PSALM 41:9 - BIBLU WIWE LỌ 1923

⁹ Nugbo, họ́ntọn ṣie lọsu titi, mehe go homẹ ṣie hùn do, he to dùdù to núdùdù ṣie mẹ, Zé afọgbẹn etọn daga do oji e.

PSALM 41:9 Iomraidhean Croise

2 SAMUẸLI 15:12

Absalọmi sọ domẹhlan na Ahitofẹli Gilọninu lọ, hónamẹtọ Davidi tọn, sọn tòdaho etọn mẹ, yèdọ sọn Gilohi, whenuena ewọ to avọ́sánnu lẹ na. Núbibla lọ tin huhlọn; na gbẹtọ lẹ to susudeji to Absalọmi de tẹ́gbẹ.

OWÈ JOB TỌN. 19:13

E ko hẹn mẹmẹsunnu ṣie lẹ dẹ̀n do mi, Yè sọ hẹn dọhẹtọ ṣie lẹ jagọ̀ sọn dè pete.

OWÈ JOB TỌN. 19:19

Omẹ tòhódọtọ ṣie lẹ tọn gbẹwanna mi: Yè sọ hẹn yé he yẹn yiwanna lẹ diọtasọ mi.

PSALM 101:3

Yẹn ma na yí onú ylanylan de do nukọn nukun ṣie tọn Yẹn gbẹwanna azọ́n omẹ he klán lẹ tọn; É ma na tẹ́ do ogo e gba.

JẸLEMIA 20:10

Na yẹn ko sè mẹdèpo mẹsusu ton, obudaho to awà lẹpo ji. Blẹ, mìwlẹ na sọ blẹ ẹ, wẹ họntọn vivé ṣie lẹpo dọ, yé he to sinsọn ṣie hó lẹ; eya ewọ na yín dido, míwlẹ na sọ glo e, mí na sọ yíahọsu mítọn to e go.

OBADIA 1:7

Omẹ alènùnù towe tọn lẹpo ko yàn we jẹgbonu, yèdọ jẹ agbó lọ ji: omẹ he tin to jijọho hẹ we lẹ ko klọ we, bo sọ glonú to oji we; akla towe yé hẹn zùn alán to oglọ towe; wuntùntùn de ma tin to e mẹ gba.

MIKA 7:5

Mì dotu to họntọn de mẹ blo, mì sọ yí tódido do whegbè họntọn de mẹ blo: bọ̀ ohọ̀n onù towe tọn lẹ do sọn ewọ he mlọnai to akọ́n towe mẹ dè.

MATIU 26:23

E sọ gblon bo dọmọ, Mẹhe do alọ etọn agbán mẹ hẹ mi, doponẹlọ wẹ na dè mi hia.

JOHANU 13:18

Yẹn mí dọ mì omẹ po ton gba; yẹn yón ome he yen dè lẹ; ṣigba na yè nido hẹn Owe wiwe di, Mẹhe to núdù hẹ mi ko zé afọgbẹn etọn daga do oji e.

Deutelonomi 32:15

Ṣigba Jẹsuluni lẹzún ojonọ, bo to whẹsó: Hiẹ tin lẹzùn ojonọ, hiẹ yín whinwhẹn tli, hiẹ tin lẹzùn mimẹ̀ Whenẹnu ewọ gbé Jiwheyẹwhe he basi i dai, Bo ma sọ hò Osé whlẹngan etọn tọn lọ pọ́n gba.