Ziọni tọn, He ma sọgan yín sisẹtẹnna, adavo é tin kakadoi.

PSALM 13:5

Ṣigba yẹn na dotudo dagbewanyi towe go; Ayiha ṣie na jaya to whlẹngan towe mẹ.

PSALM 142:1

YẸN yí ogbẹ̀ ṣie do dawhá hlan OKLUNỌ; Ogbè ṣie hlan OKLUNỌ wẹ yẹn yi do vẹ̀vẹ̀

PSALM 2:12

Yí nùdonùgo na Ovi lọ, é nika sadi, míwlẹ bo nasọ và to ali lọ ji, Whenuena homẹgble etọn fọ́ngu vude. Donanọ wẹ yé he din fibẹ̀tado to e mẹ lẹ.

PSALM 36:7

Jiwheyẹwhe E, na dagbewanyi towe yín nuhọakuẹ do le! Enẹwutu wẹ ovi gbẹtọ tọn lẹ na nọ din fibẹ̀tado to yẹtẹn awà towe tọn glọ.

PSALM 56:1

YÍN lẹblanunọ hlan mi, Jiwheyẹwhe É: na gbẹtọ jlo na zé mi mì; To avùnhihò mẹ é to awusinyẹnna mi to azán lẹpo gbè.

PSALM 58:1

BÉ míwlẹ to abọẹ mẹ to dódó dọ nugbo? Mì to whẹ̀da kunnumahu, mì ovi gbẹtọ tọn lẹ emi?

PSALM 59:1

JIWHEYẸWHE ṣie È, tutlu mi sọn kẹ̀ntọ ṣie lẹ si: Zé mi doaga sọn yé he fọ́n do oji e lẹ de.

PSALM 61:4

Yẹn na nọnọ̀ gohọ̀ towe mẹ kakadoi: yẹn na din fibẹ̀tado to bibẹ̀tẹn awà towe tọn mẹ. Selah.

PSALM 63:7

Na hiẹ wẹ yín alọgọ ṣie, Enẹwutu to yẹtẹn awà towe tọn glọ wẹ yẹn na nọ yí ayajijẹ do jihàn te.

PSALM 75:1

JIWHEYẸWHE È, hiẹ wẹ míwlẹ na opẹ́ hlan, Hiẹ wẹ míwlẹ na opẹ́: na oyín towe sẹpọ̀; Gbẹtọ to ohó azònjawu towe tọn dọ.

PSALM 9:10

Yé he yón oyín towe lẹ na dotudo ogo we: Na hiẹ, OKLUNỌ, ma gbẹ́ ye he din we lẹ dai gba.

PSALM 91:1

EWỌ he sinai to fìwhiwhlá Gigogán tọn mẹ Na nọnọ̀ oyẹ́ Ganhunupo tọn glọ.

PSALM 91:4

E na yí awà etọn lẹ ṣinyọn oji we, Podọ to awà etọn lẹ glọ wẹ hiẹ na nọ din fibẹ̀tado te: Nugbo etọn wẹ awọ́yínu de po gaglo po.

PSALM 91:9

Na hiẹ, OKLUNỌ È, wẹ fibẹ̀tado ṣie; Hiẹ ko yi Gigogán do basi fininò towe;

ISAIA 10:25

Ṣigba to whenu vude, homẹfiọ na vọ̀, po homẹgbigble ṣie po to dindọn yetọn mẹ.

ISAIA 26:20

Wá, omẹ ṣie emì, biọ abò towe mẹ, bo sú ohòn do dewe: whla dewe di to nukunwhiwhe pẹvide mẹ, kaka homẹgble lọna do jùwayì.

ISAIA 50:10

Mẹnu wẹ to mì mẹ he dibuna OKLUNỌ, he yí oghè devi etọn tọn sè, he to zọnlinzin to zinvlu mẹ, bo ma do hinhọn? Gbọ́ ni dotudo oyín OKLUNỌ tọn go, bo sọ zónmẹ Jiwheyẹwhe etọn.

MATIU 24:22

Adavo le yè ko sán azán nẹlẹ do oglì, mẹhe na sọgan lùn in tón de ma tin: ṣigba na mẹsìnyansinyan lẹ tọn wutu wẹ yè na sán azán nẹlẹ do ogli.

LUKU 13:34

Jelusalẹm, Jelusalẹm È, hiẹ he hù yewhegán lẹ, bo sọ dlẹn zannu do yé be yè dohlan we lẹ: whla nẹmu wẹ yẹn ko jlo na bé ovi tọwe lẹ plidopọ, dile koklosi nọ bẹ̀ ovi etọn lẹ pli do awà etọn glọ do, bọ mì ma sọ jlo!

JOHANU 16:20

Nugbo, nugbo, wẹ yen dọ hlan mì, dọ, Mì na viavi bo sọ doavigbè, ṣigba aihọn na to ayajẹ; mì na yín awublanọ, ṣigba yè na hen awubla mìton zùn ayajijẹ.

Deutelonomi 9:26

Yẹn bo sọ hodè hlan OKLUNỌ lọ, bo dọmọ OKLUNỌ E Jiwheyẹwhe, a và omẹ towe lẹ podọ ogú towe blo, he hiẹ ko fli gbọn kiklo towe mẹ, he hiẹ ko hẹn jẹgbonu sọn Egipti mẹ wá po alọ hlọnhlọnnọ de po.

OSỌHIA 21:4

Jiwheyẹwhe nasọ súnsún dasìn lepo sè sọn nukun yetọn mẹ; okú ma naso tin ba, kavi awúbla, kavi avi, mọ awufìesa ma na tinba: na onú tintan lẹ ko juwayì.

OSỌHIA 7:14

Yẹn sọ dọ hlan ẹn, dọ, Mẹdaho, hiẹ wẹ yọnẹn. E sọ dọ hlan mi, dọ, Ehelẹ wẹ yé he tọ́n SỌN nukunbibia daho mẹ, bo yàn aṣovò yetọn bo sọ hẹn yé zùn wewé to ohùn Lẹngbọvu lọ tọn mẹ.

LUTI 2:12

OKLUNỌ ni suahọ azọ́n towe, yè ni sọ na ale gigọ̀ de we sọn OKLUNỌ de, Jiwheyẹwhe Islaeli tọn, awàfún mẹhetọn glọ hiẹ yín hinhẹn wá nado yí fìbẹ̀tado te.

1 SAMUẸLI 22:1

ENẸWUTU Davidi fọ́nyì sọn finẹ, bo họ̀ngán hlan aigbaslo Adulami tọn dali: whenuena mẹmẹsunnu etọn lẹ po owhé otọ etọn tọn lẹpo po sè e, yé jẹte yì e de to finẹ.

1 SAMUẸLI 24:3

E sọ wá lẹngbọpó lẹ kòn to aliho ji, fie aigbaslo de te; Sauli sọ yì e mẹ nado bunúdo afọ etọn lọ. Dinvie Davidi po omẹ etọn lẹ po tin to abò adà homẹnukònnukón aigbaslo lọ tọn lẹ mẹ.

1 SAMUẸLI 24:4

Omẹ Davidi tọn lẹ sọ dọ hlan ẹn dọ, Dayi e go, azán he OKLUNỌ dọ hlan we, Dayi e go, yẹn na jó kẹ̀ntọ towe do alọ towe mọ, hiẹ na sọ wà hlan ẹn dile é na sọawuhia dagbe hlan we do. Whenẹnu wẹ Davidi tite abọẹ, bo sán tónuyínyẹn otewu Sauli tọn tọn.

1 SAMUẸLI 24:8

Davidi ga tite to godo, bo tón yì sọn aigbaslo lọ mẹ, bo dawhádọ hlan Sauli, dọmọ, Klunọ ṣie ahọlu Whenuena Sauli pọ́n godo etọn, Davidi dẹ́ po nukunmẹ etọn po hlan aigba, bo basi whékanbiọ.

1 SAMUẸLI 26:9

Davidi sọ dọ hlan Abisai dọ, A và ẹ blo: na mẹnu wẹ sọgan dè alọ etọn jẹgbonu do mẹyíamisisádodè OKLUNỌ tọn ji, bo yín matinwhẹ́yinylan?