PSALM 53:2 - BIBLU WIWE LỌ 1923

² Jiwheyẹwhe pọ́n odò sọn olọn dooví gbẹtọ tọn lẹ tamẹ, Nado mọ eyín mẹde tin bọ nuyọnẹn pé. Bọ é to Jiwheyẹwhe din.

PSALM 53:2 Iomraidhean Croise

1 OTÀNNUGBO LẸ 28:9

Podọ hiẹ, Sọlọmọni visunnu ṣie, hiẹ ni yón Jiwheyẹwhe otọ́ towe tọn, bo nọ yí ayiha pipé dé do sẹ́n ẹn po otù jijlọ tọn de po: na OKLUNỌ to ayiha lẹpo mẹ dinpón, bo sọ tùnwun aṣàvà linlẹn tọn lẹ; eyín hiẹ din in, yè na mọ ẹn sọn de we: ṣigba eyín hiẹ gbẹ́ ẹ dai, é na dlan we hlan doidoi.

2 OTÀNNUGBO LẸ 15:2

é sọ tón yì nado pé Asa, bo dọ hlan ẹn dọmọ, Asa, po Juda lẹpo po po Bẹnjamini po, mì Sè mi: OKLUNỌ tin to mì de, whenuena míwlẹ tin to ewọ de; podọ eyín mìwlẹ din in, é na yín mimọ sọn mì mẹ; ṣigba eyín mì gbẹ́ ẹ dai, ewọ na sọ gbẹ́ mì dai.

2 OTÀNNUGBO LẸ 19:3

Ṣogãn yè mọ onú dagbe lẹ to hiẹ mẹ, to ehe mẹ hiẹ bẹ́ Aseloti sẹ̀ sọn aigba lọ mẹ, bo ko sọ zé ayiha towe do nado to Jiwheyẹwhe din.

OWÈ JOB TỌN. 28:28

Podọ hlan gbẹtọ wẹ é dọmọ, Dayi e go, budisi OKLUNỌ tọn, enẹ wẹ nuyọnẹn; Podọ nado fọ́nyì sọn oylan mẹ wẹ wuntùntùn.

PSALM 10:4

Mẹylankan to sakla nukunmẹ etọn tọn, dọ, É ma to na kàn ẹn se: Linlẹn etọn lẹpo wẹ, Jiwheyẹwhe de ma tin.

PSALM 102:19

Na é ko pọ́n hlan odẹ̀ sọn aga fiwiwe etọn tọn mẹ wá; OKLUNỌ dekọ̀pọ́n aihọn sọn olọn mẹ;

PSALM 11:4

OKLUNỌ tin to tẹmpli wiwe etọn mẹ, Ofìn OKLUNỌ tọn tin to olọn mẹ: Nukun etọn to pinpọn, nukundama etọn to ovi gbẹtọ tọn lẹ whlepọ́n.

PSALM 111:10

Dodó nuyọnẹn tọn wẹ osí OKLUNỌ tọn: Omẹ he to osẹ́n etọn yin lẹ wẹ omẹ he tindo yinyọnẹn dagbe. Pipa etọn to ote kakadoi.

PSALM 27:8

Whenuena hiẹ dọmọ, Mì din nukun ṣie; ayiha ṣie dọ hlan we, Dọ, OKLUNỌ, nukun towe wẹ yẹn na nọ din.

ISAIA 55:6

Mì din OKLUNỌ, whenu yè sọgan mọ ẹn do, mì ylọ ẹ, whenuena é tin to yakẹ.

JẸLEMIA 16:17

Na nukun ṣie lẹ tin to aliho yetọn lẹpo ji: ye ma yín whiwhla sọn nukun ṣie mẹ gba, mọ oylanwà yetọn ma sọ yín núglọnú sọn nukun ṣie lẹ mẹ gba.

JẸLEMIA 23:24

Bé mẹde sọgan whlá ede to tẹnmẹ whiwhlá lẹ mẹ bọ yẹn ma na mọ ẹn? wẹ OKLUNỌ dọ. Bé yẹn ma gò olọn mẹ po aigba po? wẹ OKLUNỌ dọ.

Deutelonomi 4:6

Enẹwutu mì nọ payi bo sọ nọ basi yé; na ehe wẹ nuyọnẹn mìtọn po wuntuntun mìtọn po to nukun gbẹtọ lẹ lọ tọn mẹ, he na sè aṣẹdai helẹ pó, bo dọmọ, Nugbonugbo gbẹtọ núyọnẹntọ podọ wuntuntọ de wẹ akọta daho he.